Ane Mintegi Wimbledoneko finalera sailkatu da gazte mailan

Ane Mintegi gipuzkoarrak historia egin du larunbat honetan All England Clubean, gazte mailako Wimbledon torneoko finalera iritsita.

Mintegik 6-3 eta 7-5 irabazi dio Linda Fruhvirtova txekiarrari finalerdietan eta, hartara, junior mailako Grand Slameko lehen finala jokatuko du.

Hiru egunetan lau partida jokatu ondoren, Mintegik behin betiko pausoa eman du, bera baino hobeto sailkatutako tenislari bat gainditu ostean. Mintegi rankingeko 715. tenislaria da eta bere aurkaria, aldiz, 355.a

Idiazabalgo tenislariak Victoria Jimenez (Mintegiren laguna) edota Nastasja Schunk alemaniarra izango du aurkari igande honetan.