Harri-jasotzea oinarri duen "Harri Herri" txapelketaren bigarren edizioa, apirilaren 15etik aurrera, EITBn
"Harri Herri" herri kirol programa berritzailearen bigarren edizioa estreinatuko du EITBk apirilaren 15ean. Oraingoan ere, eta ETB1en eta eitb.eus-en eskainiko da harri jasotzea oinarri duen txapelketa astelehen gauetan, 22:30ean.
Martxoaren 7an aurkeztu zuten saioa EITBk Usurbilgo Saizar sagardotegian. Ekitaldian izan ziren Joseba Urkiola EITB Mediako Kiroletako zuzendaria, Izeta II, Zelai II eta Joseba Ostolaza entrenatzaileak eta Udane Ostolaza, Lierni Osa eta Karmele Gisasola emakume harri-jasotzaileak. Horrez gain, han izan ziren ere Luis Mari Bengoa Egur Sport enpresako arduraduna, eta Napo Lertxundi, txapelketako babesleetako bat den Saizar sagardotegiaren izenean.
Aurrekoan bezala, Juanan Legorburu eta Ane Muruamendiaraz kazetariak eta Iñaki Perurena harri-jasotzaile ohia arituko dira aurkezle lanetan; baina, oraingoan, laugarren kide ere izango dute alboan: Idoia Etxeberria harri-jasotzailea.
Aurten, 32 harri-jasotzailek hartuko dute bertan parte, 16 gizonezkok eta 16 emakumezkok; eta launa taldetan lehiatuko dira, lau gizonezkoetan eta lau emakumezkoetan. Talde bakoitzak talde-buru edo kapitain bana izango du: Luis Mari Telleria, Izeta II, Joseba Ostolaza eta Zelai II.
Asteasuko frontoian grabatu dira lehen bi finalerdiak eta finala ere. Publikoak bertan egoteko aukera izan zuen.
Harri-jasotzaileak, taldeak eta kapitainak
Zortzi talde izango dira guztira, eta talde bakoitzak harri baldar baten izena izango du: Albizuri, Igeldo, Etxauri, Laukariz, Mollarri, Ibiur, Ergobia eta Ulia.
GIZONEZKOEN TALDEAK
Taldeburua: Zelai II
Harri-jasotzaileak:
-Jon Unanue Goenatxo: 200 kiloko errektangularra
-Xabat Olaizola: 125 kiloko kubikoa
-Alex Merlo: 125 kiloko zilindro zaharra
-Jagoba Otaegi: 100 kiloko bola
____________
Taldeburua: Luis Mari Telleria
Harri-jasotzaileak:
-Gari Garmendia: 200 kiloko errektangularra
-Beñat Telleria: 125 kiloko kubikoa
-Iraitz Arruti Burni txiki: 125 kiloko zilindro zaharra
-Inhar Urruzuno: 100 kiloko bola
____________
Taldeburua: Izeta II
Harri-jasotzaileak:
-Aimar Galarraga: 200 kiloko errektangularra
-Hodei Iruretagoiena Izeta IV: 125 kiloko kubikoa
-Mikel Lopetegi Urra: 125 kiloko zilindro zaharra
-Ander Larrucea: 100 kiloko bola
____________
Taldeburua: Joseba Ostolaza
Harri-jasotzaileak:
-Julen Diaz: 200 kiloko errektangularra
-Imanol Roto Lartain: 125 kiloko kubikoa
-Xiker Larrea: 125 kiloko zilindro zaharra
-Andoni Iruretagoiena Izeta VI: 100 kiloko bola
____________
EMAKUMEZKOEN TALDEAK
Taldeburua: Zelai II
Harri-jasotzaileak:
-Eider Garcia Durana: 100 kiloko errektangularra
-Karmele Gisasola: 62,5 kiloko kubikoa
-Sara Jimenez: 62,5 kiloko zilindro zaharra
-Itxasne Apraiz: 50 kiloko bola
____________
Taldeburua: Izeta II
Harri-jasotzaileak:
-Maddi Gesala: 100 kiloko errektangularra
-Ainitze Zumeta: 62,5 kiloko kubikoa
-Garazi Ansa: 62,5 kiloko zilindro zaharra
-Nerea Arruti: 50 kiloko bola
____________
Taldeburua: Luis Mari Telleria
Harri-jasotzaileak:
-Aroa Sanchez: 100 kiloko errektangularra
-Lierni Osa: 62,5 kiloko kubikoa
-Naroa Arruti: 62,5 kiloko zilindro zaharra
-Estefania Etxebeste: 50 kiloko bola
____________
Taldeburua: Joseba Ostolaza
Harri-jasotzaileak:
-Olaia Esnaola: 100 kiloko errektangularra
-Goizeder Abendibar: 62,5 kiloko kubikoa
-Ane Atxutegi: 62,5 kiloko zilindro zaharra
-Udane Ostolaza: 50 kiloko bola
Harriak eta dinamika
Harri jasotzaile bakoitzak harri bakarrarekin lan egingo du eta denbora jakin bat izango du horretarako. Gizonezkoen harriak honako hauek dira: 200 kiloko errektangularra, 125 kiloko kubikoa, 125 kiloko zilindro zaharra eta 100 kiloko bola. Emakumezkoen harriak, berriz, hauek: 100 kiloko errektangularra, 62,5 kiloko kubikoa, 62,5 kiloko zilindro zaharra, eta 50 kiloko bola. Txandaka lehiatuko dira harri bakoitzarekin eta denbora tarte jakin bat izango dute lau harriekin lanean aritzeko. Jasoaldi bakoitza denborarekin sarituko da; hartara, talde bakoitzak denbora-altxorra lortuko du.
Zertarako denbora-altxor hori? Saio bakoitzean final moduko bat jokatuko dute harri berezi batekin: txapelketa honetarako espreski aurkitutako harri baldar zail bat. Harri hori aurretik ikusi gabea izango dute, eta talde bakoitzak aurretik irabazi duen denbora-altxorra izango du harri baldarra jasotzen saiatzeko.
Lehen edizioan, Ergobia eta Etxauri taldeek eskuratu zuten txapela, final estuak jokatuta.
Zure interesekoa izan daiteke
Izeta VI.ak eta Lierni Osak markak jarri dituzte Zarautzen
Andoni Iruretagoiena, "Izeta VI.a"k bikain bete du erronka ahalegina. Zarauztarraren helburua ordubete eta lau minututik jaistea zen eta 59:03 minututan gelditu du kronoa. 100 kiloko bolari 50 altxaldi eman dizkio, 10 kanaerdiko moztu ditu, eta ondoren bost kilometroko korrikaldian maila onean aritu da. Hala, buruan zuen denbora bost minutu jaistea lortu du. Lierni Osak ere marka ahalegina zuen eta 62 kiloko bolarekin 72 altxaldi egin ditu 10 minutuan.
Iker Vicente bigarren izan da munduko txapelketan, azkartasun proban
Iker Vicente aizkolariak laugarrenez bukatu du bigarren Australian jokatu den munduko txapelketan. Finalean, Kody Steers Otsagabiko aizkolaria baino azkarragoa izan da, eta Jack Jordan izan da hirugarren.
Izeta VI.ak marka ahalegina larunbatetik ostiralera aurreratu du
Andoni Iruretagoiena honako lanaren marka hausten saiatuko da ostiral honetan, larunbaterako eguraldi txarra iragarrita baitago: 100 kiloko bolari 50 altxaldi egin ostean, 10 kanaerdiko enbor bota eta 5 kilometro korrika egitea.
Albizuri taldea, “Harri Herri” saioko finalera
Oskar Aguas, Jon Gisasola, Mikel Lopetegi eta Alex Merlo harri-jasotzaileek osatutako taldeak harri baldarrari 18 jasoaldi egin zizkioten, aurkariak baino lau gehiago.
Albizurik maldan gora jarritako finalerdia irauli eta finalerako txartela lortu du, Laukariz garaituta
Oskar Aguas, Jon Gisasola, Mikel Lopetegi eta Alex Merlo harri-jasotzaileek osatutako taldeak hasiera kaskarra gainditzea eta egoera iraultzea lortu dute. Harri baldarrari 18 jasoaldi egin dizkiote. Xabier Aranburu, Hodei Iruretagoiena, Xabat Olaizola eta Eneko Bilbao aurkariek, ostera, harritzarra 14 aldiz altxatu dute.
Izeta VI.a, marka egiteko saiakeraz: “Ordubete eta 4 minututik jaistea da helburua"
100 kiloko bolari 50 jasoaldi eman, 10 kanaerdiko moztu eta 5 kilometro korrikan egin beharko ditu Zarauzko udaletxeko eraztunean.
Mollarri taldea, “Harri Herri” saioko finalera
Mollarri taldeak Ergobia taldea garaitu du “Harri Herri” saioko finalerdietan. Maddi Salterainek, Malen Moranderak, Ainitze Zumetak eta Olaia Esnaolak osatutako taldeak, 34 altxaldi egin ditu harri baldarrekin.
Mollarrik finalerako txartela lortu du, Ergobia lehen finalerdian gaindituta
Olaia Esnaolak, Ainitze Zumetak, Malen Molandeirak eta Maddi Salterainek osatutako taldeak 34 altxaldi eman dizkio harri baldarrari azken proba erabakigarrian. Aurkariek, aldiz, 31 altxaldi eman dizkiote, azken lan saio horretara 18 segundoko desabantailarekin iritsita. Beraz, Maddi Gesalaga, Ane Atxutegi, Leire Olea eta Elene Ostolaza finaletik at geratu dira.
Ainitze Zumeta, “Urra", Oihana Fernandez de Barrena eta Julen Alberdi, Banakako Kirol Herriko txapeldun
Irabazleen nagusitasuna oso argia izan da aizkoran, baina lehia estuagoa izan da harri-jasotzean.
Taiwango Munduko Txapelketatik bueltan, pozarren
Taiwanen jokatutako Munduko Sokatira Txapelketan euskal ordezkaritza zabala izan da, eta urrezko dominarik lortu ez badute ere, maila ona eman dute. Ibarra, Abadiño, Antsoain eta Txantreako taldeek parte hartu dute, taldeka ez ezik, Euskal Herria ordezkatuz ere lehiatuta.