Durangoko Winter Serieseko finalerako bigarren txartela, Erika-Arai bikotearentzat
Erika-Arai Markina-Xemeingo bikoteak jokatuko du Durangoko Winter Serieseko finala, bigarren finalerdian Helena Barrenetxea durangarra eta Eneritz Lizardi mutrikuarra bi setetan mendean hartuta. Partida osoan izan ziren nagusi gorriak, bigarren setean batez ere.
Durangoko Ezkurdi pilotalekuan sarrera guztiak saldu ziren, beste astelehen buruzuri batean, zesta-puntaren ikuskizunaz gozatzeko. Lehen setaren hastapena parekatua izan zen. Hasieran, 1-1 eta 2-2 berdindu zuten, eta gorriek agintea hartu bazuten ere, huts egindako pilotak tarteko, ez zuten alde handiegirik eskuratu. Are gehiago, atsedenaldi laburraren aurretik izandako alderik handiena 2 tantokoa izan zen, eta alde horrekin heldu ziren lehen hutsartera (8-6).
Joko guztia atzeko koadroetara bideratu zuten gorriek behin eta berriro, eta horren lekuko garbia izan ziren lehen setaren amaieran bikote urdinak lortutako zenbakiak: Eneritzek 52 pilotakada jo zituen; Helenak, berriz, 34. Bikote urdinak bi tanto baino ez zituen lortu gorriek seta erabakita utzi zutenerako (15-8). Hori bai, Helenak txokoan utzitako pilotakada dotore batekin erdietsi zuten 8. tantoa.
Bigarren setean, ezer gutxi egin ahal izan zuten Helenak eta Eneritzek Erika eta Arai gelditzeko. Sakea zutela, 4-0 aurreratu ziren gorriak. Urdinak erantzuten saiatu ziren, bi tanto nahiko jarraian eginda (5-2), baina ez zuten erreakzio sendorik lortu, eta 8-2 heldu ziren hutsartera. Aldageletatik bueltan, lehen tantoa urdinen aldekoa izan zen, 25 pilotakada eman eta gero; alabaina, gorriek geldiezin jarraitu zuten, eta tarte zabalarekin gailendu ziren (15-4). Ondorioz, Erika-Arai bikoteak jokatuko du martxoaren 13ko finala Maite eta Maialenen aurka.
Buruz burukoan, Erkiaga finalera
Winter Serieseko banakako lauko finaleko bigarren kanporaketari dagokionez, Erkiaga nagusitu zen Lopezen aurrean. Aurrelariak lehen seta nagusitasunez bereganatu zuen. Lopez ez zen eroso sentitu kantxan, eta Erkiagarena zen jokoaren kontrola. Nahiz eta hasierako tantoetan bi aldiz parean egon (1-1, 2-2), oso bestelako emaitzarekin heldu ziren lehen hutsartera, Erkiagaren alde (2-8). Itzuleran, Lopezek hobera egin zuen arren, ezin izan zuen ekidin lehen seta bizkaitarraren esku geratzea (8-15).
Bigarren setean, ostera, nabarmen orekatu ziren indarrak. Bost berdinketa egon ziren (2-2, 3-3, 4-4, 7-7, 8-8), eta Lopezek hiru tantoko abantaila izan zuen atsedenaldira heldu orduko (7-4). Aitzitik, 7 eta 5ekoarekin, Erkiagak hiru sake jarri zituen errebotean, eta aurretik iritsi zen geldialdira (7-8).
Bigarren zatian, Lopezi atzetik egotea egokitu zitzaion berriro, Ispasterkoarengandik gehiegi aldendu gabe izan bazen ere. Hartara, zumaiarrak ezin izan zuen bigarren seta eskuratu hirugarrena behartzeko (12-15), eta Barandikak eta Erkiagak neurtuko dituzte indarrak datorren asteleheneko finalean.
Zure interesekoa izan daiteke
?fmt=webp-alpha&qlt=80)
Elaia-Eneritz vs Erika-Frida finalerdiko hiru tanto onenak
Elaia-Eneritz vs Erika-Frida partida jokatu zen atzo Durangon, Euskotren Winter Serieseko finalerdietako lehen partida. Erika Mugartegik eta Elaia Gogenolak egin zituzten norgehiagokako tanto onenak, gozatu!
Elaia-Eneritz vs Erika-Frida finalerdiaren azken tantoa eta irabazleen adierazpenak
Erikak eta Fridak hiru jokotan (15-6, 8-15 eta 3-5) hartu dituzte mendean Elaia eta Eneritz Euskotren Winter Series txapelketako finalerdietan. Horrenbestez, Erikak eta Fridak finalerako txartela lortu dute.
Erikak eta Fridak finalerako txartela lortu dute, Elaiari eta Eneritzi hiru jokotan irabazita
Bikote garailea 15-6, 8-15 eta 3-5 nagusitu da txapelketako finalerdietan, Durangoko Ezkurdi pilotalekuan jokatutako neurketan. Halaber, Ezkurdi Master Seriesen, Erkiagak eta Atainek lortu dute finalerako sailkatzea.
Ihart-Maia eta Erika-Frida bikoteek finalerdietarako txartela lortu dute
Lehenengoek hiru jokotan hartu dituzte mendean Maite eta Oaia, eta Helena-Arai bikotea izango dute aurkari finalerdietan, martxoaren 16an. Bigarren partidan, Erikak eta Fridak Lur-Maialen bikotea kanporatu dute bi jokotan irabazita. Elaia eta Eneritz izango dituzte aurkari datorren astelehenean.
Sei bikote arituko dira 2026ko Euskotren Women Winter Seriesen, martxoaren 2tik 23ra bitartean
Maite-Oaia, Ihart-Maia, Erika-Frida, Lur-Maialen, Elaia-Eneritz eta Helena-Arai izango dira txapelketako laugarren ekitaldian, Durangon. Halaber, Ezkurdi Jai Alai Master Seriesen, Erkiaga-Atain, Laduche-Manci, Olharan-Zabala eta Urreisti-Lekerika arituko dira txapelen bila.
Euskotren Winter Seriesen laugarren edizioan final-laurdenetako kanporaketa izango da
Gainera, aurten sei bikote izango dira lehian, aurreko edizioetan lau izan direnean. Txapelketa lau astelehenetan jarraian jokatuko da, martxoaren 2an hasi eta 23an bukatu.
Helena eta Arai Euskotren Winter Serieseko txapeldunen biharamun polita
Helena Barrenetxea eta Arai Lejardi dira 2025eko Euskotren Winter Serieseko txapeldunak. Finala nola bizi izan zuten eta biharamunean nola sentitzen diren kontatu digute.
Helenak eta Araik jantzi dituzte 2025eko Euskotren Winter Serieseko txapelak
Finalean, Ezkurdin, Elaia eta Oaia menderatu zituzten, astelehen gauean, bi jokotan, 15-8 eta 15-4. Banakako Seriesen, Aritz Erkiaga da txapelduna; finalean, Johani gailendu zitzaion, hiru joko izan zituen partidan.
Helena eta Arai, 2025eko Euskotren Winter Serieseko txapeldunak
Durangoko aurrelariak eta Markina-Xemeingo atzelariak Elaia Gogenola eta Oaia Otaño mendean hartu dituzte, finalean, bi jokotan, 15-8 eta 15-4, eta, ondorioz, txapelak janztea lortu dute. Banakako Seriesen, Aritz Erkiagak erdietsi du titulua, Johan Sorozabal menderatuta.
Helena Barrenetxearen tanto ederra!
Durangarrak Euskotren Women Winter Serieseko finala irabazi du Arai Lejardirekin batera, partida biribila eginda. Bi setetan gailendu zaizkie Elaia Gogenola eta Oaia Otañori.