Leautek brontzezko domina lortu du Fujiko iraupeneko lasterketan

Tokioko Paralinpiar Jokoetako txirrindularitzako iraupeneko proba jokatu da gaur Fujiko Nazioarteko Zirkuituan.

Ziklistek euri-zaparradapean egin dute lasterketa eta bertan C1, C2 eta C3 mailakoek hartu dute parte.

79,2 kilometroko ibilbidea izan du lasterketak eta proba azken zatian apurtu egin da, helmugarako hamar kilometroren faltan hamaika gizonek egin dute aurrera eta euren artean banatu dituzte dominak.

Azkenean Benjamin Watson britaniarrak eraman du urrea (2:04.23), bere herrikidea den Finlay Grahamek zilarra lortu du eta (2:05.43) eta hirugarren tokian Iparralden bizi den Alexandre Leaute heldu da brontzea erdietsiz (2:11:06).

Basque Teamek Eduardo Santas 26 tokian helmugaratu da.