Hasi dira Parisko Olinpiar Jokoak, 43 euskal kirolarirekin
Mundua Parisera begira egongo da ostiral honetatik aurrera, kirolari olinpikoak Eiffel dorreraino eraman dituzten itsasontziak Sena ibaian desfilatu ostean, irekiera-ekitaldia lehen aldiz estadio batetik kanpo eginda.
Argiaren hiriak isilpean gorde ditu inaugurazio-jai handiaren xehetasun gehienak. Jaia 19:30ean hasi da, eta Austerlitzeko zubia eta Jenako zubia banatzen dituzten sei kilometroetan zehar egin da, Trocaderoko lorategiak eta Eiffel dorrea lotzen dituen zubian amaitzeko.
43 euskal kirolarik (EAEko 33, Nafarroako 8 eta Iparraldeko 2) hartuko dute parte Parisko Olinpiar Jokoetan uztailaren 26tik abuztuaren 11ra. Horiez gain, Paralinpiar Jokoetan beste dozena bat kirolari inguru egongo dira, abuztuaren 28tik irailaren 8ra.
Aro Berriko (1896-2024) hirugarren euskal ordezkaritza olinpiko ugarienetakoa da 2024an Parisen egongo dena. 1992an Bartzelonan (44) eta 1996an Atlantan (38) bakarrik aritu ziren euskal kirolari olinpiko gehiago.
Emakumeen parte-hartzeari dagokionez, gora egin du Tokiotik. Orduan, pandemiagatik urtebete atzeratutako edizioan, 20 euskal ordezkarietatik 12 ziren emakumeak, guztien % 40.
Parisko 2024ko Olinpiar Jokoetan, gizon eta emakumeen arteko parekidetasuna erabatekoa izango da lehen aldiz. Euskal ordezkarien artean, 22 emakume eta 21 gizon izango dira, eta hamasei kirol modalitatetan lehiatuko dira:
1. Alain Kortabitarte (skatea)
2. Alex Aranburu (errepideko txirrindularitza)
3. Andy Criere (surfa)
4. Begoña Lazcano (ur lasaietako piraguismoa)
5. Beñat Turrientes (futbola)
6. Bibiane Schulze (futbola)
7. Dario Brizuela (saskibaloia)
8. Elene Lete (ordezkoa) (futbola)
9. Esther Briz (arrauna)
10. Gracia Alonso (3x3 saskibaloia)
11. Imanol Garciandia (eskubaloia)
12. Irene Paredes (futbola)
13. Janire Gonzalez-Etxabarri (surfa)
14. John Cabang (atletismoa-hesi lasterketa)
15. Jon Rahm (golfa)
16. José 'Chefo' Basterra (belar-hockeya)
17. Kauldi Odriozola (eskubaloia)
18. Lucía García (futbola)
19. Maialen Chourraut (ur bizietako piraguismoa)
20. Maitane Etxeberria (eskubaloia)
21. Majida Maayouf (atletismoa-maratoia)
22. Miren Lazkano (ur bizietako piraguismoa)
23. Nadia Erostarbe (surfa)
24. Naia Laso (skatea)
25. Oier Ibarretxe (boxeoa)
26. Oier Lazkano (errepideko txirrindularitza)
27. Oihane Hernández (futbola)
28. Pau Echaniz (ur bizietako piraguismoa)
29. Rafa Vilallonga (belar-hockeya)
30. Salma Solaun (gimnasia)
31. Tessy Ebosele (atletismoa-luzera jauzia)
32. Virginia Diaz (arrauna)
33. Xabier Lopez de Arostegi (saskibaloia)
34. Aimar Oroz (futbola)
35. Alberto Munarriz (ur-poloa)
36. Ariane Toro (judoa)
37. Asier Martinez (atletismoa-hesiak)
38. Carlota Ciganda (golfa)
39. Jon Pacheco (futbola)
40. Lysa Tchaptchet (eskubaloia)
41. Sergey Hernandez (ordezkoa) (eskubaloia)
42. Hortense Limouzin (3x3 saskibaloia)
43. Joan Duru (surfa)
Zure interesekoa izan daiteke
Carlota Ciganda 71 kolpeko txartelarekin estreinatu da Chevron Championshipen, bat parraz azpitik
Nafarrak bi birdie egin ditu, 5. eta 14. zuloetan, baina 9. zuloan bogey bat ere egin du. Eguneko gainerako zuloetan parra egin du. Ciganda bederatzigarren geratu zen iaz Chevron Championshipen.
Hawaiiko Kaiwi kanala, Iskander Sagarminagaren hurrengo erronka
Iskander Sagarminaga igerilari galdakaoztarrak aurrean duen hurrengo erronkaren berri eman du: Hawaiiko Kaiwi kanala zeharkatu nahi du, Molokai uhartean.
?fmt=webp-alpha&qlt=80)
Jon Rahmek LIV Golf Mexico City txapelketa irabazi du, eta hogeigarren postuan jarri da munduko sailkapenean
2026ko denboraldian, bigarrenez eskuratu du garaipena euskal golf jokalariak; izan ere, Hong Kongen ere gailendu zen. Mexikon, Rahmek paretik azpiko 21 egin du, alegia, bigarren sailkatuak baino sei kolpe gutxiago behar izan ditu.
Ainhize Belar: “15 egunetan hiru 9A bide egitea lortu dut, espero ez nuen zerbait da eta kriston motibazioa eman dit"
Eskalatzaile bizkaitarrak bere lorpenak errepasatu ditu denboraldi honetan, besteak beste, 'La Reina Mora' eta 'Estado Crítico'. Gainera, eskaladaren hazkundea azpimarratu du oro har, eta bereziki emakumeek kirol honetan duten parte-hartzea, batez ere "arrokan" eskalatzen.
McIlroyk irabazi du Augustan, bigarren aldiz jarraian; Rahmek, berriz, 39. postuan amaitu du
Barrikakoak ez zuen txapelketa ondo hasi ostegunean, eta aukerarik gabe iritsi zen azken jardunaldira. 289 kolperekin itxi zuen lehia.
Jon Rahmek agur esan dio garaipenerako borrokari Augustako Mastersean
Barrikako golf jokalariak ez du hirugarren jardunaldian suspertzerik lortu, eta Rory McIlroyren gainbeherak final irekia utzi du Cameron Youngekin batera.
Rahmek ozta-ozta egin du aurrera Augustako Mastersean
Jose Maria Olazabal, bi aldiz txapeldun izandakoa, kanpoan geratu da. Rory McIlroy iazko txapeldunak, berriz, sendo jarraitzen du titulua berriro irabazteko bidean.
Rahmek bigarren jaka berdea jantzi nahi du, McIlroyk bigarrena jarraian eta Schefflerrek Augustan historia egin
Lehen aldia da Barrikako, Ipar Irlandako eta Estatu Batuetako hiru golflariak Erresuma Batuko Irekitik, iragan uztailetik, txapelketa batean elkartzen direna. Bestalde, Jose Maria Olazabal hondarribiarrak berriro parte hartuko du, biziarteko tokia gordeta baitu 1994an eta 1999an lortutako garaipenengatik.
Janire Gonzalez-Etxabarri eta Adur Amatriain, Europako txapelketa irabazi ondoren: “Ez zen gure helburua, baina lortu dugu"
Txapelketara belauneko arazoekin iritsi zela aitortu du surflari zumaiarrak. Pare bat manga gainditzea xede zuela erantsi du Gonzalez-Etxabarrik. Era berean, Amatriainek esan du zazpigarren postua zuela helburu, Challengerrera sailkatzeko.
“Moztaileak Munduan” dokumentala, asteazken gauean, ETB1en
“Moztaileak Munduan” dokumentalak ardi moztaileen lana eta Euskal Selekzioak Zeelanda Berrian bizi izan zuen esperientzia ditu ardatz. Aurrestreinaldia egin dute gaur, Abadiñoko Errota Kultur Etxean.