Bilbao Basketek eta GBCk garaipena lortu dute urteko azken partidan
Bilbao Basketek eskura dauka Errege Koparako txartela, Iberostar Tenerife mendean hartu eta gero (68-85). Denboraldiko hamargarren garaipena da talde bizkaitarrarentzat.
Lehen laurden ahul baten ostean (21-16), "beltzezko gizonen" jokoak hobera egin du bigarrenean, eta atsedenaldian bi puntuko errenta zuen talde bilbotarrak (41-43).
Sito Alonsoren taldeak bigarren laurdeneko erritmoari eutsi dio hirugarrenean, eta zortzi puntuko abantailarekin ekin die azken hamar minutuei (55-63). Azken laurdenean, ez du aurkaririk izan eta zailtasunik gabe irabazi du.
Fitxa teknikoa:
68 Iberostar Tenerife (21+20+14+13): San Miguel (10), Richotti (13), Beirán (7), Sikma (12), Sekulic (4) -hasierako boskotea-, Uriz (7), Lampropoulos (5), Blanco (2) y Rost (8).
85 - Bilbao Basket (16+27+20+22): Colom (14), Dejan Todorovic (5), Mumbrú (10), Wragge (6), Marko Todorovic (9) -hasierako boskotea-, Gabriel (-), Hervelle (6), Williams (11), López (14), Andjusic (9), Mendía (-) y Borg (-).
Baskoniak, galdu eta GBCk garrantzi handiko garaipena lortu du
Laboral Kutxak porrotarekin agurtu du 2014. urtea. Gasteiztarrek CAI Zaragozaren pabiloian galdu dute (105-94). Etxekoak hasieratik nagusitu dira, eta Baskonia ez da markagailuari buelta emateko gai izan. Fernando San Emeterio izan da neurketako jokalari onena 21 puntu eginda eta 22ko balorazioa jasota. Gauzak horrela, geroz eta urrunago du Ibon Navarroren taldeak Koparako txartela.
Fitxa teknikoa:
105 - CAI Zaragoza (29+24+22+30): Llompart (8), Sastre (4), Robinson (19), Jelovac (16), Katic (10) -hasierako boskotea- Lisch (5), Pere Tomas (6), Landry (11), Norel (9) eta Goulding (17).
94 - Laboral Kutxa (25+21+22+26): James (18), Causeur (10), Bertans (5), Shengelia (12), Iverson (-) -hasierako boskotea- Adams (3), Ilimane Diop (-), Tillie (6), Begic (14), Vujacic (5) eta San Emeterio (21).
Gipuzkoa Basketek, bestalde, etxetik kanpoko bere lehen garaipena eskuratu du, Fuenlabradari neurketa serio batean irabazita (65-76). Dean izan da GBCko saskiratzaile nagusia (15) 16 minutu jokatu dituen arren, eta Hanley balorazio altuena jaso duena (19).
Fitxa teknikoa:
65 - Montakit Fuenlabrada (19+20+11+15): Rodriguez (-), Baron (9), Panko (18), Clark (6), Akindele (9) -hasierako boskotea-, Burtt (21), Vega (-), Diagne (2), Diaz (-) y Miso (-).
76 - Gipuzkoa Basket (20+28+14+14): Jordan (6), Dean (15), Diez (9), Hanley (13), Doblas (7) -hasierako boskotea-, Franch (9), Iarochevitch (8), Olaizola (-), Kuskic (9) eta Huertas (-).
Zure interesekoa izan daiteke
Araskik Julieta Mungo eta Mireia Sanz aurkeztu ditu
Araskik berebi fitxaketa berriak aurkeztu ditu: Julieta Mungo eta Mireia Sanz. Mungo Ardoitik heldu da Gasteizera eta denboraldi baterako sinatu du. Sanz, bere aldetik, 19 urteko eta etorkizun handiko jokalaria da eta 2028ra arte sinatu du. (Bideoa, gazteleraz)
Manex Ansorregi, bere aurkezpenean: “Nire helburua egunero lan egitea eta hobetzea da”
Gaur aurkeztu du Surne Bilbaok Manex Ansorregi. Azkoitiko jokalaria Gipuzkoa Basketetik iritsi da Surne Bilbaora, eta aurten debutatuko du Endesa Ligan.
Kutxabank Araskik Aleksandra Stanacev eta Kristina Racovic aurkeztu ditu
Kutxabank Araskik bi jokalari aurkeztu ditu: Aleksandra Stanacev joko-antolatzailea eta Kristina Racovic hegal-pibota. Endesa ligan jokatutakoak dira Serbiako eta Montenegroko jokalariak.
A.J. Lawson hegalekoa aurkeztu du Baskoniak
A.J. Lawson hegalekoaren aurkezpen ofiziala egin du Baskoniak. NBAn esperientzia du kanadarrak, eta talde arabarrari “erasoan zein defentsan laguntzeko” iritsi dela adierazi du ekitaldian.
Khalifa Diopek Kosner Baskonia utzi du, eta Cleveland Cavaliers taldean arituko da
Pibot senegaldarrak hiru denboraldi eman ditu euskal taldean, eta, guztira, 138 partidatan kantxaratu da, Endesa Liga eta Euroligako norgehiagokak kontuan izanik. Errege Kopa bat irabazi du, 2026koa.
EITBk Endesa Ligako partidak emango ditu hurrengo bi denboraldietan
Denboraldi bakoitzean, hamar neurketa emango ditu, eta Kosner Baskonia eta Surne Bilbao izango dira protagonista horietan. 2026-2027 denboraldian, gainera, bi euskal taldeek azaroaren 22an jokatuko duten partida ere ikusgai izango da. EITBk telebistako bere kateetan eta kirolakeitb.eus Kiroletako bere atarian emango ditu.
Azu Muguruza: “Identitatea sortzeko unea da, taldearen DNA”
Taldeko zazpi jokalari mantentzen dituzten arren, Mirai Euskotrenek ez du ondo hasi 2026-27 denboraldia. Azu Muguruza entrenatzaileak adierazi duenez, "nortasuna sortzeko unea da". (Bideoa gazteleraz)
Lara McSpadden pibot australiarrak Inversus Gernikan jokatuko du
27 urteko jokalaria 1,94 metro luze da, eta bere herrialdeko ligako Sydney Flames taldetik dator.
Bassala Bagayokok ez du Surne Bilbaon jarraituko
2028ra arte kontratua izan arren, bi aldeak ados jarri dira lotura hausteko. Maliko pibotak Texas Tech taldean jokatuko du, AEBetako unibertsitate ligan.
Ponsarnau: “Klubaren hazkundeari eusteko gogor egin beharko dugu lan”
Surne Bilbao Basketek denboraldiaurreko lehen entrenamendua buru du. Aurten, Europa mailan koska bat igo eta Txapeldunen Ligan jokatuko du (BCL). “Hazkunde horren parte” izan nahi dutela azaldu du Harald Frey jokalariak, baina horretarako, gogor egin beharko dute lan.