Jon Rahmek hamabosgarren tokian amaitu du RBC Heritage txapelketa; Matt Fitzpatrickek irabazi du
Jon Rahmek hamabosgarren tokian amaitu du RBC Heritage txapelketa, igandean, Hego Carolinan (AEB); Matt Fitzpatrick britainiarrak irabazi du txapelketa. Barrikako golf jokalariak -3ko txartela eman du igandean, eta, guztira, parraz azpiko 11 kolpeko emaitza egin du. Horrenbestez, Rahmek munduko sailkapenaren lehen postuan jarraitzen du; 48 aste daramatza munduko zerrendako lehen tokian, eta historian soilik bederatzi jokalarik eman dituzte aste gehiago lehen postu horretan.
Rahm, Augustako Mastersa irabazita, oso nekatuta zegoen, baina konpromisoa hartu zuen RBC Heritage txapelketan jokatzeko; azken zulora zihoala, zaleek txalo zaparrada handia eman zioten. "Lehen eguna gogorra izan zen; gerora, hobera egin nuen. Aurreko astean zer gertatu zen kontuan izanik, harrituta nago, ondo jokatu baitut, eta zaleek babes handia eman didate", adierazi du, amaitu ostean.
Azken eguna hasi aurretik, Matt Fitzpatrick RBC Heritage txapelketako lehen postuan zegoen, baina, garaipena eskuratzeko, berdinketa hausteko duelua jokatu behar izan du Jordan Spieth estatubatuarrarekin. Azkenean, Fitzpatrickek -17 egin du guztira (-3 igandean).
Munduko lehen tokian aste gehien eman dituzten golf jokalarien zerrenda historikoan, Rahmen hurrengo erronka da Ian Woosman galestarrak, Jason Day australiarrak, Luke Donald britainiarrak eta Severiano Ballesterosek aurreneko toki horretan emandako denbora hobetzea; hurrenez hurren, 50, 51, 56 eta 61 aste eman zituzten lehen postuan.
Zure interesekoa izan daiteke
Ardi Moztaileen Nazioarteko Txapelketa, irailaren 19an, Elizondon
Datorren irailaren 19an, Ardi Moztaileen Nazioarteko Txapelketa antolatu dute Elizondon, eta gaur goizean egin dute aurkezpena. Euskal Herriko moztaileak ez ezik, beste hainbat herrialdeetatik ere etorriko dira lehian parte hartzera.
Novak Djokovic Estatu Batuetako Irekitik kanpo geratu da, lehen errondan galdu du eta
Novak Djokovic tenis-jokalari serbiarra Estatu Batuetako Irekitik kanpo geratu da, lehen errondako partida galdu baitu, Mariano Navoneren aurka. Akituta amaitu du neurketa.
Jon Rahmen Legion XIII taldeak irabazi du LIV txapelketa
Barrikako golf-jokalaria buru duen taldeak garaipena lortu du, Indianapolisen jokatutako txapelketa irabazita. Banakako lehian, Rahm bigarren izan da.
Sinnerrek ez du AEBetako Irekian parte hartuko, eskuineko belaunean daukan lesioarengatik
Italiarrak, munduko lehen sailkatuak, ez du partida ofizialik jokatuko bigarren urtez jarraian Wimbledon konkistatu zuenetik.
Carlos Alcarazek bere tronua defendatuko du Estatu Batuetako Irekian
Murtziako tenislaria kantxetara itzuliko da New Yorken, eskuin eskumuturrean izan duen lesioa gainditu ostean.
Pou Anaiek eta Micher Quitok “Bonus Track” ireki dute Cordillera Blancan
Uda honetan, Eneko eta Iker Pouk, Peruko Micher Quito kidearekin batera, "Bonus Track" (WI7/M6/6c/1.060 m) ireki dute Ranrapalcan (6.162 m), Peruko Cordillera Blancan. Mendikate honetan inauguratu dituzten 22 ibilbideetatik gogorrena eta konprometituena. Hiru egunetan eta estilo alpinoan egin dute hori, Andeetako mendi handietako bati autonomia osoz aurre eginez.
LIV Golfek bertan behera utzi du bere azken txapelketa eta asteburu honetara aurreratu du taldekako finala
Michiganen abuztuaren 27tik 30era aurreikusitako taldekako finala asteburu honetara aurreratzea eta Indianapolisen jokatzea erabaki dute, LIVaren etorkizunari buruzko zalantzen erdian.
Rahm hamabosgarren postura jaitsi da munduko golf sailkapenean
Barrikako golf-jokalaria hamahirugarren postutik hamabosgarren postura jaitsi da. Bizkaitarrak datorren asteburuan Indianapolisen jokatuko du LIV zirkuituko azken txapelketa. Hala ere, dagoeneko txapeldun da.
Solaunek zilarra lortu du gimnastika erritmikoko Munduko Txapelketan
Larunbatean urrea eta 2028an Los Angelesko Olinpiar Jokoetarako txartela irabazi ondoren, gasteiztarrak distira egin du berriro Alemanian.
Salma Solaun, gimnastika erritmikoko munduko txapeldun
Gasteiztarrak urrea eskuratu du Espainiako taldearekin, eta, horrekin batera, Los Angelesko 2028ko Olinpiar Jokoetan lehiatzeko txartela.