Lasok eta Elordik Buruz Buruko Txapelketako finalerdietarako azken txartela izango dute jokoan Bilbon

Unai Laso nafarrak eta Aitor Elordi bizkaitarrak Buruz Buruko Txapelketako finalerdietarako azken txartela jokatuko dute gaur, maiatzak 12, ostirala, Bilbon, Bizkaia frontoian. Partida zuzenean jarraitu ahal izango da ETB1en eta eitb.eus-en, 22:30etik aurrera.

21:15ean Miribillan hasiko den jaialdiko bigarren partidako irabazlea Dario Gomez errioxarraren aurka arituko da hilaren 21ean Gasteizen, Oguetan, ekainaren 4an Bizkaia frontoian jokatuko den finalerako txartel baten bila.

Buruz Buruko Txapelketako beste finalerdia Joseba Ezkurdia nafarrak eta Jokin Altuna gipuzkoarrak jokatuko dute larunbatean, hilak 20.