Verdascok ezin izan du Seppi gainditu

Andreas Seppi Italiako jokalariaren jokoak Fernando Verdasco onetik atera du. Zazpi aldiz jokatu dute elkar eta italiarrak lortutako aurreneko garaipena da gaurkoa, 7-5, 3-6, 6-3, 4-6 eta 6-2. Partidak hiru ordu eta 23 minutuko iraupena izan du.

Aurreko sei norgehiagoketan set bakarra irabazi zion Verdascori Seppik, baina tenislari italiarra gorputzaldi onean dago; izan ere, Belgradon garaipena lortu zuen denboraldi honetan. Lehen setean Verdasco 5-2 jarri da aurretik, baina buelta eman dio Seppik, eta eskuinarekin Verdasco zigortu du neurketa osoan zehar.