Arzallusen iritziz, Gipuzkoa Basketek 'urrezko aukera' du aurrean
Gipuzkoa Basketeko presidente Nekane Arzallusek esan du "urrezko aukera" dela klubarentzat Endesa Ligarako txartela lortu izana. "Guztien laguntza behar dugu; ezinbestekoa da zaleek laguntzea, bai eta abonatuek eta babesleek ere', adierazi du astearte honetan, prentsaurrekoan. GBC azkenean Endesa Ligara eraman duen ibilbidea azaldu du Arzallusek bertan.
"Bide luzea eta korapilatsua izan da", nabarmendu du Arzallusek, 'baina azkenean beste testuinguru batean amaitu da: Endesa Ligarako sarbidea, orain, baldintza askoz ere hobean gauzatuko da'. Arzallusen hitzetan, GBCk zenbait eskakizun bete behar zituen: zorrik ez izatea jokalariekin; Ogasunarekin eta Gizarte Segurantzarekin egunean egotea; eta ondare-oreka bermatzea. 400.000 euroko abala aurkeztu du klubak: "Eskertzekoa da Banco Sabadellek eskainitako arintasuna, eta, halaber, Foru Aldundiak bere laguntza partzialki aurreratu izana". GBCko presidenteak azpimarratu du 2016-17 denboraldian Aldundiak klubaren diru-sarreren % 35 eman dituela.
Gipuzkoa Basketek Donostia Arenan jokatuko ditu bere partidak, Illunben. Arzallusen esanetan, Donostiako Udala prest azaldu da instalazioak ahalik eta ondoen prestatzen zeregin horretarako.
Klubaren asmoa, Fisacek jarraitzea
Nekane Arzallusek baieztatu duenez, klubaren asmoa da Porfi Fisac izatea datorren denboraldian ere GBCren entrenatzailea, eta hori baieztatutakoan, jokalarien taldea osatzen hasiko direla gaineratu du. Halaber, GBCk "ondorengo hilabeteotan" babesle nagusia izatea espero duela erantsi du.
Zure interesekoa izan daiteke
Kosner Baskoniak sendo jarraitzen du Virtusi irabazita (72-82)
Gasteizko taldeak bigarren garaipena lortu du etxetik kanpo, minutu askotan nagusi izan den partidan.
Surne Bilbaoko jokalari eta zaleek elkarrekin ospatu dute Szombathelyren aurkako garaipena
Surne Bilbaok 95-88 irabazi dio Szombathelyri Miribillan. Garaipen honekin FIBA Europe Cupeko finala jokatuko dute bigarren urtez jarraian.
Surne Bilbaok bigarren finala jarraian jokatuko du, Miribillan ere Szombathelyri irabazi ondoren (95-88)
Ponsarnauren mutilek aise gainditu dute Hungariako taldea, partida serio batean. Giro hotz samarra izan da Miribillako harmailetan, Europarako finalerdia izan arren. Finalean Greziako PAOK Salonika izango da aurkaria berriro, UCAM Murtzia kanporatu baitu beste finalerdian.
Lointek Gernikak IDK Euskotren menderatu du Gascan, derbian, luzapenean (72-73)
Hala, Lucas Fernandezen taldeak Endesa Ligan jarraitzeko aurrerapauso ia erabakigarria eman du; Azu Muguruzaren taldea, ordea, ezin izan da play-offeko postuetara gerturatu. Gainera, Araskik balio handiko garaipena eskuratu du Perfumerias Avenidaren kantxan (68-72).
Kosner Baskoniak Makabiri irabazi dio, ateak itxita (101-98)
Baskoniarrek hirugarren laurden bikaina egin dute, eta partidan funtsezkoa izan den 40-19ko partziala sartu diote Israelgo taldeari.
Jaume Ponsarnau, asteazkeneko Surne Bilbao-Szombathely FIBA Europa Kopako partidaz: “Etxean jokatzen dugula aprobetxatu behar dugu”
Asteazkenean, 20:00etatik aurrera, Surne Bilbaok Szombathely taldearen aurka jokatuko du Miribillan. FIBA Europa Kopako finalerdietako itzuliko partida da, eta, hortaz, finalerako txartela jokoan da; Bilboko taldeak 17 puntuko aldea eskuratu zuen joaneko neurketan. EITBk zuzenean emango du partida, kirolakeitb.eus-en eta ETB1ONen.
Baskoniak laugarren garaipena jarraian lortu du Ligan, Baxi Manresa menderatuta (83-88)
Kosner Baskoniak bolada onean jarraitzen du, laugarren garaipena jarraian lortu baitu Endesa Ligan. Gasteizko taldeak Baxi Manresa garaitu du Nou Congosten, 83-88. 2-11ko partzialak eta Timothe Luwawu-Cabarrotek (27 puntu) eta Trent Forrestek (20 puntu) egindako lanak Baskoniaren alde jarri dute partida. Arabako taldeak 18 partida irabazi eta 7 galdu ditu orain arte.
Surne Bilbaok 90-74 menderatu du Unicaja, play-offetara hurbiltzeko
Surne Bilbaok Endesa Ligako play-offetarako hautagaitza aurkeztu du, Unicajaren aurka garaipen garrantzitsua eskuratuta (90-74). Zortzigarren sailkatuarekin berdinduta kokatu da, 15 garaipenekin, nahiz eta Malagako taldeak baino partida bat gehiago izan jokatuta.
Lointek Gernikaren garaipena eta Kutxabank Araskiren eta IDK Euskotrenen porrotak 26. jardunaldian
Bizkaiko taldea izan da puntuak lortu dituen bakarra, eta Araskik jaitsiera postuetan jarraitzen du.
Baskoniak berriro irabazi dio Real Madrili (98-96)
Gasteizko taldeak bere izaera berreskuratu du eta zuriak kolpatu ditu, duela bi hilabete Errege Kopako finalean bezala.