Alcaraz da 2024ko Wimbledongo irabazlea, Djokovicen aurkako finalean erakustaldia emanda

Carlos Alcaraz da 2024ko Wimbledongo txapelduna. Espainiarrak Novak Djokovic menderatu du finalean, hiru setetan, 6-2, 6-2 eta 7-6ko emaitzarekin. Ondorioz, Alcarazek bigarrenez irabazi du Erresuma Batuko Grand Slama.

Lehen setean, jaun eta jabe izan da Alcaraz (6-2). Bigarrenean ere, espainiarrak ez dio aukerarik eman serbiarrari (6-2). Hirugarren seta, berriz, estuagoa izan da; Djokovicek estu hartu du espainiarra, baina tie-breakean Alcarazek lortu du garaipena (7-6), berdinketa hausteko lehian 7 eta 4 nagusituta.