Santamaria eta Geoffray, 2023ko Gorbeia Suzien mendi-lasterketako irabazleak
Alain Santamaria eta Clementine Geoffray dira 2023ko Gorbeia Suzien mendi-lasterketako irabazleak, larunbat honetan, irailaren 23an, Zeanuriko (Bizkaia) proban nagusituta. Biek ala biek, probako errekorrak ezarri dituzte.
Gizonezkoen mailan Santamariak probako marka onena egin du, ibilbidea 2 ordu, 57 minutu eta 8 segundoan amaituta. Antonio Martinezek amaitu du bigarren 56 segundora eta Frederic Tranchandek hirugarren 1'33"ra. Lehen euskalduna Markel Urigoitia (3:08.28) izan da; Otxandiokoak (Bizkaia) zortzigarren postuan bukatu du, Santamariarekiko 11 minutu eta 20 segundora.
Probaren izenari so eginez, su bizian ekin diote gizonek lasterketari. Hasieran Tranchand kokatu da lasterketa buruan, erritmo bizia jarrita. Santamaria haren atzetik ibili da, frantziarrari alde handiegia ateratatzen utzi gabe. Gorbeiako Gurutzean, aldiz, Alain Santamaria izan da lehena. Errioxarrak 16 segundo atera dizkio Tranchand frantziarrari eta 3 minutu eta 15 segundo Antonio Martinezi.
Gurutzera iritsi ostean, jaitsierari ekin diote lasterkariek. Gorbeia Suzien askotan erabaki da jaitsieran; beraz, oraindik bazuten lana egiteke. Dena den, Santamariak eutsi egin dio buruari eta Zeanuriko plazako helmugan lehena izan da Ezcaraykoa. Antonio Martinez Alacanteko (Espainia) kirolaria izan da bigarren (2:58.04) 56 segundora eta Frederic Tranchand frantziarra hirugarren (2:58.30) irabazlearekiko 1'33"ra.
Emakumezkoen lasterketa ere zirraragarria izan da. Hauek ere, aintzat hartu dute probaren izena eta suzirien abiaduran irten dira Zeanuritik. Iris Pessey frantziarrak eta Onditz Iturbe euskaldunak bizi ekin diote probari. Biak jarri dira lasterketa buruan, lehen txanpan. Pessey izan da onena Gorbeiako Gurutzean, Anastasia Rubtsovari minutu bat eta 28 segundo aterata, Onditz Iturberi munutu bat eta 47 segundo sartuta eta Clementine Geoffreyrekiko bi minutu eta 53 segundoko errenta erdietsita.
Egoera horrexetan ekin diote jaitsierari lasterketa buruko neskek. Maldan behera aldaketak eman dira sailkapenean. Azken kilometroetan Clementine Geoffray jarri da buruan eta frantziarra izan da onena helmugan. Gizonezkoen mailan gertatu bezala, emakumezkoenean ere probako errekorra ezarri du korrikalari frantziarrak, 3 ordu, 34 minutu eta 25 segundoko marka eginda. Iris Pessey, hau ere frantziarra, izan da bigarren (3:35.50) minutu bat eta 25 segundora eta Anastasia Rubtsova hirugarren (3:39.55) irabazlearekiko bost minutu eta 30 segundora. Euskaldun onena Onditz Iturbe izan da. Igorrekoak (Bizkaia) laugarren postuan amaitu du, 3 ordu, 43 minutu eta 6 segundoko (3:43.06) marka eginda.
Zure interesekoa izan daiteke
Malen Osak eta Kilian Jornetek Zegama-Aizkorrin parte hartuko dute
Proba hamar aldiz irabazi duen korrikalari kataluniarrak eta iaz hirugarren eta 2024an bigarren izan zen oñatiarrak maiatzaren 17an irteeran izango direla baieztatu dute.
Jokin Uribetxeberria mendi korrikalaria hil da
Legazpiko Urtatza-Egialde auzoko pista batean aurkitu duen pertsona batek eman dio abisua SOS Deiaki.
Arrasate-Udalatx, 10. urteurren berezia
Arrasate Udalatx Mendi Lasterketak bere X. edizioa ospatuko du aurten. Lasterketak 22 kilometroko ibilbidea eta +1.400 metroko desnibel metatua izango ditu, Anporreta, Meatzerreka eta Udala auzoa zeharkatuz eta lehen aldiz Udalatx tontorreraino igota. Larunbatean, goizeko 09:15etik aurrera, zuzenean eskainiko dugu ETB4n eta kirolakeitb.eus atarian.
Elazzaoui iazko irabazlea Zegama-Aizkorrin izango da aurten ere; Jornet, berriz, ez
Sara Alonso 2025eko txapeldun gipuzkoarra ere bertan izatea espero da. Lasterketaren antolatzaileek banatu dituzte 225 dortsalak, zozketa bidez.
Udalatx-Arrasate mendi lasterketaren hamargarren edizioa, zuzenean ETB4n eta kirolakeitb.eus atarian
Udalatx-Arrasate mendi lasterketaren hamargarren edizioa izango da larunbat honetan, otsailaren 28an. 22 kilometro eta 1.450 metroko desnibel positiboa izango du, eta ETB4n zuzenean jarraitu ahal izango da, baita streaming bidez ere, kirolakeitb.eus webgunean.
Oihana Kortazarrek 5 ordu eta 43 minututan egin du Monte Perdidoko igoera eta jaitsiera, marka berria
Mendien Nazioarteko Eguna dela baliatuta, Oihana Kortazarrek uztailean ezarritako marka eman du argitara: Monte Perdidora igoera eta jaitsiera azkarrena egin duen emakumea da elgetarra.
2026ko maiatzaren 17an jokatuko da XXV. Zegama-Aizkorri mendi maratoia
Mendi maratoirik entzutetsuenak urtarrilaren 12an irekiko du aurretiko izen-ematea, eta otsailaren 20an zozketatuko ditu dortsalak.
2026an ez da Ehunmilak ultratrail lasterketa egingo
Ehunmilakeko antolatzaileek iragarri dute 2026an ez dela lasterketarik egingo, antolatzaileen egoera pertsonala eta zailtasun ekonomikoak direla eta. Proiektuari heldu nahi diotenek atea zabalik dutela gaineratu dute.
Aitor Ajuria eta Lide Urrestarazu nagusitu dira Gorbeia Suzien lasterketan
Gorbeia Suzien probaren 12. edizioak euskal korrikalariak izan ditu protagonista. Aitor Ajuria izan da gizonik azkarrena, eta emakumezkoetan, garaipena lortzeaz gain, errekor berria ezarri du Lide Urrestarazuk.
800 korrikalaritik gora lehiatuko dira Gorbeia Suzien mendi-lasterketan
Gorbeia Suzien mendi-lasterketa larunbatean jokatuko da, Zeanurin. 800 korrikalari pasatxo lehiatuko dira, bi distantziatan: 32 kilometrokoan eta 21 kilometrokoan. Proba zuzenean ikusi ahalko da, 08:45etik aurrera, ETB1en eta eitb.eus atarian.