Gipuzkoa Basketek garaipen handia lortu du Estudiantes jipoituta
Gipuzkoa Basketek 75-92 irabazi dio Movistar Estudiantesi Madrilen, eta bigarren garaipena lortu du Endesa Ligan. Denboraldi honetan gipuzkoarrek lortu duten bigarren garaipena izan da, Norel izendatu dute partidako jokalari onena, 'MVP', bigarren jardunaldiz jarraian.
Hasieratik izan da nagusi GBC. Lehen saskiratzea talde gipuzkoarrak lortu du, eta hortik aurrera aurretik joan da. Minutuak igaro ahala, Donostiako taldea abantaila handituz joan da, eta lehen hamar minutuak 12 puntuko aldearekin amaitu ditu GBC taldeak: 11-23. Bigarren laurdenean, nagusitasun are handiagoa izan du Gipuzkoa Basketek, eta 27-48ko emaitzarekin iritsi da neurketa atsedenaldira.
Atsedenaldiaren ostean, partidaren gidoia ez da aldatu. Gipuzkoa Basket jaun eta jabe izan da, eta Estudiantes ezinean ibili da. Ondorioz, Donostiako taldearen aldeko 22 puntuko abantailarekin amaitu da hirugarren laurdena: 46-68. Azken laurdenerako, dena erabakita zegoen. Gipuzkoa Basketek ez du arazorik izan abantailari eusteko, eta garaipena eskuratu du, 75-92ko emaitzarekin.
Fitxa teknikoa:
75 - Movistar Estudiantes (11+16+19+29): Cook (13), Brizuela (3), Suton (2), Landesberg (14) eta Arteaga (1) —hasierako bostekoa—, Cvetkovic (6), Caner-Medley (6), Hakanson (6), Brown (10), Vicedo (9), Peña (5) eta Savane (-).
92 - Gipuzkoa Basket (23+25+20+24): Dani Perez (14), Van Lacke (3), Swing (8), Norel (16) eta Clark (12) —hasierako bostekoa—, Salvo (11), Fakuade (2), Agbelese (10), Chery (8), Oroz (4) eta Pardina (4).
Epaileak: Juan Carlos Garcia Gonzalez, Andres Fernandez eta Javier Torres.
Javier Torres.Zure interesekoa izan daiteke
Paolo Galbiati, Baskoniak izandako harreraz: "Espero nuena baino handiagoa izan da, askoz ere handiagoa"
Entrenatzaile italiarrak, Kosner Baskoniak Gasteizen ospatu duen festaren azken minutuetan, EITBrekin hitz egin du: "Garaipen honek betiko lotuko gaitu", adierazi du Galbiatik.
Tadas Sedekerskisek "Ikusi mendizaleak" abestu du Kosner Baskoniaren zaleekin
Gora etorri da Lituaniako jokalaria, eta kanta ospetsua abestu du.
Gasteizek bere txapeldunei harrera beroa egin die, zazpigarren Koparen ospakizunetan
Gasteizko Andre Maria Zuriaren plaza lepo bete da Paolo Galbiatiren jokalariei harrera egiteko, taldeak bere zazpigarren Errege Kopa irabazi ondoren. Baskoniaren entrenatzaile italiarra zeremonia-maisu izan da, eta Sedekerskis kapitaina Ikusi mendizaleak abestia kantatzera ausartu da.
Paolo Galbiati: “Ezin nuen plaza hau nire klubarentzat beteta ikustea baino hoberik espero”
Paolo Galbiati Baskoniako ikur bilakatu da. Gasteiztarren artean maitatua, eta giroa jartzen paregabea. Honakoak izan dira gasteiztarrei, baskonistei eta bere lan-taldeari eskaini dizkien hitzak.
Sedekerskis: “Zuek gabe Kopa hau ez litzateke posible izango; kolore hauek eta armarri hau defendatzen jarraituko dugu”
Baskoniak Errege Kopan lortutako garaipenaren ospakizuna egin dute gaur Gasteizen. Andre Maria Zuriaren plazako balkoian Tadas Sedekerskis kapitainak eskerrak eman dizkie zaleei, baita Markus Howardek ere: “Inor baino gehiago merezi duzue; garaipen hau gurea bezain zuena da”.
Aurreskua egin diote Kosner Baskonia txapeldunari
Kosner Baskoniak Errege Kopan lortutako garaipenaren ospakizunean, aurreskua dantzatu diete txapeldunei; Algara Dantza Taldea arduratu da horretaz, bere 25. urteurrenean.
ARGAZKI-GALERIA: Baskoniaren ospakizunek Gasteizen utzitako irudirik onenak
Baskoniak bere zaleekin batera ospatu du asteburuan Valentzian irabazitako Errege Kopa. Andre Maria Zuriaren plaza jendez lepo egon da Gasteizko taldeari harrera egin eta jokalariak omentzeko. Hemen ikus ditzakezue ekitaldiak utzitako une ikusgarrietako zenbait.
Ikusi zuzenean "Zorionak, Baskonia!" saioa, saskibaloiko Kopa txapeldunak omentzeko harrera ekitaldia
Gaur arratsaldean, 18:45etik aurrera, saskibaloiko Kopako txapeldunari Gasteizko Andre Maria Zuriaren plazan egingo zaion harrera zuzenean ikusteko aukera izango da kirolakeitb.eus atarian, ETB1en, ETB2n eta ETB On plataforman.
Errege Kopako hamar jokaldi onenak
Amaitu da saskibaloiko Errege Kopa, eta hemen bildu ditugu txapelketako hamar jokaldi onenak. Jokaldi onena Trent Forresten mate bat izan da.
Gasteiz irribarrea ahoan da, Baskoniak Kopa irabazita
Hiriak goizaldera arte ospatu du Paolo Galbiatiren taldearen garaipena; orduek aurrera egin ahala, gasteiztarrak egunerokoan murgildu dira, baina ohi baino alaiago, otsaileko edozein astelehenetan baino poz handiagoa izan dutela.