Laboral Kutxak erakustaldia eman du Miribillako euskal derbian
Intentsitate handiarekin hasi dute neurketa bi taldeek. Arabarrek presio txikiagoa zeukaten sailkapenean, lana eginda zutela ikusita, baina, hala ere, ez dute aukera galdu nahi izan. Laboral Kutxa hasieratik oso sartuta egon da norgehiagokan, eta aldea atera dio etxeko taldeari.
Bilbao Basketek ez du etsi, eta Miribilla bete duten zaleekin batera gogor ekin dio aldea txikitzeari. Lehen laurdena zazpi puntuko aldeko errentarekin bukatu dute arabarrek (17-24). Beltzezko gizonek gogor ordaindu dute neurketa hasiera kaskarra egin izana, eta, horregatik, atzetik egon behar izan dira. Bost puntuko aldea izatera heldu diren arren, hurbildu diren bakoitzean Laboral Kutxakek zuen errenta handitu du.
Katsikaris kezkatuta agertu da neurketako parterik handienean Hamilton eta Mumbru bakarrik eskaini dutelako markagailua iraultzeko jokoa. Bigarren zatian, Pilepicen eta Hervelleren hirukoei esker ‘beltzezko gizonak’ zituzten aukeretan sinesten hasi dira, eta Mumbru ere hiruko marratik saskiratzera animatu da. Miribilla berotu dute, eta etxeko taldeari arnasa hartzeko aukera eman dio. Hirugarren laurdenean bi taldeen indarrak berdindu egin dira, baina irudikeria baino ez da izan.
Baskoniak markagailua defendatzen jakin du, beti aurrekin jarraitzeko. Etxeko taldea ezinean egon da; behartuta jokatu du denbora guztian. Argi gelditu da Bilboko jokalariak indarrak xahututa heldu direla Endesa Ligaren bukaerara; Grimauren lesioak ez die asko lagundu. Azkenean, 18 puntuko aldearekin bukatu da norgehiagoka (75-93). Etxeko taldean, Pilepicek eta Hamiltonek eskuratu dituzte puntu gehien, eta Gasteizeko taldean San Emeterio eta Lampe izan dira puntu gehien erdietsi dituztenak.
Fitxa teknikoa
75 - Uxué Bilbao Basket (17+18+21+19): Zisis (7), Pilepic (19), Mumbrú (13), Hervelle (8) eta Hamilton (16) -hasierako bostekoa-; Raúl López (4), Vasileiadis (-), Moerman (2), Samb (6) eta Rakovic (-).
93 - Caja Laboral (24+23+21+25): Cook (5), Causeur (13), Nocioni (16), Milko Bjelica (-) eta Pleiss (11) -hasierako bostekoa-; Heurtel (-), Jelinek (-), San Emeterio (20), N. Bjelica (8), Lampe (20), Calbarro (-) eta Van Oostrum (-).
Epaileak: Conde, Jiménez eta Pérez Niz.
Zure interesekoa izan daiteke
Paolo Galbiati, Baskoniak izandako harreraz: "Espero nuena baino handiagoa izan da, askoz ere handiagoa"
Entrenatzaile italiarrak, Kosner Baskoniak Gasteizen ospatu duen festaren azken minutuetan, EITBrekin hitz egin du: "Garaipen honek betiko lotuko gaitu", adierazi du Galbiatik.
Tadas Sedekerskisek "Ikusi mendizaleak" abestu du Kosner Baskoniaren zaleekin
Gora etorri da Lituaniako jokalaria, eta kanta ospetsua abestu du.
Gasteizek bere txapeldunei harrera beroa egin die zazpigarren Koparen ospakizunetan
Gasteizko Andre Maria Zuriaren plaza lepo bete da Paolo Galbiatiren jokalariei harrera egiteko, taldeak bere zazpigarren Errege Kopa irabazi ondoren. Baskoniako entrenatzaile italiarra zeremonia-maisu izan da, eta Sedekerskis kapitaina 'Ikusi mendizaleak' abestia kantatzera ausartu da.
Paolo Galbiati: “Ezin nuen plaza hau nire klubarentzat beteta ikustea baino hoberik espero”
Paolo Galbiati Baskoniako ikur bilakatu da. Gasteiztarren artean maitatua, eta giroa jartzen paregabea. Honakoak izan dira gasteiztarrei, baskonistei eta bere lan-taldeari eskaini dizkien hitzak.
Sedekerskis: “Zuek gabe Kopa hau ez litzateke posible izango; kolore hauek eta armarri hau defendatzen jarraituko dugu”
Baskoniak Errege Kopan lortutako garaipenaren ospakizuna egin dute gaur Gasteizen. Andre Maria Zuriaren plazako balkoian Tadas Sedekerskis kapitainak eskerrak eman dizkie zaleei, baita Markus Howardek ere: “Inor baino gehiago merezi duzue; garaipen hau gurea bezain zuena da”.
Aurreskua egin diote Kosner Baskonia txapeldunari
Kosner Baskoniak Errege Kopan lortutako garaipenaren ospakizunean, aurreskua dantzatu diete txapeldunei; Algara Dantza Taldea arduratu da horretaz, bere 25. urteurrenean.
ARGAZKI-GALERIA: Baskoniaren ospakizunek Gasteizen utzitako irudirik onenak
Baskoniak bere zaleekin batera ospatu du asteburuan Valentzian irabazitako Errege Kopa. Andre Maria Zuriaren plaza jendez lepo egon da Gasteizko taldeari harrera egin eta jokalariak omentzeko. Hemen ikus ditzakezue ekitaldiak utzitako une ikusgarrietako zenbait.
Ikusi zuzenean "Zorionak, Baskonia!" saioa, saskibaloiko Kopa txapeldunak omentzeko harrera ekitaldia
Gaur arratsaldean, 18:45etik aurrera, saskibaloiko Kopako txapeldunari Gasteizko Andre Maria Zuriaren plazan egingo zaion harrera zuzenean ikusteko aukera izango da kirolakeitb.eus atarian, ETB1en, ETB2n eta ETB On plataforman.
Errege Kopako hamar jokaldi onenak
Amaitu da saskibaloiko Errege Kopa, eta hemen bildu ditugu txapelketako hamar jokaldi onenak. Jokaldi onena Trent Forresten mate bat izan da.
Gasteiz irribarrea ahoan da, Baskoniak Kopa irabazita
Hiriak goizaldera arte ospatu du Paolo Galbiatiren taldearen garaipena; orduek aurrera egin ahala, gasteiztarrak egunerokoan murgildu dira, baina ohi baino alaiago, otsaileko edozein astelehenetan baino poz handiagoa izan dutela.