Gipuzkoa Basketek garaipena ezagutu gabe jarraitzen du
RETAbet.es GBCk garaipena ezagutu gabe jarraitzen du Endesa Ligan, igande honetan Montakit Fuenlabradaren aurka 68-82 galdu ostean. Gipuzkoarrek ondo eutsi dute atsedenaldira arte, baina azken bi laurdenetan behera etorri dira.
Norgehiagoka parekatua izan da atsedenaldira iritsi arte. Lehen laurdenean Gipuzkoa Basketek puntu bateko aldea lortu du (19-18) eta bigarren laurdena ere oso parekatua izan den arren, Fuelabrada aurretik iritsi da atsedenaldira (43-44).
Hirugarren laurdenaren hasieran Fuenlabrada hobeto hasi da, baina etxeko taldeak azkar erreakzionatu eta lehia parekatzea lortu du. Laurdenaren azken txanpan, ordea, Madrileko taldeak zortzi puntuko abantaila lotu du (57-65).
Azken laurdenera zortzi puntuko desabantailarekin iristea zama astuna izan da Gipuzkoa Basketentzat. GBCko jokalariek ez dituzte erabaki onak hartu azken txanpan; erasoan ez dute asmatu eta Fuenlabrada aise nagusitu da. Amaieran, Montakit Fuenlabrada atera da garaile (68-82).
Fitxa teknikoa:
68 - Retabet.es GBC (21+22+14+11): Lawrence (12), Txemi Urtasun (2), Jordi Grimau (13), Milbourne (7), Doblas (18)- hasierako bostekoa- Andres Rico (3), Olaizola, Vrkic (9), Travis Wear (3), Olaizola (1).
82 - Montakit Fuenlabrada (21+23+21+17): Tabu (7), Popovic (15), Smitsh (7), Ernest Scott (5) Sobin (5)-hasierako bostekoa- Paunic (6), Stevic (11), Uriz (2), Alex Urtasun (21), Davis Wear, Pauni, Jorge Sanz, Gonzalez (3).
Epaileak: Martin, Matinez Fernandez eta Jordi.
ndez eta Jordi.Zure interesekoa izan daiteke
Paolo Galbiati, Baskoniak izandako harreraz: "Espero nuena baino handiagoa izan da, askoz ere handiagoa"
Entrenatzaile italiarrak, Kosner Baskoniak Gasteizen ospatu duen festaren azken minutuetan, EITBrekin hitz egin du: "Garaipen honek betiko lotuko gaitu", adierazi du Galbiatik.
Tadas Sedekerskisek "Ikusi mendizaleak" abestu du Kosner Baskoniaren zaleekin
Gora etorri da Lituaniako jokalaria, eta kanta ospetsua abestu du.
Gasteizek bere txapeldunei harrera beroa egin die, zazpigarren Koparen ospakizunetan
Gasteizko Andre Maria Zuriaren plaza lepo bete da Paolo Galbiatiren jokalariei harrera egiteko, taldeak bere zazpigarren Errege Kopa irabazi ondoren. Baskoniaren entrenatzaile italiarra zeremonia-maisu izan da, eta Sedekerskis kapitaina Ikusi mendizaleak abestia kantatzera ausartu da.
Paolo Galbiati: “Ezin nuen plaza hau nire klubarentzat beteta ikustea baino hoberik espero”
Paolo Galbiati Baskoniako ikur bilakatu da. Gasteiztarren artean maitatua, eta giroa jartzen paregabea. Honakoak izan dira gasteiztarrei, baskonistei eta bere lan-taldeari eskaini dizkien hitzak.
Sedekerskis: “Zuek gabe Kopa hau ez litzateke posible izango; kolore hauek eta armarri hau defendatzen jarraituko dugu”
Baskoniak Errege Kopan lortutako garaipenaren ospakizuna egin dute gaur Gasteizen. Andre Maria Zuriaren plazako balkoian Tadas Sedekerskis kapitainak eskerrak eman dizkie zaleei, baita Markus Howardek ere: “Inor baino gehiago merezi duzue; garaipen hau gurea bezain zuena da”.
Aurreskua egin diote Kosner Baskonia txapeldunari
Kosner Baskoniak Errege Kopan lortutako garaipenaren ospakizunean, aurreskua dantzatu diete txapeldunei; Algara Dantza Taldea arduratu da horretaz, bere 25. urteurrenean.
ARGAZKI-GALERIA: Baskoniaren ospakizunek Gasteizen utzitako irudirik onenak
Baskoniak bere zaleekin batera ospatu du asteburuan Valentzian irabazitako Errege Kopa. Andre Maria Zuriaren plaza jendez lepo egon da Gasteizko taldeari harrera egin eta jokalariak omentzeko. Hemen ikus ditzakezue ekitaldiak utzitako une ikusgarrietako zenbait.
Ikusi zuzenean "Zorionak, Baskonia!" saioa, saskibaloiko Kopa txapeldunak omentzeko harrera ekitaldia
Gaur arratsaldean, 18:45etik aurrera, saskibaloiko Kopako txapeldunari Gasteizko Andre Maria Zuriaren plazan egingo zaion harrera zuzenean ikusteko aukera izango da kirolakeitb.eus atarian, ETB1en, ETB2n eta ETB On plataforman.
Errege Kopako hamar jokaldi onenak
Amaitu da saskibaloiko Errege Kopa, eta hemen bildu ditugu txapelketako hamar jokaldi onenak. Jokaldi onena Trent Forresten mate bat izan da.
Gasteiz irribarrea ahoan da, Baskoniak Kopa irabazita
Hiriak goizaldera arte ospatu du Paolo Galbiatiren taldearen garaipena; orduek aurrera egin ahala, gasteiztarrak egunerokoan murgildu dira, baina ohi baino alaiago, otsaileko edozein astelehenetan baino poz handiagoa izan dutela.