Jon Rahmek munduko sailkapeneko lehen postua berreskuratu du Genesis Invitational txapelketa irabazita
Jon Rahm Barrikako golf jokalariak irabazi du igandean Pacific Palisadeseko (Kalifornia, AEB) Genesis Invitational txapelketa, eta munduko sailkapeneko lehen postua berreskuratu du.
Rahm Max Homa estatubatuarrarekiko hiru kolpeko aldearekin iritsi zen Kaliforniako txapelketako azken itzulira, eta parraz azpitik 17 kolpe eginda amaitu zuen bere ibilbidea (-2 igandean). Atzetik zuen jokalaria -15 pilatuta geratu zen (-3 laugarren txandan).
Horrenbestez, bere hirugarren txapelketa irabazi du Rahmek 2023an, urteari hasiera bikaina emanda. Astearen hasieran, munduko sailkapeneko hirugarren postuan zegoen, eta lortutako garaipenarekin Scottie Scheffler estatubatuarra (1.a) eta Rory McIlroy (2.a) aurreratu ditu, 2022ko martxotik lehen aldiz munduko sailkapenaren buruan jartzeko.
Genesis Invitational torneoan lortutako garaipena aurretik irabazitako bi txapelketei batu zaie (Sentry Tournament of Champions eta The American Express), eta, hala, bera da munduan une honetan sasoi onenean dagoen golf jokalaria.
Rahmek ez zuen lan errazik izan Genesis Invitational torneoaren azken egunean; izan ere, Homak gauzak zail jarri zizkion zenbait unetan, eta, besteak beste, larunbatean bizkaitarrak lortutako hiru kolpeko aldea iraultzea lortu zuen tarte batez.
Hala ere, Barrikakoa bere onera itzuli zen 14. eta 16. zuloetan bi birdie eginda (bost birdie eta hiru bogey eginda amaitu zuen igandea).
Igande honetan lortutakoarekin, PGA Tourrean eskuratzen duen hamargarren garaipena du Rahmek bere ibilbide osoan. Badu beste datu harrigarri bat ere: jokatu dituen azken bederatzi txapelketetatik bost irabazi ditu (2022ko amaiera eta 2023ko hasiera kontuan hartuta).
Garaipenaren osteko prentsaurrekoan, Rahm harro agertu zen Seve Ballesteros mitikoa (9 garaipen AEBko zirkuituan) gainditu zuelako, eta bere ibilbide pertsonalerako "mugarria" delako PGA Tourrean 10 garaipeneko marka lortzea.
Bizkaitarrak gaineratu zuen "benetako ohorea" izan zela horrenbesteko garrantzia duen txapelketa irabaztea, eta, gainera, Tiger Woods lehiaketako "anfitrioia" izanda.
Zure interesekoa izan daiteke
Wiesberger austriarra Adrian Otaeguiri gailendu zaio Txinako Irekian
Otaeguik gertu izan du garaipena DP World Tourreko Txinako Irekian, baina azkenean amore eman du Bernd Wiesberger austriarraren aurka.
Carlota Ciganda 71 kolpeko txartelarekin estreinatu da Chevron Championshipen, bat parraz azpitik
Nafarrak bi birdie egin ditu, 5. eta 14. zuloetan, baina 9. zuloan bogey bat ere egin du. Eguneko gainerako zuloetan parra egin du. Ciganda bederatzigarren geratu zen iaz Chevron Championshipen.
Hawaiiko Kaiwi kanala, Iskander Sagarminagaren hurrengo erronka
Iskander Sagarminaga igerilari galdakaoztarrak aurrean duen hurrengo erronkaren berri eman du: Hawaiiko Kaiwi kanala zeharkatu nahi du, Molokai uhartean.
?fmt=webp-alpha&qlt=80)
Jon Rahmek LIV Golf Mexico City txapelketa irabazi du, eta hogeigarren postuan jarri da munduko sailkapenean
2026ko denboraldian, bigarrenez eskuratu du garaipena euskal golf jokalariak; izan ere, Hong Kongen ere gailendu zen. Mexikon, Rahmek paretik azpiko 21 egin du, alegia, bigarren sailkatuak baino sei kolpe gutxiago behar izan ditu.
Ainhize Belar: “15 egunetan hiru 9A bide egitea lortu dut, espero ez nuen zerbait da eta kriston motibazioa eman dit"
Eskalatzaile bizkaitarrak bere lorpenak errepasatu ditu denboraldi honetan, besteak beste, 'La Reina Mora' eta 'Estado Crítico'. Gainera, eskaladaren hazkundea azpimarratu du oro har, eta bereziki emakumeek kirol honetan duten parte-hartzea, batez ere "arrokan" eskalatzen.
McIlroyk irabazi du Augustan, bigarren aldiz jarraian; Rahmek, berriz, 39. postuan amaitu du
Barrikakoak ez zuen txapelketa ondo hasi ostegunean, eta aukerarik gabe iritsi zen azken jardunaldira. 289 kolperekin itxi zuen lehia.
Jon Rahmek agur esan dio garaipenerako borrokari Augustako Mastersean
Barrikako golf jokalariak ez du hirugarren jardunaldian suspertzerik lortu, eta Rory McIlroyren gainbeherak final irekia utzi du Cameron Youngekin batera.
Rahmek ozta-ozta egin du aurrera Augustako Mastersean
Jose Maria Olazabal, bi aldiz txapeldun izandakoa, kanpoan geratu da. Rory McIlroy iazko txapeldunak, berriz, sendo jarraitzen du titulua berriro irabazteko bidean.
Rahmek bigarren jaka berdea jantzi nahi du, McIlroyk bigarrena jarraian eta Schefflerrek Augustan historia egin
Lehen aldia da Barrikako, Ipar Irlandako eta Estatu Batuetako hiru golflariak Erresuma Batuko Irekitik, iragan uztailetik, txapelketa batean elkartzen direna. Bestalde, Jose Maria Olazabal hondarribiarrak berriro parte hartuko du, biziarteko tokia gordeta baitu 1994an eta 1999an lortutako garaipenengatik.
Janire Gonzalez-Etxabarri eta Adur Amatriain, Europako txapelketa irabazi ondoren: “Ez zen gure helburua, baina lortu dugu"
Txapelketara belauneko arazoekin iritsi zela aitortu du surflari zumaiarrak. Pare bat manga gainditzea xede zuela erantsi du Gonzalez-Etxabarrik. Era berean, Amatriainek esan du zazpigarren postua zuela helburu, Challengerrera sailkatzeko.