Osasunak puntua poltsikoratu du Las Palmasen kontra (1-1), eta hiru partida jarraian daramatza galdu gabe
Osasunak berdindu egin du Las Palmasen aurka, 1-1, igande honetan, otsailaren 25ean, Kanaria Handian jokatutako EA Sports Ligako 26. jardunaldiko partida. Hala, bada, gorritxoek hiru neurketa jarraian daramatzate galdu gabe.
Las Palmasek eduki du gola sartzeko lehen abagunea, baina Marc Cardonak ez du asmatu gorritxoen ate aurrean. Gero, zazpigarren minutuan, talde kanariarrak penaltia eskatu du, ustez Herrera atezainak Marvini area barruan egindako falta batengatik; epaileak VAR sistema kontsultatu du, eta ez dela penaltirik egon erabaki du.
Osasunaren erantzuna 18. minutuan heldu da: Raul Garcia de Harok, ordea, ezin izan du Aresoren pase ona errematatu. Ordutik aurrera bi taldeetako batek ere ez du gol aukerarik sortu, eta neurketa golik gabe berdinduta heldu da atsedenaldira (0-0).
Aldageletatik pasatzea ondo etorri zaio Osasunari, bigarren zatiari bikain ekin baitio. Gorritxoek gola sartu dute 48. minutuan: Unai Garciak jarri du 0-1ekoa markagailuan, Mojicak erdiratutako baloia boleaz jo eta Valles atezaina gaindituta.
Pozak, ordea, ez dio asko iraun Osasunari, gola sartu eta hiru minutu beranduago Kirianek banakoa egin baitu (1-1): Las Palmaseko kapitainak boleaz egindako errematea ezin izan du gelditu Herrerak.
Jagoba Arrasatek zuzendutako taldeak ondo erantzun dio jasotako golari, eta Unai Garciak gertu izan du bigarren gola 61. minutuan, baina haren bolea kanpora joan da oraingoan.
Zoramenaren ondoren iritsi da barealdia. Unai Garciaren abagunearen ostean bi taldeetako batek ere ez du gola sartzeko aukera argirik eduki, eta norgehiagoka berdinduta amaitu da (1-1).
Fitxa teknikoa:
1. Las Palmas: Alvaro Valles; Alex Suarez (Benito, 89. min), Saul Coco, Mika Marmol, Sergi Cardona; Javi Muñoz, Kirian, Loiodice (Campaña, 77. min); Marvin Park (Julian Araujo, 77. min), Marc Cardona (Sandro, 65. min) eta Moleiro (Munir, 65. min).
1. Osasuna: Sergio Herrera; Areso (Arguibide, 74. min), Unai Garcia, Catena, Herrando, Mojica; Aimar, Moncayola (Iker Muñoz, 63. min), Moi Gomez (Ibañez, 74. min); Raul Garcia (Ruben Garcia, 63. min) eta Budimir (Kike Barja, 91. min).
Golak: 0-1, 48. min: Unai García. 1-1, 51. min: Kirian.
Epailea: Jose Luis Munuera Montero. Txartel horiak etera dizkie Alex Suarez (49. min) eta Saul Coco (93. min) Las Palmaeko jokalariei, baita Moncayola (45. min) Osasunako futbolariari ere.
Zure interesekoa izan daiteke
Asier Osambela: "Hemendik goraka joaten saiatu behar gara"
Asier Osambela pozarren agertu da Osasunak Rayo Vallecano 1-3 menderatu ondoren. Dena den, jokalari nafarrak azpimarratu du, garaipenak poza eman badie ere, orain inoiz baino gehiago, lanean jarraitu behar dutela.
Osasunak 9 hilabeteko lehortea hautsi du etxetik kanpo Rayo garaituta (1-3)
Ligan 10 jardunaldi jarraian irabazi gabe egon ondoren, talde gorritxoa Iñigo Perezen taldeari gailendu zaio Budimir, Jozhua (bere atean) eta Asier Osambelaren golei esker.
Alessio Lisci: "Raul oso gustuko dugu, eta zorionez ekarri ahal izan dugu"
Bestalde, Rayoren aurka "oldarkorra izan nahi duen Osasuna, partidan egon nahi duen taldea" ikusi nahi duela, adierazi du entrenatzaile erromatarrak.
Raul Moro: “Ondo jarraitzeko eta taldeari eta klubari laguntzeko zereginarekin nator”
Raul Morok 2031ra arte fitxatu du Osasunarekin. Ajaxeko jokalari ohiak prentsaurrekoa eman du Braulio Vazquezekin batera, eta bere ustez egon behar duen lekuan dagoela adierazi du.
Osasunak Raul Moro fitxatu du, 2031ra arte
Jokalari kataluniarra Ajax taldean aritu da denboraldi honetan, baina ia ez du jokatu. Iruñeko klubak bost milioi euro ordaindu ditu, eta futbolariaren etete klausula 50 milioikoa izango da.
Aimar Oroz: "Asko sufritu dugu, baina azkenean irabazi egin dugu, eta hori da garrantzitsuena"
Aimar Oroz pozarren agertu da Osasunak Oviedo 3-2 menderatu eta gero. Edonola ere, jokalari nafarrak adierazi du gorritxoak ez direla eroso egon eta asko kostatako garaipena izan dela, markagailuan atzetik joan baitira.
Osasunak bi aldiz irauli du markagailua Oviedori irabazteko (3-2)
Bi aldiz berdindu behar izan dute markagailua gorritxoek, Budimirren bi golekin, eta Victor Muñozek luzapenean sartu du Osasunari garaipena eman dion gola.
Alessio Lisci: "Lehengo eguneko partidak ez du arrastorik utzi behar"
Osasunako entrenatzaileak larunbatean, EA Sports Ligako 20. jardunaldian, Oviedoren aurka jokatuko duten partidari buruz hitz egin du.
Braulio Vazquez, Osasunako kirol zuzendaria: "Plantilla berriztatu beharko genuke; printzipioz ez dago irteerarik"
Braulio Vazquezek agerraldia egin du prentsaurrekoan, eta talde gorritxoak etorkizunerako dituen asmoen berri eman du. Izenik eman ez duen arren, argi utzi du asmoa egungo plantilla hobetzea dela.
Jorge Herrando, Osasunarekin kontratua berritu duela iragarri ostean: "Jokatzeko eta nire lana erakusteko gogotsu nago"
Osasunarekin 2030era arte kontratua berritu duela iragarri ostean, Jorge Herrandok prentsaurrekoa eman du talde gorritxoan izango duen etorkizunaz hitz egiteko.