Bosgarren porrota jarraian Gipuzkoa Basketentzat
RETAbet.es GBCk bosgarren porrota jaso du Endesa Ligan, Rio Natura Mombus taldearen aurka 81-68 galdu ostean. Talde gipuzkoarrak Endesa Ligan orain arte jokatutako bost partidak galdu egin ditu, nahiz eta partida honetan itxura hobea eman duten.
Lehen laurdena oso parekatua izan da. Bi taldeetako bat ere ez da markagailuan aldeak lortzeko gai izan eta lehen hamar minutuak talde galiziarraren aldeko 17-15eko emaitzarekin bukatu dira. Bigarren laurdenean, ordea, Rio Natura Monbus Gipuzkoa Basklet baino gehiago izan da, eta, ondorioz, aldeak lortzen hasi da. GBCk arazoak izan ditu erasoko eta defentsako jokoan eta hamabi puntuko desabantailarekin iritsi dira gipuzkoarrak atsedenaldira (33-25).
Atsedenalditik zelaira itzuli ostean, hirugarren laurden parekatua jokatu dute bi taldeek. Etxeko taldeak aurreko laurdenean eskuratutako abantaila mantentzea lortu du ia laurden guztian zehar eta 56-43ko emaitzarekin bukatu da hirugarren laurdena.
Azken laurdenean, 0-5eko partzialarekin, GBCk aldeak murriztea lortu du, baina Rio Natura Mombus ez da kokildu eta azkar erreakzionatu du. Partidako azken minutuetan RETAbet.es GBC behera etorri da, eta azkenean, garaipenak ez dio ihes egin Rio Natura Monbusi (81-68).
Fitxa teknikoa:
81 - Rio Natura Monbus Obradoiro (17+16+23+25): Donnie McGrath (7), Adam Waczynski (17), Eimantas Bendzius (11), Angelo Caloiaro (14), Juanjo Triguero (4) -hasierako bostekoa-, Tyler Haws (19), Alec Brown (-), Artem Pustovyi (3), Santi Yusta (4), Pepe Pozas (-) eta Jesus Chagoyen (2).
68 - RETAbet.es GBC (15+10+18+25): Pedro Llompart (2), Txemi Urtasun (16), Jordi Grimau (13), Landon Milbourne (18), David Doblas (11) -hasierako bostekoa-, Andrew Lawrence (-), Zoran Vrkic (5), Andres Rico (-), Mikel Motos (-) eta Travis Wear (3).
Epaileak: Carlos Cortes, Francisco Jose Araña eta Juan Jose Martinez Diez.
Martinez Diez.Zure interesekoa izan daiteke
Paolo Galbiati, Baskoniak izandako harreraz: "Espero nuena baino handiagoa izan da, askoz ere handiagoa"
Entrenatzaile italiarrak, Kosner Baskoniak Gasteizen ospatu duen festaren azken minutuetan, EITBrekin hitz egin du: "Garaipen honek betiko lotuko gaitu", adierazi du Galbiatik.
Tadas Sedekerskisek "Ikusi mendizaleak" abestu du Kosner Baskoniaren zaleekin
Gora etorri da Lituaniako jokalaria, eta kanta ospetsua abestu du.
Gasteizek bere txapeldunei harrera beroa egin die zazpigarren Koparen ospakizunetan
Gasteizko Andre Maria Zuriaren plaza lepo bete da Paolo Galbiatiren jokalariei harrera egiteko, taldeak bere zazpigarren Errege Kopa irabazi ondoren. Baskoniako entrenatzaile italiarra zeremonia-maisu izan da, eta Sedekerskis kapitaina 'Ikusi mendizaleak' abestia kantatzera ausartu da.
Paolo Galbiati: “Ezin nuen plaza hau nire klubarentzat beteta ikustea baino hoberik espero”
Paolo Galbiati Baskoniako ikur bilakatu da. Gasteiztarren artean maitatua, eta giroa jartzen paregabea. Honakoak izan dira gasteiztarrei, baskonistei eta bere lan-taldeari eskaini dizkien hitzak.
Sedekerskis: “Zuek gabe Kopa hau ez litzateke posible izango; kolore hauek eta armarri hau defendatzen jarraituko dugu”
Baskoniak Errege Kopan lortutako garaipenaren ospakizuna egin dute gaur Gasteizen. Andre Maria Zuriaren plazako balkoian Tadas Sedekerskis kapitainak eskerrak eman dizkie zaleei, baita Markus Howardek ere: “Inor baino gehiago merezi duzue; garaipen hau gurea bezain zuena da”.
Aurreskua egin diote Kosner Baskonia txapeldunari
Kosner Baskoniak Errege Kopan lortutako garaipenaren ospakizunean, aurreskua dantzatu diete txapeldunei; Algara Dantza Taldea arduratu da horretaz, bere 25. urteurrenean.
ARGAZKI-GALERIA: Baskoniaren ospakizunek Gasteizen utzitako irudirik onenak
Baskoniak bere zaleekin batera ospatu du asteburuan Valentzian irabazitako Errege Kopa. Andre Maria Zuriaren plaza jendez lepo egon da Gasteizko taldeari harrera egin eta jokalariak omentzeko. Hemen ikus ditzakezue ekitaldiak utzitako une ikusgarrietako zenbait.
Ikusi zuzenean "Zorionak, Baskonia!" saioa, saskibaloiko Kopa txapeldunak omentzeko harrera ekitaldia
Gaur arratsaldean, 18:45etik aurrera, saskibaloiko Kopako txapeldunari Gasteizko Andre Maria Zuriaren plazan egingo zaion harrera zuzenean ikusteko aukera izango da kirolakeitb.eus atarian, ETB1en, ETB2n eta ETB On plataforman.
Errege Kopako hamar jokaldi onenak
Amaitu da saskibaloiko Errege Kopa, eta hemen bildu ditugu txapelketako hamar jokaldi onenak. Jokaldi onena Trent Forresten mate bat izan da.
Gasteiz irribarrea ahoan da, Baskoniak Kopa irabazita
Hiriak goizaldera arte ospatu du Paolo Galbiatiren taldearen garaipena; orduek aurrera egin ahala, gasteiztarrak egunerokoan murgildu dira, baina ohi baino alaiago, otsaileko edozein astelehenetan baino poz handiagoa izan dutela.