Osasunak, nahi eta ezin Betisen kontra (4-1)
Betisek eta Osasunak Santander Ligako 30. jardunaldiko partida jokatu dute Benito Villamarin futbol-zelaian.
Andaluziarrek merezimenduz lortu dituzte hiru puntuak. Lehen zatian Juanmi Jimenez golegileak lehenengo biak egin ditu, aurrenekoa 34. minutuan eta bigarrena lehen zatiko luzapenean; beraz, atsedenaldira 2-0eko emaitzarekin heldu da neurketa.
Bigarren zatian nafarrak partidan sartu dira Ante Budimirrek egindako golarekin, 64. minutuan sartu du 2-1ekoa aurrelari nafarrak. Halere, nahi eta ezin ibili da gaurkoan Jagoba Arrasateren taldea.
William Carvalhok hirugarrena egin du (3-1) partida erabakita utziz eta laugarren eta azkena Alex Morenok (4-1). Are barruan sartu da nahi izan duen bezala eta gol ikusgarria egin du Betiseko jokalariak.
FITXA TEKNIKOA
4 - Betis: Claudio Bravo; Bellerin, Bartra, Victor Ruiz, Alex Moreno (Sabaly, 91'), Guido Rodriguez, William Carvalho; Aitor Ruibal (Rodri, 76'), Joaquin (Guardado, 80'), Juanmi (Raul, 91'); eta Willian Jose.
1 - Osasuna: Sergio Herrera; Nacho Vidal (Kike Garcia, 69'), David Garcia, Juan Cruz (Aridane, 46'), Manu Sanchez (Cote, 46'); Moncayola, Torro, Darko Brasanac (Javi Martinez, 69'); Chimy Avila, Budimir eta Ruben Garcia (Roberto Torres, 80').
Golak:
1-0, 34': Juanmi.
2-0, 46': Juanmi.
2-1, 65': Budimir.
3-1, 82': William Carvalho.
4-1, 88': Álex Moreno.
Zure interesekoa izan daiteke
Moi Gomez Osasunako jokalariak lesioa du bizeps femoralean
Talde gorritxoak ez du zehaztu zenbat denbora egongo den bajan. Erdilari gorritxoak minduta bukatu zuen Alavesen kontrako partida.
Moncayola: “Ez da gure eguna izan, akats asko egin ditugu”
Jon Moncayolak onartu du Osasunak akats asko egin dituela eta bost gol sartuta oso zaila dela Lehen Mailan puntuak batzea.
Luis Miguel Ramis: “Partida parekatua izango dela uste dut"
Alavesek eta Osasunak igandean neurtuko dituzte indarrak Mendizorrotzan, oso derbi parekatuan. Bi taldeak defentsan sendotasuna erakutsita iritsiko dira hitzordu honetara, lehen hiru jardunaldietan gol bakarra jaso baitute. Gainera, Romain Del Castillok debuta egiteko aukera izango du, talde gorritxoarekin bat egin berritan.
Osasunak Rockson eta Del Castillo aurkeztu ditu, Sadarren
Nafarroako taldeak ondo ekin dio EA Sports Ligari; izan ere, jokoan izan diren aurreneko bederatzi puntuetatik, zazpi bereganatu ditu. Ostegunean, bi jokalari berri hauen aurkezpena egin du.
Osasunak Romain Del Castillo aurrelaria fitxatu du
Del Castillo, 30 urtekoa bera, Brest taldetik iritsi da Osasunara, alegia, Frantziako Ligatik. Nafarroako klubak milioi bat euro ordaindu du jokalaria fitxatzeko, baina, hainbat aldagai beteta, beste 450.000 euro ere ordain litzake. Futbolariak bi denboraldirako sinatu du, eta beste denboraldi batez luza dezake.
Sergio Herrera: “Pozik eta konfiantza handiarekin egon behar dugu”
Osasunak 1-0 irabazi dio Getaferi. Sergio Herrerak azaldu duenez, "Getafe ez da talde erraza", baina Ruben Garciak, bere aldetik, "ondo defendatu" dituztela adierazi du eta lortutakoaz harro agertu dira biak. (Bideoa gazteleraz)
Budimirrek Osasunaren garaipena sinatu du Getaferen aurka (1-0)
Osasunak denboraldi hasiera onari eustea lortu du Getaferen aurka, Sadarren, eta, partida parekatua izan arren, garaitezin jarraitzea lortu du.
Luis Miguel Ramis: “Getaferen proposamena oso argia da eta oso ondo islatzen dute"
Luis Miguel Ramis entrenatzaileak badaki talde indartsua izango dutela aurrean, ideiak oso argi dituena, baina Osasuna etxean Getaferen aurka lehen garaipena lortzeko prest dago, horren ustez.
Ramis: “Oso garrantzitsua zen etxetik kanpo indartsu lehiatu gaitezkeenaren sentsazioa izatea”
Osasunak markagailua irauli du Celtaren aurka, denboraldiko lehen garaipena lortuz (1-2). Luis Miguel Ramisek azpimarratu du garaipen hori merezi zutela, bat gehiagorekin egoteak abantaila eman dien arren. (Bideoa gazteleraz)
Osasunak markagailua irauli eta garaipena eskuratu du Balaidosen
Aspasek aurretik jarri ditu etxekoak, baina Marcos Alonsoren kanporaketak partida aldatu du eta Barjak eta Budimirrek markagailua irauli dute.