Ibon Navarro gasteiztarrak Unicaja entrenatuko du, denboraldi amaiera arte
Ibon Navarrok Unicaja Malafa taldea entrenatuko du denboraldia amaitu arte, eta kontratua luzatzeko aukerarekin, talde andaluziarrak berak ostegun honetan aditzera emandakoaren arabera. Navarrok Fotis Katsikaris aurreko entrenatzailearen lekua beteko du.
"Unicajak entrenatzaile berria du. Malagako taldeak akordioa egin du Ibon Navarro teknikariarekin (Gasteiz, 1976ko apirilaren 30a) taldea denboraldia amaitu arte zuzentzeko. Kontratua luzatzeko aukera zabalik izango da", azaldu dute klubetik.
Unicajak plantilla indartu du azken asteetan Dejan Kravic eta Matt Money jokalarien fitxaketekin, eta estu eta larri dabil aurten. Navarrorekin, egoera iraultzea espero dute. Arabarra MoraBanc taldean aritu da azken lau urteetan, baina urtarrilean kargutik kendu zuten emaitza txarren ondorioz.
Gasteiztarrak 2014an egin zuen debuta lehen entrenatzaile bezala Baskonia taldearekin. Ondoren, Manresa eta UCAM Murtzia entrenatu zituen. Navarrok Unicaja hartuko du talde andaluziarra Errege Kopatik kanpo geratu ostean. Ligan, andaluziarrak 13. dira, zazpi garaipenekin, jaitsiera postuetan daudenak baino bi garaipen gehiago dituzte eta playoffetako postuetan daudenak baino hiru gehiago. Bolada txarrean murgilduta, zuzendaritzak Fotis Katsikaris kargutik kendu zuen, entrenatzaile lanetan urtebete egin ostean.
Zure interesekoa izan daiteke
Kosner Baskoniak sendo jarraitzen du Virtusi irabazita (72-82)
Gasteizko taldeak bigarren garaipena lortu du etxetik kanpo, minutu askotan nagusi izan den partidan.
Surne Bilbaoko jokalari eta zaleek elkarrekin ospatu dute Szombathelyren aurkako garaipena
Surne Bilbaok 95-88 irabazi dio Szombathelyri Miribillan. Garaipen honekin FIBA Europe Cupeko finala jokatuko dute bigarren urtez jarraian.
Surne Bilbaok bigarren finala jarraian jokatuko du, Miribillan ere Szombathelyri irabazi ondoren (95-88)
Ponsarnauren mutilek aise gainditu dute Hungariako taldea, partida serio batean. Giro hotz samarra izan da Miribillako harmailetan, Europarako finalerdia izan arren. Finalean Greziako PAOK Salonika izango da aurkaria berriro, UCAM Murtzia kanporatu baitu beste finalerdian.
Lointek Gernikak IDK Euskotren menderatu du Gascan, derbian, luzapenean (72-73)
Hala, Lucas Fernandezen taldeak Endesa Ligan jarraitzeko aurrerapauso ia erabakigarria eman du; Azu Muguruzaren taldea, ordea, ezin izan da play-offeko postuetara gerturatu. Gainera, Araskik balio handiko garaipena eskuratu du Perfumerias Avenidaren kantxan (68-72).
Kosner Baskoniak Makabiri irabazi dio, ateak itxita (101-98)
Baskoniarrek hirugarren laurden bikaina egin dute, eta partidan funtsezkoa izan den 40-19ko partziala sartu diote Israelgo taldeari.
Jaume Ponsarnau, asteazkeneko Surne Bilbao-Szombathely FIBA Europa Kopako partidaz: “Etxean jokatzen dugula aprobetxatu behar dugu”
Asteazkenean, 20:00etatik aurrera, Surne Bilbaok Szombathely taldearen aurka jokatuko du Miribillan. FIBA Europa Kopako finalerdietako itzuliko partida da, eta, hortaz, finalerako txartela jokoan da; Bilboko taldeak 17 puntuko aldea eskuratu zuen joaneko neurketan. EITBk zuzenean emango du partida, kirolakeitb.eus-en eta ETB1ONen.
Baskoniak laugarren garaipena jarraian lortu du Ligan, Baxi Manresa menderatuta (83-88)
Kosner Baskoniak bolada onean jarraitzen du, laugarren garaipena jarraian lortu baitu Endesa Ligan. Gasteizko taldeak Baxi Manresa garaitu du Nou Congosten, 83-88. 2-11ko partzialak eta Timothe Luwawu-Cabarrotek (27 puntu) eta Trent Forrestek (20 puntu) egindako lanak Baskoniaren alde jarri dute partida. Arabako taldeak 18 partida irabazi eta 7 galdu ditu orain arte.
Surne Bilbaok 90-74 menderatu du Unicaja, play-offetara hurbiltzeko
Surne Bilbaok Endesa Ligako play-offetarako hautagaitza aurkeztu du, Unicajaren aurka garaipen garrantzitsua eskuratuta (90-74). Zortzigarren sailkatuarekin berdinduta kokatu da, 15 garaipenekin, nahiz eta Malagako taldeak baino partida bat gehiago izan jokatuta.
Lointek Gernikaren garaipena eta Kutxabank Araskiren eta IDK Euskotrenen porrotak 26. jardunaldian
Bizkaiko taldea izan da puntuak lortu dituen bakarra, eta Araskik jaitsiera postuetan jarraitzen du.
Baskoniak berriro irabazi dio Real Madrili (98-96)
Gasteizko taldeak bere izaera berreskuratu du eta zuriak kolpatu ditu, duela bi hilabete Errege Kopako finalean bezala.