Sei bikote arituko dira 2026ko Euskotren Women Winter Seriesen, martxoaren 2tik 23ra bitartean
Maite-Oaia, Ihart-Maia, Erika-Frida, Lur-Maialen, Elaia-Eneritz eta Helena-Arai izango dira txapelketako laugarren ekitaldian, Durangon. Halaber, Ezkurdi Jai Alai Master Seriesen, Erkiaga-Atain, Laduche-Manci, Olharan-Zabala eta Urreisti-Lekerika arituko dira txapelen bila.
Euskotren Women Winter Series txapelketa martxoaren 2an hasiko da. Argazkia: Eraman!
Sei bikote arituko dira, txapelen bila, 2026ko Euskotren Women Winter Seriesen, martxoaren 2tik aurrera, alegia, hurrengo astelehenean hasita, Ezkurdi pilotalekuan, Durangon. Txapelketa asteartean aurkeztu dute Bizkaiko udalerri horretan, eta finala martxoaren 23rako dago aurreikusita. Laugarren ekitaldian, bikote hauek izango dira: Maite-Oaia, Ihart-Maia, Erika-Frida, Lur-Maialen, Elaia-Eneritz eta Helena-Arai. Halaber, martxoaren 9tik aurrera, Durangon ere, Ezkurdi Jai Alai Master Series txapelketa jokatuko dute, eta lau bikote hauek izango dira bertan: Erkiaga-Atain, Laduche-Manci, Olharan-Zabala eta Urreisti-Lekerika.
Hala, Euskotren Winter Seriesen, aurreko ekitaldiekin alderatuta, bi bikote gehiago lehiatuko dira, eta final laurdenetako eta finalerdietako kanporaketak izango dira, finala jokatu aurretik. 2025-2026ko Jai Alai Ligako bigarren txapelketa, arestian esan bezala, martxoaren 2an hasiko da, eta final laurdenetako neurketak izango dira jokoan egun horretan: Maitek eta Oaiak Ihar eta Maia izango dituzte aurkari, eta Erika eta Frida eta Lur-Maialen bikoteak arituko dira nor baino nor gehiago.
Hurrengo astelehenean, hilaren 9an, finalerdiak hasiko dira: Elaia-Eneritz bikoteak Erika-Frida edo Lur-Maialen izango du aurkari. Eta hilaren 16an, Helena-Arai Euskotren Winter Serieseko egungo txapeldunak lehian hasiko dira, Maite-Oaia edo Ihart-Maia bikoteen aurka.
Finalerdietako partida horietako irabazleek izango dituzte txapelak jokoan, final handian, martxoaren 23an, astelehenez ere. EITBk, ETB1en eta kirolakeitbeitb.eus-en bidez, astelehen gauetan, finalerdiak eta final handia emango ditu, martxoaren 9an, 16an eta 23an.
Ezkurdi Jai Alai Master Series
Horrez gain, hilaren 9an, 16an eta 23an, Ezkurdi Jai Alai Master Series txapelketa ere izango da jokoan; orain, puntistak bikoteka arituko dira horretan, ez banaka. Jai Alai Ligako seigarren proban, bikote hauek arituko dira: Erkiaga-Atain, Laduche-Manci, Olharan-Zabala eta Urreisti-Lekerika. Nabarmentzeko modukoa da Atainek, Gorka Mugartegik, debuta egingo duela Ligako pilotari titular bezala, eta, halaber, Manci lehiara bueltatuko dela; azken hori abenduan lesionatu zen, Eusko Label Winter Series jokatzen ari zirenean.
Lehenengo finalaurrekoan, martxoaren 9an, Erkiaga eta Atain Laduche-Manci bikotearen aurka arituko dira; bigarrenean, ordea, Olharanek eta Zabalak Urreisti eta Lekerika izango dituzte aurkari. Partida horietako irabazleek jokatuko dute finala, martxoaren 23an. ETB1ek eta kirolakeitb.eus-ek partida guztiak emango ditu.
2026ko Euskotren Jai Alai Winter Serieseko egutegia
Final laurdenak
Martxoaren 2an
Maite-Oaia vs Ihart-Maia
Erika-Frida vs Lur-Maialen
Finalerdiak
Martxoaren 9an
Elaia-Eneritz vs Erika-Frida edo Lur-Maialen
Martxoaren 16an
Helena-Arai vs Maite-Oaia edo Ihart-Maia
Finala: martxoaren 23an
2026ko Ezkurdi Jai Alai Master Serieseko egutegia
Finalerdiak
Martxoaren 9an
Erkiaga-Atain vs Laduche-Manci
Martxoaren 16an
Olharan-Zabala vs Urreisti-Lekerika
Finala: martxoaren 23an
Zure interesekoa izan daiteke
Erika Mugartegi: “Sinetsi ezinda gaude oraindik; ea txapelketa gehiago egiten diren eta nesken zesta gehiago ikusten den”
Erika Mugartegi eta Frida Watkinsekin bildu gara Euskotren Winter Series txapelketa irabazi berritan. Oraindik sinetsi ezinda dauden arren, oso pozik daude lortutakoarekin. Aurtengo txapelketak emakumeen zestak aurreapausoak emateko balio izatea espero dute, hori baita beraien helburu eta nahia.
?fmt=webp-alpha&qlt=80)
Arai Lejardik eta Erika Mugartegik egin zituzten finaleko tantorik onenak
Arai Lejardi atzelariaren eta Erika Mugartegiren tanto hauek izan ziren Euskotren Winter Series finaleko tantorik ikusgarrienak. Araik, bi paretaz egin zuen, Erikak, berriz, errebotean bi.
Erika-Frida bikotea, txapeldun, Helena eta Arai finalean hiru jokotan mendean hartuta
Markinarrak eta zumaiarrak iazko txapeldunei 15-8, 4-15 eta 5-2 irabazi diete. Lau Winterretik hiru jokatu ditu Erikak, eta hiru-hirurak irabazi. Fridak, ordea, txapelketako lehen garaipena du.
Erika Mugartegi: “Hirugarren jokora bigarrena galduta iritsi gara; nahiko gaizki, egia esan, baina zerotik hasi gara"
Erika Mugartegik eta Frida Watkinsek hiru jokotan (15-8, 4-15 eta 5-2) mendean hartu dituzte iazko txapeldunak, Helena Barrenetxea eta Arai Lejardi, Euskotren Winter Serieseko finalean, Durangoko Ezkurdi pilotalekuan.
Erikak bere hirugarren txapela lortu du; Fridak, aurrenekoa
Erika Mugartegik eta Frida Watkinsek hiru jokotan (15-8, 4-15 eta 5-2) mendean hartu dituzte iazko txapeldunak, Helena Barrenetxea eta Arai Lejardi, Euskotren Winter Serieseko finalean, Durangoko Ezkurdi pilotalekuan. Gainera, Erikak jokalari onenaren saria jaso du EITBren eskutik.
Helena eta Arai txapeldunak finalean izango dira berriro, Ihart-Maia bikotea bi jokotan garaitu ondoren
Lehen joko parekatuan azken txanpan aurrea hartzea eta nagusitzea lortu dute iazko txapeldunek (13-15). Bigarrenean, aldiz, Araik eskuinaz agindu du, eta aise irabazi dute jokoa (6-15).
Arai Lejardi: “Aldeaz hasi gara eta horrek konfiantza ematen dizu”
Helena Barrenetxea eta Arai Lejardi Euskotren Winter Serieseko finalean sartu dira Ihar Arakistain eta Maia Goikoetxea bi jokotan garaituta (13-15 eta 6-15). Hortaz, Helena-Arai vs Erika-Frida izango da 2026ko Euskotren Ligako finaleko norgehiagoka.
?fmt=webp-alpha&qlt=80)
Elaia-Eneritz vs Erika-Frida finalerdiko hiru tanto onenak
Elaia-Eneritz vs Erika-Frida partida jokatu zen atzo Durangon, Euskotren Winter Serieseko finalerdietako lehen partida. Erika Mugartegik eta Elaia Gogenolak egin zituzten norgehiagokako tanto onenak, gozatu!
Elaia-Eneritz vs Erika-Frida finalerdiaren azken tantoa eta irabazleen adierazpenak
Erikak eta Fridak hiru jokotan (15-6, 8-15 eta 3-5) hartu dituzte mendean Elaia eta Eneritz Euskotren Winter Series txapelketako finalerdietan. Horrenbestez, Erikak eta Fridak finalerako txartela lortu dute.
Erikak eta Fridak finalerako txartela lortu dute, Elaiari eta Eneritzi hiru jokotan irabazita
Bikote garailea 15-6, 8-15 eta 3-5 nagusitu da txapelketako finalerdietan, Durangoko Ezkurdi pilotalekuan jokatutako neurketan. Halaber, Ezkurdi Master Seriesen, Erkiagak eta Atainek lortu dute finalerako sailkatzea.