Zornotzak Zilarrezko LEB Kopa irabazi du lehenengoz, Sant Antoni taldeari gailenduta (66-64)
Teknei Zornotza ST taldeak bere lehen Zilarrezko LEB Kopa irabazi du larunbat honetan, Sant Antoni Ibiza Feeling taldeari 66-64 irabazita, atsedenaldira iritsi baino lehenago 14 puntugatik galtzen joan eta gero.
Balearretako taldeak 0-5eko abantailarekin hasi du partida, eta Matija Bilalovic kroaziarraren eskutik nagusi izan da lehen partzialean (10-17). Gainera, errenta hori areagotu egin du atsedenaldirako (24-35), nahiz eta 20-34 ere irabazten joan den.
Bigarren zatian, Mikel Garitaonaindiaren taldea lanean hasi da, eta markagailuko aldea murrizten joan da. Hala, hirugarren laurdena bukatzeko bi minuturen faltan, markagailuan aurretik jarri da lehen aldiz (44-41), hori bai laurden horren amaieran puntu bakarreko aldea islatzen zuen markagailuak (46-45).
Norgehiagoka parekotasun fase batean sartu da orduan, baina 49an berdinduta egon ostean (32. minutua) Zornotzak martxa bat gehiago jarri dio finalari garaikurra eskuratzeko bidean, Jordi Grimau azken txanpari zirrara jartzen tematu den arren.
Izan ere, eskolta katalan beteranoaren hiruko batek 66-64koa ezarri du amaieratik 35 segundora, eta Grimauk berak azken jaurtiketa bat huts egin du bozinaren azken soinuarekin batera.
Zornotzan CB Canariasek utzita jokatzen ari den Alberto Cabrera ) izan da finaleko jokalaririk baliotsuena (14 puntu, 8 errebote eta 6 asistentzia 25 puntuko balorazioa). Balearren aldetik Bilalovic (14 puntu) eta Grimau (11) izan dira gehien nabarmendu direnak.
Hala, Zornotzaren garaipena 2001ean eratu zen txapelketa hau bereganatzen duen laugarren euskal taldea da Bilbao Basket (2002), Gasteizko Araberri (2012) eta Azkoitia-Azpeitiko Iraurgi (2020 eta 2021) taldeen ondoren.
Zure interesekoa izan daiteke
Kosner Baskoniak sendo jarraitzen du Virtusi irabazita (72-82)
Gasteizko taldeak bigarren garaipena lortu du etxetik kanpo, minutu askotan nagusi izan den partidan.
Surne Bilbaoko jokalari eta zaleek elkarrekin ospatu dute Szombathelyren aurkako garaipena
Surne Bilbaok 95-88 irabazi dio Szombathelyri Miribillan. Garaipen honekin FIBA Europe Cupeko finala jokatuko dute bigarren urtez jarraian.
Surne Bilbaok bigarren finala jarraian jokatuko du, Miribillan ere Szombathelyri irabazi ondoren (95-88)
Ponsarnauren mutilek aise gainditu dute Hungariako taldea, partida serio batean. Giro hotz samarra izan da Miribillako harmailetan, Europarako finalerdia izan arren. Finalean Greziako PAOK Salonika izango da aurkaria berriro, UCAM Murtzia kanporatu baitu beste finalerdian.
Lointek Gernikak IDK Euskotren menderatu du Gascan, derbian, luzapenean (72-73)
Hala, Lucas Fernandezen taldeak Endesa Ligan jarraitzeko aurrerapauso ia erabakigarria eman du; Azu Muguruzaren taldea, ordea, ezin izan da play-offeko postuetara gerturatu. Gainera, Araskik balio handiko garaipena eskuratu du Perfumerias Avenidaren kantxan (68-72).
Kosner Baskoniak Makabiri irabazi dio, ateak itxita (101-98)
Baskoniarrek hirugarren laurden bikaina egin dute, eta partidan funtsezkoa izan den 40-19ko partziala sartu diote Israelgo taldeari.
Jaume Ponsarnau, asteazkeneko Surne Bilbao-Szombathely FIBA Europa Kopako partidaz: “Etxean jokatzen dugula aprobetxatu behar dugu”
Asteazkenean, 20:00etatik aurrera, Surne Bilbaok Szombathely taldearen aurka jokatuko du Miribillan. FIBA Europa Kopako finalerdietako itzuliko partida da, eta, hortaz, finalerako txartela jokoan da; Bilboko taldeak 17 puntuko aldea eskuratu zuen joaneko neurketan. EITBk zuzenean emango du partida, kirolakeitb.eus-en eta ETB1ONen.
Baskoniak laugarren garaipena jarraian lortu du Ligan, Baxi Manresa menderatuta (83-88)
Kosner Baskoniak bolada onean jarraitzen du, laugarren garaipena jarraian lortu baitu Endesa Ligan. Gasteizko taldeak Baxi Manresa garaitu du Nou Congosten, 83-88. 2-11ko partzialak eta Timothe Luwawu-Cabarrotek (27 puntu) eta Trent Forrestek (20 puntu) egindako lanak Baskoniaren alde jarri dute partida. Arabako taldeak 18 partida irabazi eta 7 galdu ditu orain arte.
Surne Bilbaok 90-74 menderatu du Unicaja, play-offetara hurbiltzeko
Surne Bilbaok Endesa Ligako play-offetarako hautagaitza aurkeztu du, Unicajaren aurka garaipen garrantzitsua eskuratuta (90-74). Zortzigarren sailkatuarekin berdinduta kokatu da, 15 garaipenekin, nahiz eta Malagako taldeak baino partida bat gehiago izan jokatuta.
Lointek Gernikaren garaipena eta Kutxabank Araskiren eta IDK Euskotrenen porrotak 26. jardunaldian
Bizkaiko taldea izan da puntuak lortu dituen bakarra, eta Araskik jaitsiera postuetan jarraitzen du.
Baskoniak berriro irabazi dio Real Madrili (98-96)
Gasteizko taldeak bere izaera berreskuratu du eta zuriak kolpatu ditu, duela bi hilabete Errege Kopako finalean bezala.