Osasunak aurpegia eman du Bartzelonaren aurka, baina porrota jaso du Sadarren (1-2)
Gorritxoek aurkariaren area mehatxatu dute, batez ere Budimirrekin, baina balantza Bartzelonaren alde erori da azken minutuetan.
Osasunak 1-2 galdu du Bartzelonaren aurka larunbat honetan Sadarren jokatu den EA Sports Ligako 34. jardunaldiko partidan.
Lehen hurbilketa 6. minutuan egin dute gorritxoek. Budimir Canceloren aurrera heldu da, atzelariak zapaldu egin du, aurrelaria lurrera erori da eta penaltia eskatu dute. Hala ere, epaileak ez du ezer adierazi. Geroxeago, Morok erdiraketa ona jarri dio Budimirri, baina Gerard Martin aurreratu zaio jaurtiketa desbideratzeko.
Bartzelonak, bere aldetik, Lewandowskiren oinetan izan du lehen aukera argia. Jokaldi on baten ostean, gora joan zaio jaurtiketa poloniarrari.
Budimir amesgaiztoa izan da Bartzelonaren defentsarentzat, eta ordu erdia bete ostean, aukera bikoitza izan du: lehenengoan, bakarrik heldu da area barrura, eta baloia jaurtitzea lortu du, baina zutoina jo du. Ia jarraian, areaz kanpotik saiatu da, baina Joan Garciak geldiketa aparta egin dio.
Bigarren zatia hasi bezain laster, Catenak Olmoren gola eragotzi du. Osasunak ere aukera bikoitza izan du, Joan Garciak gelditutako Ruben Garciaren jaurtiketarekin eta kanpora joan den erremate batekin.
Dena den, Bartzelonaren nagusitasuna nabaria izan da baloiaren jabetzan, eta arrisku gehiago sortu du. Hala, 81. minutuan, Lewandowskik Rashforden erdiraketa aprobetxatu du markagailua mugitzeko (0-1).
Gainera, ia jarraian, Ferminek pase on bat bidali dio areara Ferrani, eta aurrelariak gola egin du, (0-2).
Osasunak ez du amore eman, eta luzapenera heldu baino lehen, Raul Garcia de Harok buruz bikain errematatu du aldea murrizteko (1-2).
Azken minutuak oso biziak izan dira eta Osasunak berdinketa bilatu du, baina ez du lortu, eta, ondorioz, ezin izan du punturik batu etxean.
Zure interesekoa izan daiteke
Osasunak estutu du, baina ez du gola aurkitu
Talde gorritxoa Levante baino gehiago izan da neurketan, baina asmatze faltak nagusitasun horrek garaipena lortzea eragotzi du.
Ramis, LaLigako egutegiarekin haserre: “Ez dakit lehen jardunaldia edo bigarrena ikusten ari naizen, ez da normala"
Osasunako entrenatzailea etsita agertu da Osasunak Levanteren aurka jokatuko duen partidaren atarian, LaLigako lehen bi jardunaldiekin dagoen nahasmenarekin. Talde batzuek bi partida jokatu dituzte jada, Osasunak bat ere ez, eta astebetean hiru jokatu beharko ditu.
Luis Miguel Ramis: “Osasuna irabazle bat nahi dut”
Osasunaren entrenatzaile berria lahiaketa hasteko irrikitan dago. Iragan igandean Osasunak Celtarekin jokatu ez zuenez, denboraldiaurreko aste bat gehiago izan dute, eta ondo etorri zaiela esan du. Sadarreko giroa bertatik bertara bizi nahi duela ere esan du, eta, aldi berean, zein Osasuna ikustea nahi duen azaldu du. Azkenik, Luis Miguel Ramisek mezu bat bidali die Osasunako zaleei. (Bideoa, gazteleraz).
Iker Benitok Queretaron jokatuko du
Mirandako jokalariak etapa berri bati ekingo dio Mexikon 2027ko abuztuaren 31ra arte.
Luis Sabalza, Celta-Osasuna partidari buruz: “Zer nahi duzu egitea? Ez jokatzea? "
Celta-Osasuna partida atzera buruz hitz egin du Osasunako presidenteak, taldeak Javierrera LaLiga hasi aurreko lore-eskaintza egiteko egin duen bisitaren ondorengo uneetan.
Celta-Osasuna partida abuztuaren 27ra atzeratu da, baina talde gorritxoak “erabateko desadostasuna" erakutsi du
Balaidoseko futbol-zelaia ez dago futboleko neurketa bat hartzeko moduan, onddo batek erasan baitio. Bere aldetik, talde nafarra erabat kaltetua sentitzen da LaLigak eta Federazioak hartutako erabakiaren aurrean.
Rockson Yeboah erdiko atzelariaren fitxaketa iragarri du Osasunak
22 urteko defendatzaile ghanarra Suediako I.F.K. Göteborg taldetik iritsi da 3 milioi euroren truke, bost denboraldirako sinatu du eta 30 milioiko klausula izango du.
Osasunak Diego Rico fitxatu du, 2026-2027 denboraldirako
Ezker hegaleko atzelaria, azken hiru denboraldiak emanda, libre zegoen; 2021etik 2023ra bitartean, Realean aritu zen.
Dubasin: “Osasunara etortzeko zalantzarik ez nuen"
Jonathan Dubasin pozik dago Osasunak eman dion aukerarekin. Esan du Ramisek lana eta ahalegina eskatu dizkiola, eta hori "negoziaezina" dela berarentzat. Katalanak dio balio anitzeko jokalaria dela erasoan, hainbat posiziotan jokatzeko gai dena, baina argi du zein den egokiena berarentzat. Bestalde, Braulio Vazquez kirol zuzendariak eskerrak eman dizkio Dubasini Osasunan jokatzeko erakutsi dituen gogoengatik. Taldeak denboraldi honetarako dituen helburuak ere zehaztu ditu, baita taldea ixteko indartzen saiatuko den posizioak ere. (Bideoa, gazteleraz).
Osasunak denboraldiaurreko lehen porrota jaso du Napoliren aurka, Italian (2-1)
Italiako taldearen aldeko lehendabiziko gola Mateo Politanok sartu du, 27. minutuan. Atsedenalditik bueltan, 53. minutuan, Lorenzo Luccak bigarrena egin du. Osasunaren gol bakarra penaltiz iritsi da. Ante Budimirrek, 69. minutuan, bete-betean asmatu du hamaika metroetatik.