Schefflerrek The Players irabazi du eta munduko sailkapeneko lehen postua kendu dio Jon Rahmi
Scottie Scheffler golf jokalari estatubatuarrak The Players txapelketa irabazi du igandean AEBn, eta Jon Rahmi munduko sailkapeneko lehen postua kendu egin dio; hain zuzen, Rahmek ostiralean utzi zuen txapelketa, osasun arazo bat tarteko. The Players denboraldiko bosgarren txapelketa nagusitzat jotzen dute, eta Schefflerrek -17 egin du guztira, igandean 69 kolpeko txartela emanda, hiru parretik behera, bost birdie lortuta eta bi bogey eginda. Rahm, orain, munduko sailkapeneko bigarren postuan dago.
Schefflerrek, Augustako Masterseko egungo txapelduna bera, 2023ko bere bigarren txapelketa irabazi du, horrenbestez; izan ere, Phoenixen 2022an lortutako titulua berretsi zuen. Guztira, kirol ibilbidean, sei txapelketa bereganatu ditu, The Players barne: Arnold Palmer Invitational bat, WGC-Dell Technologies Match Play bat, Augustako Masters bat, Phoenixeko biak, eta The Players. Historian, soilik Jack Nicklaus eta Tiger Woods handiek zuten lortuta The Players irabaztea Augustako Masterseko egungo txapeldunak zirela.
Tyrrell Hatton britainiarra sailkatu da bigarren postuan, Schefflerrekiko bost kolpera, hamabi parretik behera eginda. Hirugarren postuan, Tom Hoge estatubatuarrak eta Viktor Hovland norvegiarrak berdindu dute, -10 eginda.
Rahmek ezin izan du munduko sailkapenean zuen lehen postuari eusteko borrokatu; ostiraleko jardunaldia hasi aurretik, txapelketa utzi zuen, osasun arazo batengatik. Ostegunean, The Playerseko lehen egunean, 71 kolpeko txartela eman zuen, bat hamarretik behera.
Euskal golf jokalaria otsailaren 19an jarri zen lehen postuan munduko sailkapenean. Orduan, Genesis Invitational irabazi zuen, Ameriketako Estatu Batuetan. Txapelketa horrez gain, Sentry Tournament of Champions eta The American Express txapelketak ere bereganatu ditu Rahmek denboraldi honetan.
Zure interesekoa izan daiteke
Wiesberger austriarra Adrian Otaeguiri gailendu zaio Txinako Irekian
Otaeguik gertu izan du garaipena DP World Tourreko Txinako Irekian, baina azkenean amore eman du Bernd Wiesberger austriarraren aurka.
Carlota Ciganda 71 kolpeko txartelarekin estreinatu da Chevron Championshipen, bat parraz azpitik
Nafarrak bi birdie egin ditu, 5. eta 14. zuloetan, baina 9. zuloan bogey bat ere egin du. Eguneko gainerako zuloetan parra egin du. Ciganda bederatzigarren geratu zen iaz Chevron Championshipen.
Hawaiiko Kaiwi kanala, Iskander Sagarminagaren hurrengo erronka
Iskander Sagarminaga igerilari galdakaoztarrak aurrean duen hurrengo erronkaren berri eman du: Hawaiiko Kaiwi kanala zeharkatu nahi du, Molokai uhartean.
?fmt=webp-alpha&qlt=80)
Jon Rahmek LIV Golf Mexico City txapelketa irabazi du, eta hogeigarren postuan jarri da munduko sailkapenean
2026ko denboraldian, bigarrenez eskuratu du garaipena euskal golf jokalariak; izan ere, Hong Kongen ere gailendu zen. Mexikon, Rahmek paretik azpiko 21 egin du, alegia, bigarren sailkatuak baino sei kolpe gutxiago behar izan ditu.
Ainhize Belar: “15 egunetan hiru 9A bide egitea lortu dut, espero ez nuen zerbait da eta kriston motibazioa eman dit"
Eskalatzaile bizkaitarrak bere lorpenak errepasatu ditu denboraldi honetan, besteak beste, 'La Reina Mora' eta 'Estado Crítico'. Gainera, eskaladaren hazkundea azpimarratu du oro har, eta bereziki emakumeek kirol honetan duten parte-hartzea, batez ere "arrokan" eskalatzen.
McIlroyk irabazi du Augustan, bigarren aldiz jarraian; Rahmek, berriz, 39. postuan amaitu du
Barrikakoak ez zuen txapelketa ondo hasi ostegunean, eta aukerarik gabe iritsi zen azken jardunaldira. 289 kolperekin itxi zuen lehia.
Jon Rahmek agur esan dio garaipenerako borrokari Augustako Mastersean
Barrikako golf jokalariak ez du hirugarren jardunaldian suspertzerik lortu, eta Rory McIlroyren gainbeherak final irekia utzi du Cameron Youngekin batera.
Rahmek ozta-ozta egin du aurrera Augustako Mastersean
Jose Maria Olazabal, bi aldiz txapeldun izandakoa, kanpoan geratu da. Rory McIlroy iazko txapeldunak, berriz, sendo jarraitzen du titulua berriro irabazteko bidean.
Rahmek bigarren jaka berdea jantzi nahi du, McIlroyk bigarrena jarraian eta Schefflerrek Augustan historia egin
Lehen aldia da Barrikako, Ipar Irlandako eta Estatu Batuetako hiru golflariak Erresuma Batuko Irekitik, iragan uztailetik, txapelketa batean elkartzen direna. Bestalde, Jose Maria Olazabal hondarribiarrak berriro parte hartuko du, biziarteko tokia gordeta baitu 1994an eta 1999an lortutako garaipenengatik.
Janire Gonzalez-Etxabarri eta Adur Amatriain, Europako txapelketa irabazi ondoren: “Ez zen gure helburua, baina lortu dugu"
Txapelketara belauneko arazoekin iritsi zela aitortu du surflari zumaiarrak. Pare bat manga gainditzea xede zuela erantsi du Gonzalez-Etxabarrik. Era berean, Amatriainek esan du zazpigarren postua zuela helburu, Challengerrera sailkatzeko.