Retabet.es GBC, burua altxa ezinda
Hirugarren laurdenaren hasiera bikainak garaipena eman dio Bartzelonari Retabet.es GBCren aurka Palau Blaugranan jokatutako partidan. 97-61 gailendu dira kataluniarrak. Defentsan ederto aritu dira, kanpoko jaurtiketetan ere ondo (hirukoetan, 29tik 15 sartu dituzte).
Justin Doellmanel partida borobila egin du (19 puntu, eta 25eko balorazioa) eta kanpoko jokalariak ere fin aritu dira. Bigarren zatian donostiarrak jipoitu dituzte (57-25). Jordi Grimau (14 puntu) eta Wear (13) izan dira Bartzelonakoen aurrean aurpegia eman duten bakarrak.
Hala ere, gipuzkoarrek lehen zati txukuna egin eta Bartzelonari eustea lortu dute. Atsedenaldian, lau puntu atzetik izan dira (40-36).
Baina bigarren zatian Bartzelona jaun eta jabe izan da, eta Ponsarnaurenak ez dira aurkariaren jokoari aurre egiteko gai izan. Azkenean, 97-61, laugarren jipoia jarraian hartu du Retabet.es GBCk.
Fitxa teknikoa:
97 - Bartzelona Lassa (16+24+32+25): Satoransky (11), Oleson (8), Perperoglou (2), Doellman (19), Lawal (8) –hasierako boskotea-, Diagne (8), Abrines (10), Navarro (3), Ribas (6), Vezenkov (6), Samuels (8), Eriksson (8).
61 - Retabet.es GBC (17+19+16+9): Llompart (-), Grimau (14), Urtasun (7), Wear (13), Milbourne (8) –hasierako boskotea-, Lawrence (4), Vrkic (8), Doblas (5), Motos (-), Olaizola (2).
, Olaizola (2).Zure interesekoa izan daiteke
Kosner Baskoniak sendo jarraitzen du Virtusi irabazita (72-82)
Gasteizko taldeak bigarren garaipena lortu du etxetik kanpo, minutu askotan nagusi izan den partidan.
Surne Bilbaoko jokalari eta zaleek elkarrekin ospatu dute Szombathelyren aurkako garaipena
Surne Bilbaok 95-88 irabazi dio Szombathelyri Miribillan. Garaipen honekin FIBA Europe Cupeko finala jokatuko dute bigarren urtez jarraian.
Surne Bilbaok bigarren finala jarraian jokatuko du, Miribillan ere Szombathelyri irabazi ondoren (95-88)
Ponsarnauren mutilek aise gainditu dute Hungariako taldea, partida serio batean. Giro hotz samarra izan da Miribillako harmailetan, Europarako finalerdia izan arren. Finalean Greziako PAOK Salonika izango da aurkaria berriro, UCAM Murtzia kanporatu baitu beste finalerdian.
Lointek Gernikak IDK Euskotren menderatu du Gascan, derbian, luzapenean (72-73)
Hala, Lucas Fernandezen taldeak Endesa Ligan jarraitzeko aurrerapauso ia erabakigarria eman du; Azu Muguruzaren taldea, ordea, ezin izan da play-offeko postuetara gerturatu. Gainera, Araskik balio handiko garaipena eskuratu du Perfumerias Avenidaren kantxan (68-72).
Kosner Baskoniak Makabiri irabazi dio, ateak itxita (101-98)
Baskoniarrek hirugarren laurden bikaina egin dute, eta partidan funtsezkoa izan den 40-19ko partziala sartu diote Israelgo taldeari.
Jaume Ponsarnau, asteazkeneko Surne Bilbao-Szombathely FIBA Europa Kopako partidaz: “Etxean jokatzen dugula aprobetxatu behar dugu”
Asteazkenean, 20:00etatik aurrera, Surne Bilbaok Szombathely taldearen aurka jokatuko du Miribillan. FIBA Europa Kopako finalerdietako itzuliko partida da, eta, hortaz, finalerako txartela jokoan da; Bilboko taldeak 17 puntuko aldea eskuratu zuen joaneko neurketan. EITBk zuzenean emango du partida, kirolakeitb.eus-en eta ETB1ONen.
Baskoniak laugarren garaipena jarraian lortu du Ligan, Baxi Manresa menderatuta (83-88)
Kosner Baskoniak bolada onean jarraitzen du, laugarren garaipena jarraian lortu baitu Endesa Ligan. Gasteizko taldeak Baxi Manresa garaitu du Nou Congosten, 83-88. 2-11ko partzialak eta Timothe Luwawu-Cabarrotek (27 puntu) eta Trent Forrestek (20 puntu) egindako lanak Baskoniaren alde jarri dute partida. Arabako taldeak 18 partida irabazi eta 7 galdu ditu orain arte.
Surne Bilbaok 90-74 menderatu du Unicaja, play-offetara hurbiltzeko
Surne Bilbaok Endesa Ligako play-offetarako hautagaitza aurkeztu du, Unicajaren aurka garaipen garrantzitsua eskuratuta (90-74). Zortzigarren sailkatuarekin berdinduta kokatu da, 15 garaipenekin, nahiz eta Malagako taldeak baino partida bat gehiago izan jokatuta.
Lointek Gernikaren garaipena eta Kutxabank Araskiren eta IDK Euskotrenen porrotak 26. jardunaldian
Bizkaiko taldea izan da puntuak lortu dituen bakarra, eta Araskik jaitsiera postuetan jarraitzen du.
Baskoniak berriro irabazi dio Real Madrili (98-96)
Gasteizko taldeak bere izaera berreskuratu du eta zuriak kolpatu ditu, duela bi hilabete Errege Kopako finalean bezala.