Albiste da:

San Mateo Txapelketa: Bengoetxea VI eta Patxi Ruiz, txapeldunak

Asegarceko bikoteak lortu du Logroñoko txapelketa, Martinez de Irujo eta Pascual 20-22 gaindituz, final eder eta parekatu batean.

bengoetxea ruiz — Bengoetxea eta Patxi Ruiz. Argazkia; EITB

ERREDAKZIOA

2010/09/26 - 21:45

Azken eguneratzea

2010/09/27 - 11:44

Oinatz Bengoetxeak eta Patxi Ruizek eraman dute 2010eko San Mateo Txapelketa emozioz betetako partida batean. Asegarceko bikoteak 20-22 gainditu dituzte Irujo eta Pascual eta Adarragan bildu diren pilota zaleek asko gozatu dute tantu guztiekin. Markagailuan, 15eko berdintzearen ostean, 16-16a, eta 17-17a etorri dira eta Bengoetxeak 17-19koa lortu du urdinentzat. Hala ere Irujoren lan bikainari esker, Aspeko bikoteak 19-19koa lortu du.

Pascualek huts egin du pilotakada luze batean eta 19-21aurretik jarri dira Bengoetxea eta Ruiz. Azken emaitza 20-22 izan da Asegarceko bikotearentzat, Patxi Ruizen pilotakada eder bati esker.