Baskoniak azken momentuan irabazi dio GBCri emozioz beteriko derbia
Baskoniak irabazi du Gipuzkoa Basketen aurkako euskal derbia (88-86). Gipuzkoarrek aurre egin diete baskonistei, eta hobeak izan dira lehen zatian, baina etxekoen erantzuna heldu da hirugarren laurdenean. GBCk berrz estutu du azken momentuan berdintzeko, baina azken emaitza arabarren aldekoa izan da.
Rodrigue Beaubois protagonista izan da bukaeran, lau puntu jarraian sartuta eta garaipeneko saskiratzea lortuta. Baskoniak 17 puntuko aldea irauli dio Gipuzkoa Basketi.
Etxekoek, bigarren zatian 52 puntu egin dituzten arren, ezin izan dute partida itxi, eta sufritu egin dute garaipena eskuratzeko. Tornike Shengeliak (33 puntuko balorazioa) zuzendu du garaipena, 19 puntu egin dituen base frantziarrarekin batera.
Gipuzkoa Basketen, Henk Norel (21), Jordan Swing (20) eta Kenny Cheryren (17) lana ez da nahikoa izan Buesa Arenan bigarrenez irabazteko.
Porfi Fisacen taldea Norelen bila ibili da hasieratik, eta asmatu egin du, 4-14ko partziala jarrita. Baskoniari kontrakoa geratatu zaio hirukoekin. Gipuzoarrak oso nagusi izan dira lehen laurdenean (13-22).
Bigarren laurdenaen, GBCk aldea handitu du (28-25), erasoko erreboteari eta Jordan Swingen lidergoari esker. Baskoniak hobeto egin du defentsan, eta partidan berriz sartzea lortu du (8-0eko partziala), atsedenaldira 36-46ko markagailuarekin helduta.
Gidoia ez da aldatu hirugarren laurdenaren hasieran, eta donostiarrek Baskoniaren akatsak aprobetxatu ditu (47-61). Arabarren erantzuna Shengeliak zuzendu du, eta markagaliua estutu dute bukaeran (62-67).
Azken laurdenan, 10-0eko partzialari esker aurretik jarri da Baskonia. Kanpokoak nagusitasuna berrezkuratzen saiatu dira, baina etxekoak erosoago ibili dira atzean lana hobetzeari esker, eta erasoan ere erraz mugitu dute baloia.
Bukaera estua izan da GBCren erantzunaren ondorioz, baina Beauboisen saskiratzeek azken momentuan eman diote garaipena Baskoniari.
FITXA TEKNIKOA
Baskonia: Huertas (2), Beaubois (19), Timma (13), Shengelia (23), Poirier (-) -hasierako boskotea-, Voigtmann (10), Janning (-), Diop (6), Granger (10), Garino (2) eta Vildoza (3).
Gipuzkoa Basket: Dani Pérez (7), Salvo (5), Swing (20), Clark (5), Norel (21) - hasierako boskotea-, Oroz (-), Van Lacke (3), Agbelese (-), Chery (17), Pardina (3) eta Beraza (-).
Partzialak: 13-22, 23-24, 26-21 eta 26-19.
Zure interesekoa izan daiteke
Paolo Galbiati, Baskoniak izandako harreraz: "Espero nuena baino handiagoa izan da, askoz ere handiagoa"
Entrenatzaile italiarrak, Kosner Baskoniak Gasteizen ospatu duen festaren azken minutuetan, EITBrekin hitz egin du: "Garaipen honek betiko lotuko gaitu", adierazi du Galbiatik.
Tadas Sedekerskisek "Ikusi mendizaleak" abestu du Kosner Baskoniaren zaleekin
Gora etorri da Lituaniako jokalaria, eta kanta ospetsua abestu du.
Gasteizek bere txapeldunei harrera beroa egin die, zazpigarren Koparen ospakizunetan
Gasteizko Andre Maria Zuriaren plaza lepo bete da Paolo Galbiatiren jokalariei harrera egiteko, taldeak bere zazpigarren Errege Kopa irabazi ondoren. Baskoniaren entrenatzaile italiarra zeremonia-maisu izan da, eta Sedekerskis kapitaina Ikusi mendizaleak abestia kantatzera ausartu da.
Paolo Galbiati: “Ezin nuen plaza hau nire klubarentzat beteta ikustea baino hoberik espero”
Paolo Galbiati Baskoniako ikur bilakatu da. Gasteiztarren artean maitatua, eta giroa jartzen paregabea. Honakoak izan dira gasteiztarrei, baskonistei eta bere lan-taldeari eskaini dizkien hitzak.
Sedekerskis: “Zuek gabe Kopa hau ez litzateke posible izango; kolore hauek eta armarri hau defendatzen jarraituko dugu”
Baskoniak Errege Kopan lortutako garaipenaren ospakizuna egin dute gaur Gasteizen. Andre Maria Zuriaren plazako balkoian Tadas Sedekerskis kapitainak eskerrak eman dizkie zaleei, baita Markus Howardek ere: “Inor baino gehiago merezi duzue; garaipen hau gurea bezain zuena da”.
Aurreskua egin diote Kosner Baskonia txapeldunari
Kosner Baskoniak Errege Kopan lortutako garaipenaren ospakizunean, aurreskua dantzatu diete txapeldunei; Algara Dantza Taldea arduratu da horretaz, bere 25. urteurrenean.
ARGAZKI-GALERIA: Baskoniaren ospakizunek Gasteizen utzitako irudirik onenak
Baskoniak bere zaleekin batera ospatu du asteburuan Valentzian irabazitako Errege Kopa. Andre Maria Zuriaren plaza jendez lepo egon da Gasteizko taldeari harrera egin eta jokalariak omentzeko. Hemen ikus ditzakezue ekitaldiak utzitako une ikusgarrietako zenbait.
Ikusi zuzenean "Zorionak, Baskonia!" saioa, saskibaloiko Kopa txapeldunak omentzeko harrera ekitaldia
Gaur arratsaldean, 18:45etik aurrera, saskibaloiko Kopako txapeldunari Gasteizko Andre Maria Zuriaren plazan egingo zaion harrera zuzenean ikusteko aukera izango da kirolakeitb.eus atarian, ETB1en, ETB2n eta ETB On plataforman.
Errege Kopako hamar jokaldi onenak
Amaitu da saskibaloiko Errege Kopa, eta hemen bildu ditugu txapelketako hamar jokaldi onenak. Jokaldi onena Trent Forresten mate bat izan da.
Gasteiz irribarrea ahoan da, Baskoniak Kopa irabazita
Hiriak goizaldera arte ospatu du Paolo Galbiatiren taldearen garaipena; orduek aurrera egin ahala, gasteiztarrak egunerokoan murgildu dira, baina ohi baino alaiago, otsaileko edozein astelehenetan baino poz handiagoa izan dutela.