Osasunak irabazi egin dio Cadizi (2-0), eta bigarren garaipena jarraian bereganatu du
Osasunak 2-0 irabazi dio Cadizi, larunbat honetan, otsailaren 17an, Sadarren jokatutako EA Sports Ligako 25. jardunaldiko partida, eta gorritxoek bigarren garaipena jarraian bereganatu dute. Horrenbestez, Jagoba Arrasatek zuzendutako taldeak 32 puntu ditu jada, eta 11. postuan dago, jaitsiera postuetatik urrun.
Hasieran, erritmo bizia izan du norgehiagokak, eta lehen abisua Cadizek eman du Faliren errematearekin (Sergio Herrera atezainak gelditu du). Ondoren, 12. minutuan, Orozek izan du Osasunarentzat gola sartzeko aukera, baina area barrutik egindako jaurtiketa kanpora joan da.
Gero, moteldu egin da erritmoa. Bi taldeei asko kostatu zaie abagune argiak sortzea; hala ere, Andaluziako taldeak izan du atsedenaldira heldu aurreko gol aukera onena; Chris Ramosek, ordea, barkatu egin du aurkariaren ate aurrean, jaurtiketa kaskarra eginda. Gainera, lehen zatiko azken jokaldian, Cadizek berriz barkatu du, Merek area txikitik egindako errematearen ostean baloia langa gainetik kanpora joan baita.
Bigarren zatiaren hastapenean, bi taldeetako bat ere ez da gai izan neurketa kontrolpean edukitzeko. Lehen 15 minutuetan, ez da gol aukerarik egon, baina Osasunak gola sartu du aurkariaren ate inguruan izan duen lehen abagunean; 63. minutuan, Budimirrek 1-0ekoa jarri du markagailuan, Ruben Garciaren erdiraketa errematatu eta Ledesma atezaina gaindituta.
Gola sartuta, kontrolpean izan du neurketa Osasunak. Gorritxoei kostatu egin zaie abaguneak sortzea, baina are gehiago aurkariari. Cadiz ezinean ibili da, eta 91. minutuan, etxeko taldeak lehia erabakita utzi du; Budimir izan da golegilea (2-0). Osasunako aurrelaria bakarrik geratu da Ledesma atezainaren aurrean, Aresoren pasea jasota, eta ez du barkatu.
Amaieran, gorritxoek poltsikoratu dituzte hiru puntuak (2-0).
Fitxa teknikoa:
2 – Osasuna: Herrera; Peña (Areso, 60. min), David Garcia, Herrando, Mojica (Juan Cruz, 67. min); Moncayola, Iker Muñoz (Pablo Ibañez, 60. min), Aimar (Torro, 78. min); Ruben Garcia (Barja, 78. min), Budimir, Moi Gomez.
0 – Cadiz: Ledesma, Zaldua (Alejo, 46. min), Chust, Mere (Guardiola, 76. min), Pires; Fali; Navarro (Machis, 73. min), Alcaraz, Escalante (Samassekou, 65. min), Ramos (Maxi Gomez, 65. min); Juanmi.
Golak: Budimir, 1-0 (63. min). Budimir, 2-0 (91. min).
Epailea: Francisco Jose Hernandez Maeso. Txartel horia atera die Mojica, Oroz eta Pablo Ibañez Osasunako jokalariei, baita Zaldua eta Pires Cadiz taldeko futbolariei ere.
Zure interesekoa izan daiteke
Osasunak puntu bat lortu du Mallorcaren aurka, azken hasperenean partida iraulita (2-2)
Talde gorritxoak azken minutuan irauli du markagailua Malllorcaren aurka, 2-2 berdinduz, 89. minutura arte 0-2 galtzen joan ostean. Kike Barjak egin du lehen gola, 89. minutuan, eta Budimirrek berdinketa ezarri du 93.ean, epaileak jokalari bi kanporatu izanak markatu duen partidan.
Alessio Lisci: "Mallorcaren aurkako partida oso garrantzitsua da"
Osasunako entrenatzaileak prentsaurrekoa eman du bihar Mallorcaren aurka jokatuko duten partidaren atarian. "Gogo handia dugu, partida oso garrantzitsua da, finalaren tankera duen neurketa", azpimarratu du. "Irabaziz gero, ez ginateke matematikoki salbatuta egongo, baina bai birtualki", adierazi du.
Braulio Vazquez: “Egon nahi dudan lekuan nagoela erakutsi dut, zoriontsu naizen lekuan”
Braulio Vazquez aurkeztu dute Osasunako kirol zuzendari 2029ra arte. Galiziarra Osasunan kirol zuzendari gisa denbora gehien egon den gizona izango da. Prentsaurrekoan adierazi duenez, "hori niretzat harro egoteko modukoa da", eta klub garrantzitsuen aukerak izan dituela gaineratu du.
Braulio Vazquez kirol zuzendariak Osasunarekin berritu du, 2029ra arte
Jose Antonio Prieto Cata futbol profesionaleko idazkari teknikoak ere sinatu du berritzea Nafarroako klubarekin. Braulio 2017an iritsi zen Osasunara, eta kargua bere gain hartu zuenetik, talde gorritxoa Lehen Mailara igo zen 2019an, sei aldiz eutsi dio mailari, Errege Kopako final bat jokatu du, eta Konferentzia Ligan ere izan da.
Lisci: "Agian 0-0eko partida izan da, baina futbolean golak sartu behar dira"
Osasunako entrenatzaileak partida amaitu ostean emandako prentsaurrekoan adierazi duenez, igande honetan Valentziaren aurka Mestallan jokatu duten neurketa "agian" 0-0ekoa izan da, eta ez 1-0ekoa, baina "futbolean golak sartu behar dira".
Osasunak atera jaurti gabe galdu du Valentziaren aurka (1-0)
Arrisku gutxiko partida izan da bi aldeetatik, eta Ramazanik penaltiz egin duen gola izan da atera egin duten jaurtiketa bakarra.
Moncayola: "Gaur erakutsi dugu taldea ondo dagoela, liderren aurka garaipen borobila lortuta"
Jon Moncayola Osasunako jokalariaren adierazpenak, EA Sports Ligako 25. jardunaldiko partidan Real Madril 2-1 garaitu ostean.
Raul Garciak azken minutuetan sartutako gol bikainak garaipena eman dio Osasunari Real Madrilen aurka (2-1)
Lehenengo gola Budimirrek egin du lehen zatian, penaltiz. Bigarrenezn, Viniciusek banakoa egin du 73. minutuan, eta, luzapenean, Raul Garciak garaipena eman die nafarrei.
Lisci: "Real Madrilen aurkako partidetan Sadarreko giroa ikaragarria izaten dela esan didate"
Real Madrilen aurkako neurketa jokatu aurreko prentsaurrekoan esan duenez, Osasunako entrenatzaileak badaki Madrilgo taldearen aurkako partidetan Sadarren giro "ikaragarria" izaten dela.
Alessio Lisci: "Talde batek irabaztekotan, Elxek irabazi behar zuen"
Osasunako entrenatzaileak Elxen aurkako berdinketaz (0-0) hitz egin du EA Sports Ligako 24. jardunaldian. (Adierazpenak gazteleraz)