Albiste da:

San Mateo txapelketa: Bengoetxea eta Patxi Ruiz, finalera

Asegarceko bikoteak 22-17 irabazi dio Olaizolari eta Apraizi. Ondorioz, finala jokatuko dute Irujoren eta Pascualen aurka. Bengoetxearen eta Ruizen garaipena kanpoan utzi ditu Titin eta Merino.

patxi_ruiz_bengoetxea_pelota_EITB — Bengoetxea eta Patxi Ruiz finalerako txartela lortu ondoren. Argazkia: EITB

A.B.

2010/09/25 - 15:50

Azken eguneratzea

2010/09/25 - 18:57

San Mateo txapelketa azken txanpan sartu da eta etxeko pilotaria den Augusto Titin gabe geratu dira zaleak, errioxarrak ezingo baitu igandeko finala jokatu.

Oinatz Bengoetxeak eta Patxi Ruizek 22-17 gainditu zuten Asier Olaizola-Apraiz bikotea eta finalerako txartela eskuratu zuten. Emaitza honek txapelketatik at utzi zituen Merino eta Titin.

Igandean arratsaldeko 17:00etan finala jokatuko dute Irujok eta Pascualek Oinatz Bengoetxearen eta Patxi Ruizen aurka. Partida zuzenean jarraitu ahalko da eitb.com-en eta ETB-1en.