Osasunak Sadar handitzea eta 24.754 jarleku izatea proposatu du
Talde gorritxoak beste urrats bat eman du estadioaren edukiera handitzeko helburuan, ofizialki aurkeztu baitu proposamen teknikoa, Nafarroako Gobernuak onar dezan.
Sadar. Irudia: C. A. Osasuna
Osasunak astearte honetan aurkeztu du Sadarren edukiera handitzeko proiektua Nafarroako Gobernuan. Ekimen horrekin 1.178 eserleku gehiago lortu nahi ditu, estadioan 24.754 eserleku izateko. Dokumentazioa erregistratuta dago, eta agertoki berria ireki dio azpiegitura gorriaren hazkundeari.
Nafarroako erakundeak urtebete baino gehiago darama ideia hori lantzen, eta hainbat harreman ditu Larrialdi, Prebentzio eta Babes Zibileko Zerbitzuarekin, kontu teknikoak direla eta. Ondorioz, klubak estadioaren handitze-lanak gauzatu ahal izateko beharrezkoa den jarduera-lizentzia eskaera egin du.
Edukiera handitzeko, ebakuazio-korridoreak eta besaulkiak berrantolatzea proposatzen da proiektuan, segurtasun-parametroak nabarmen aldatu gabe. Txostenean jasotako simulazio informatikoaren arabera, 826 segundoan ebakuatuko lituzkete erabiltzaile guztiak. Tarte hori jatorrizko lizentzian jasotako 802 segundoak baino 24 segundo gehiago da, eta alde hori onargarritzat jo du azterlanak.
Ingeniería Valladares enpresak garatutako eta Cepretec enpresa independenteak balioztatutako analisi teknikoak zehatz-mehatz deskribatu du zona, ibilbide eta irteeretako ebakuazioa. Horren arabera, tarte hori hasieran baimendutakoaren parekoa da, eta ez du segurtasuneko baldintzarik murrizten. Argudio horiekin, Osasunak dagozkion lizentzia administratiboak eskatu ditu, eta orain Nafarroako Gobernuak dokumentazioa aztertu eta proposamenari buruzko iritzia eman beharko du.
Zure interesekoa izan daiteke
Ruben Garciak 2027ra arte berritu du kontratua Osasunarekin
8 milioi euroko etete-klausula izaten jarraituko du, eta bihar 12:30ean prentsaurrekoa emango du Braulio Vazquez kirol zuzendariarekin batera.
Asier Osambela: "Hemendik goraka joaten saiatu behar gara"
Asier Osambela pozarren agertu da Osasunak Rayo Vallecano 1-3 menderatu ondoren. Dena den, jokalari nafarrak azpimarratu du, garaipenak poza eman badie ere, orain inoiz baino gehiago, lanean jarraitu behar dutela.
Osasunak 9 hilabeteko lehortea hautsi du etxetik kanpo Rayo garaituta (1-3)
Ligan 10 jardunaldi jarraian irabazi gabe egon ondoren, talde gorritxoa Iñigo Perezen taldeari gailendu zaio Budimir, Jozhua (bere atean) eta Asier Osambelaren golei esker.
Alessio Lisci: "Raul oso gustuko dugu, eta zorionez ekarri ahal izan dugu"
Bestalde, Rayoren aurka "oldarkorra izan nahi duen Osasuna, partidan egon nahi duen taldea" ikusi nahi duela, adierazi du entrenatzaile erromatarrak.
Raul Moro: “Ondo jarraitzeko eta taldeari eta klubari laguntzeko zereginarekin nator”
Raul Morok 2031ra arte fitxatu du Osasunarekin. Ajaxeko jokalari ohiak prentsaurrekoa eman du Braulio Vazquezekin batera, eta bere ustez egon behar duen lekuan dagoela adierazi du.
Osasunak Raul Moro fitxatu du, 2031ra arte
Jokalari kataluniarra Ajax taldean aritu da denboraldi honetan, baina ia ez du jokatu. Iruñeko klubak bost milioi euro ordaindu ditu, eta futbolariaren etete klausula 50 milioikoa izango da.
Aimar Oroz: "Asko sufritu dugu, baina azkenean irabazi egin dugu, eta hori da garrantzitsuena"
Aimar Oroz pozarren agertu da Osasunak Oviedo 3-2 menderatu eta gero. Edonola ere, jokalari nafarrak adierazi du gorritxoak ez direla eroso egon eta asko kostatako garaipena izan dela, markagailuan atzetik joan baitira.
Osasunak bi aldiz irauli du markagailua Oviedori irabazteko (3-2)
Bi aldiz berdindu behar izan dute markagailua gorritxoek, Budimirren bi golekin, eta Victor Muñozek luzapenean sartu du Osasunari garaipena eman dion gola.
Alessio Lisci: "Lehengo eguneko partidak ez du arrastorik utzi behar"
Osasunako entrenatzaileak larunbatean, EA Sports Ligako 20. jardunaldian, Oviedoren aurka jokatuko duten partidari buruz hitz egin du.