RETAbet.es GBC Urrezko LEB mailara jaitsi da
RETAbet.es GBCk 90-88 galdu zuen FIATC Joventuten auka eta Urrezko LEB mailara jaitsi da matematikoki. Partida ona jokatu zuen talde gipuzkoarrak eta ia partida guztian zehar markagailuan aurretik ibili den arren, etxeko taldea nagusi izan da azken txanpan.
Ondo ekin zion partidari Gipuzkoa Basketek, baina Joventutek ez zion talde gipuzkoarrari ihes egiten utzi nahi. Bi taldeek lehen laurden parekatua jokatu zuten, eta etxeko taldearen aldeko bi puntuko abantailarekin bukatu ziren lehen hamar minutuak (20-18). Bigarren laurden ona jokatu zuen RETAbet.es GBCk, eta hau ere parekatua izan zen arren, talde gipuzkoarrak lau puntuko abantaila eskuratu zuen (38-42).
Atsedenaldiaren ostean, lehiak parekatuta jarraitu zuen. Bai GBCk bai Joventutek hirugarren laurden ona jokatu zuten, bakoitzak 28na puntu sartuta. Ondorioz, lau puntuko abantaila mantendu zuen RETAbet.es GBCk (66-70). Partida irekita iritsi zen azken laurdenera, baita azken minutura ere. Txanpa erabakigarrian, ordea, Joventutek Gipuzkoa Basketek baino gehiago asmatu zuen, eta garaipenak ez zion ihes egin (90-88).
Fitxa teknikoa:
90. FIATC Joventut (20+18+28+24): Mallet (6), Vidal (11), Abalde (15), Suton (10), Miralles (14) -hasierako bostekoa-, Sabat (11), Llovet (6), Ventura (-), Drame (6) eta Paul (11).
88- RETAbet.es GBC (18+24+28+18): Llompart (5), Jordi Grimau (21), Landry (21), Vrkic (11), Doblas (10) -hasierako bostekoa-, Agbelese (8), Soluade (-), Otegui (6), Maiza (4) eta Oroz (2).
Epaileak: Peruga, Castillo eta Cardus.
llo eta Cardus.Zure interesekoa izan daiteke
Samantha Galanopoulos joko-antolatzaile greziarra Gernika KESB taldera batu da
Grezian Esperides Kallitheas eta Panathinaikos taldeetan lehiatu ondoren, Galanopoulos Malostera iritsiko da Emakumezkoen Endesa Ligan etapa berri bati aurre egiteko.
Surne Bilbaok ALBA Berlin, Slavia Praga eta Igokea izango ditu aurkari 2026-2027ko Txapeldunen Ligako multzo fasean
Txapelketa urriaren 6an hasiko da. Surne Bilbao Txapeldunen Ligara bueltatuko da; azken hiru denboraldietan, FIBA Europa Kopan aritu da, eta 2025ean eta 2026an irabazi du hori.
Gernika KESBk Elena Bosgana hegaleko greziarra fitxatu du, 2026-2027 denboraldirako
Bosgana, 22 urtekoa eta 1,90ekoa bera, Leganesetik iritsi da euskal taldera. Greziako selekzioarekin internazionala izan da, eta Gernika KESBk espero du “fisikoa, moldakortasuna eta hainbat posiziotatik eragiteko gaitasuna” emateari taldeari.
Kosner Baskoniak iragarri du Rafa Villarrek ez duela taldean jarraituko
Eskoltak denboraldi bat eman du euskal klubean. 2028ra arteko kontratua zuen, baina ez du jarraituko 2026-2027 denboraldian.
Montse Brotonsek Kutxabank Araskirekin berritu du
Alacanteko pibotak beste denboraldi batez jokatuko du Araskin, hirugarren denboraldia beteko du elastiko berdea defendatzen.
Surne Bilbaok Ondřej Husták fitxatu du 2028ra arte
22 urte eta 2,12 metroko pibot txekiarrak “intentsitatea eta energia” ekarriko dituela adierazi du talde bilbotarrak.
Baskonia-Alaves Taldeak Buesa Arena erosi nahi dio Arabako Foru Aldundiari
Operazioaren epeak eta zenbatekoak ez dituzte jakinarazi, baina Josean Querejeta taldeko presidenteak eta Ramiro Gonzalez ahaldun nagusiak salerosketa gauzatzeko borondate argia azaldu dute.
Lopez-Arosteguik Valentzia Basket utzi eta La Laguna Tenerifen jokatuko du
Getxoztarrak 253 partida ofizial jokatuta esango dio agur talde valentziarrari, eta Laguna Tenerifen jarraituko du bere ibilbidea.
Naia Zubiagak ez du Gernika KESBen jarraituko datorren denboraldian
Harrobiko jokalariak 2024-2025 denboraldian egin zuen debuta lehen taldearekin, eta bigarren denboraldian ere etxean jokatu ostean, harremana etengo du klubarekin.
Manex Asorregik Surne Bilbaorekin sinatu du 2028ra arte
Jokalari azkoitiarra Askatuak Gipuzkoatik iritsi da talde bilbotarrera, talde gipuzkoarrean azken hiru denboraldiak emanda.