Baskoniak irabazi du Gipuzkoa Basketen aurkako euskal derbia
Kirolbet Baskoniak irabazi du Delteco GBC taldearen aurka (85-66) jokatu duen Endesa Ligako hirugarren jardunaldiko euskal derbia. Ondorioz, Baskoniak 2 garaipen eta porrot bateko balantzea du. Gipuzkoa Basketek, aldiz, galdu egin ditu orain arte jokatutako hiru partidak.
Arabako taldeak bikain ekin dio neurketari 5-0eko partzialarekin, eta lehen laurdenean jaun eta jabe izan da. Gipuzkoa Basket ezinean ibili da. Baskonia 16 puntuko abantila izatera iritsi da (22-6), baina hasierako 10 minutuak amaitu orduko, aldeak murriztea lortu du Delteco GBCk. Hala ere, 13 puntuko abantaila eskuratu du Pedro Martinezek zuzentzen duen taldeak (24-11).
Bigarren laurdenearen hasieran ere nagusi izan da Kirolbet Baskonia eta 14 puntuko errenta (27-13 eta 30-16) izan du. Dena den, Delteco GBC taldeak lanean jarraitu du, eta aldeak murrizten hasi da; atsedenaldira iristeko 5 minutu falta zirenean 7 puntura gerturatu da (32-25), eta neurketa berdintzea lortu du (32-32) laurdena bukatzeko 3 minuturen faltan. Bigarren laurdenaren azken txanpa oso parekatua izan da, eta Baskonia 2 puntuko abantailarekin iritsi da atsedenaldira (40-38).
Pedro Martinezek zuzentzen duen taldea indartsu kantxaratu da atsedenaldiaren ostean eta hirugarren laurdenaren lehen erdian hautsi du neurketa. Baskoniak 10 puntuko errenta eskuratu du laurdeneko lehen 5 minutuetan (57-47). Ondoren, abantaila handitzea lortu du Arabako taldeak eta garaipena bideratuta utzi du (68-51).
Azken laurdenean, Delteco GBC saiatu da desabantaila murrizten, baina Baskoniak ez du nahi izan bigarren laurdenean gertatutakoa errepikatzea, eta sendo mantendu da defentsan zein erasoan. Arabako taldeak ez dio aukerarik eman talde gipuzkoarrari eta derbia irabazi du (85-66).
Fitxa teknikoa:
85 - Kirolbet Baskonia (24+16+28+17): Huertas (10), Hilliard (10), Shields (7), Voigtmann (15) eta Poirier (13) -hasierako bostekoa-, Vildoza (-), Janning (5), Diop (8), Granger (4), Shengelia (13), eta Garino (-).
66 - Delteco GBC (11+27+13+15): Dani Perez (-), Van Lacke (1), Salvó (6), Bobrov (6) eta Barro (2) -hasierako bostekoa- , Jorge Gutierrez (10), Nevels (22), Maiza (-), Sekulic (9), Burjanadze (4) eta Corbacho (6).
Epaileak: Benjamin Jimenez, Francisco Araña eta Arnau Prados. Faltengatik kanporatuak izan dira Barro (37. min) eta Brobov (37. min).
Zure interesekoa izan daiteke
Kosner Baskoniak sendo jarraitzen du Virtusi irabazita (72-82)
Gasteizko taldeak bigarren garaipena lortu du etxetik kanpo, minutu askotan nagusi izan den partidan.
Surne Bilbaoko jokalari eta zaleek elkarrekin ospatu dute Szombathelyren aurkako garaipena
Surne Bilbaok 95-88 irabazi dio Szombathelyri Miribillan. Garaipen honekin FIBA Europe Cupeko finala jokatuko dute bigarren urtez jarraian.
Surne Bilbaok bigarren finala jarraian jokatuko du, Miribillan ere Szombathelyri irabazi ondoren (95-88)
Ponsarnauren mutilek aise gainditu dute Hungariako taldea, partida serio batean. Giro hotz samarra izan da Miribillako harmailetan, Europarako finalerdia izan arren. Finalean Greziako PAOK Salonika izango da aurkaria berriro, UCAM Murtzia kanporatu baitu beste finalerdian.
Lointek Gernikak IDK Euskotren menderatu du Gascan, derbian, luzapenean (72-73)
Hala, Lucas Fernandezen taldeak Endesa Ligan jarraitzeko aurrerapauso ia erabakigarria eman du; Azu Muguruzaren taldea, ordea, ezin izan da play-offeko postuetara gerturatu. Gainera, Araskik balio handiko garaipena eskuratu du Perfumerias Avenidaren kantxan (68-72).
Kosner Baskoniak Makabiri irabazi dio, ateak itxita (101-98)
Baskoniarrek hirugarren laurden bikaina egin dute, eta partidan funtsezkoa izan den 40-19ko partziala sartu diote Israelgo taldeari.
Jaume Ponsarnau, asteazkeneko Surne Bilbao-Szombathely FIBA Europa Kopako partidaz: “Etxean jokatzen dugula aprobetxatu behar dugu”
Asteazkenean, 20:00etatik aurrera, Surne Bilbaok Szombathely taldearen aurka jokatuko du Miribillan. FIBA Europa Kopako finalerdietako itzuliko partida da, eta, hortaz, finalerako txartela jokoan da; Bilboko taldeak 17 puntuko aldea eskuratu zuen joaneko neurketan. EITBk zuzenean emango du partida, kirolakeitb.eus-en eta ETB1ONen.
Baskoniak laugarren garaipena jarraian lortu du Ligan, Baxi Manresa menderatuta (83-88)
Kosner Baskoniak bolada onean jarraitzen du, laugarren garaipena jarraian lortu baitu Endesa Ligan. Gasteizko taldeak Baxi Manresa garaitu du Nou Congosten, 83-88. 2-11ko partzialak eta Timothe Luwawu-Cabarrotek (27 puntu) eta Trent Forrestek (20 puntu) egindako lanak Baskoniaren alde jarri dute partida. Arabako taldeak 18 partida irabazi eta 7 galdu ditu orain arte.
Surne Bilbaok 90-74 menderatu du Unicaja, play-offetara hurbiltzeko
Surne Bilbaok Endesa Ligako play-offetarako hautagaitza aurkeztu du, Unicajaren aurka garaipen garrantzitsua eskuratuta (90-74). Zortzigarren sailkatuarekin berdinduta kokatu da, 15 garaipenekin, nahiz eta Malagako taldeak baino partida bat gehiago izan jokatuta.
Lointek Gernikaren garaipena eta Kutxabank Araskiren eta IDK Euskotrenen porrotak 26. jardunaldian
Bizkaiko taldea izan da puntuak lortu dituen bakarra, eta Araskik jaitsiera postuetan jarraitzen du.
Baskoniak berriro irabazi dio Real Madrili (98-96)
Gasteizko taldeak bere izaera berreskuratu du eta zuriak kolpatu ditu, duela bi hilabete Errege Kopako finalean bezala.