Garaipen izugarri garrantzitsua, azken minutura arte sufrituta (77-76)
Gipuzkoa Basketek garaipena oso garrantzitsua lortu du Iberostar Teneriferi luzapenean 77 eta 76 irabazita. Donostiarrek bizirik jarraitzen dute kategoriari eusteko borrokan.
Lehen laurdena azkarra eta bizia izan da. Gipuzkoarrek oso ondo hasi dute partida eta aitaren batean 9 eta 0 jarri dira aurretik markagailuan. Baina Tenerifeko entrenatzaileak hutsartea eskatu du jokalariak esnatzeko, eta gauzak aldatzea lortu du. 3 eta 13ko partziala eginda, kanpotarrek orduko emaitza irauli dute. Hala ere, lehen 10 minutuen amaieran gipuzkoarrak aurretik izan dira 24-18.
Bigarren zatian partida gogortu eta orekatu egin da. 29na eta 31na egin ostean, kanariarrek neurketaren kontrola hartu dute eta atsedenaldira lau puntuko aldearekin iritsi dira (35-39).
Hirugarren laurdenean huts ugari izan dira, Gipuzkoa Basketen kasuan batez ere, jokoan asmatu ezinda ibili baitira. Iberostarrek, aldiz, min handia egin du kanpoko jaurtiketetan eta buruz burukoetan. Azken 10 minutuen faltan, zortzi aldeko aldea izan dute Tenerifekoek: 51-59.
Emozioa gainezka, azken minutuetan
Azken laurdenean, Alejandro Martínezen taldeak partida osoko alderik handienak izan ditu, baina GBCk ez du amore eman, eta 14 eta 0eko partzialari esker, partidan sartu dira berriro. Bukaera zirraragarria izan da, eta 69ko berdinketarekin luzapenera jo behar izan dute irabazlea erabakitzeko.
Luzapenean, lau jaurtiketa librek lau puntuko aldea eman diete gipuzkoarei, baina ondoren beste bi berdinekta izan dira: 74na eta 76na. Azken segundoetan, Jordanek jaurtiketa librea sartu du eta abantaila eman dio bere taldeari. Illunbeko zaleek eta jokalariek arnasari eutsi diote azken momentuan, Tenerife hirukoa sartzen saiatu denean. Baina huts egin dute. Azkenean, garaipena etxean gelditu da.
Fitxa teknikoa:
77.- Gipuzkoa Basket: Jordan (10), Grimau (14), Dani Díez (19), Hanley, Doblas (18) -hasierako boskotea- Olaizola (2), Huertas (2), Abercrombie (6), Franch, Iaraochevitch (6), Huskic, Oroz.
76.- Iberostar Tenerife: San Miguel (3), Richotti (9), Rost (9), Sikma (12), Sekulic (8)- hasierako boskotea - Uriz (4), Xabi Rey (2), Lampropoulos (6), Heras, Blanco (13), Beirán (10).
Markagailua, laurden bakoitzean: 24-18; 35-39 -atsedenaldia- 51-59; 69-69 -luzapena- 77-76.
uzapena- 77-76.Zure interesekoa izan daiteke
Kosner Baskoniak Real Madril hartu du mendean, eta bigarren postua du jomugan (83-88)
Kosner Baskoniak 83-88ko emaitzarekin irabazi dio Real Madrili, Movistar Arena pabiloian. Neurketaren azken txanpan Timothe Luwawu-Cabarrot frantziarrak erakustaldia eman du. Baskonia, 24 garaipenekin, Endesa Ligako sailkapeneko bigarren postuan kokatu da, jardunaldi bakar baten faltan.
?fmt=webp-alpha&qlt=80)
Badalonan jokatuko du Kosner Baskoniak 2026ko Superkopa, irailaren 19an eta 20an
Valentzia Basketen, Joventuten eta 2025-2026 denboraldiko Endesa Ligaren irabazlearen aurka jokatuko du talde gasteiztarrak; Endesa Liga Baskoniak, Valentziak edo Joventutek irabaziko balute, play-offean hobekien sailkatutako taldea izango da laugarren parte-hartzailea.
Itziar Ariztimuñok 2027ra arte berritu du IDK Euskotrenekin
Antolatzaile bizkaitarra, 2025ean talde donostiarrera ailegatu zena, Azu Muguruzak gehien erabili duen jokalarietako bat izan da, IDK Euskotrenen eman duen lehenengo denboraldian.
Petrasekek 2028ra arte berritu du kontratua Surne Bilbaorekin
New Yorken jaio arren herritartasun poloniarra duen jokalariak denboraldi bakarra darama Bilbon, "baina bere tokia aurkitu du taldearen errotazioan eta jokalari garrantzitsua bihurtu da", talde bizkaitarrak nabarmendu duenez.
Endesa Ligako 33. jardunaldiaren 10 jokaldi onenak
Endesa Ligako 33. jardunaldia jokatu da jada, eta hemen bildu ditugu ligako jokaldirik onenak.
Sami Hillek ez du Araskin jarraituko
Azkeneko hiru denboraldiak Gasteizko taldean eman ditu jokalari kanadiarrak; bertara 2023an ailegatu zen. 90 partidatan 983 puntu lortu ondoren, Araskiren historian punturik gehien egin dituen bigarren jokalaria izanda uzten du taldea.
Olinpiakos, Euroligako txapeldun Real Madril garaituta (92-85)
Behar baino gehiago sufritu ondoren, txapeldunak errebantxa hartu du, duela hiru urteko finalean talde zuriaren aurka galdu ondoren.
Surne Bilbaok mendean hartu du Girona (86-80), eta play-offeko postua defendatuko du Tenerifen
Surne Bilbaok 86-80 menderatu du Girona Bilbao Arenan, eta play-offerako sailkapena jokatuko du azken jardunaldian Tenerifen. Gironak amaierara arte eutsi badio ere, Melwin Pantzarren partida bikainak eta azken laurdenean Darrun Hilliardek sartutako hiruko erabakigarriek etxekoen garaipena ziurtatu dute.
Normantasek, Krampeljek, Petrasekek eta Hilliardek 2028ra arte berritu dute Surne Bilbaorekin
Freyk, Hlinasonek, Fontek, Syllak eta Bagayokok ere indarrean dute kontratua. Pantzarren baja besterik ez dute baieztatu orain arte.
FIBA Europa Kopa irabazita, Surne Bilbao omendu dute Gernikan
FIBA Europako Kopa irabazi ondoren, Bilbao Basketi omenaldia egin diote Gernikako Batzarretxean. Aurreskua dantzatu diete Gernikako arbolaren aurrean, eta barrura sartu dira horren ostean.