Osasunak galdu egin du Celtaren aurka
Osasunak galdu egin du Celtaren aurka (2-0) asteazken honetan Balaidosen jokatu duen Santander Ligako 21. jardunaldiko partida. Vigo taldeak (26 puntu) Nafarroakoa (25 puntu) gainditu du sailkapenean.
Erritmo bizia izan du neurketak hasierako minutuetan. Lehen abagunea Osasunak izan du, baina Budimir ez da errematea egitera iritsi oso gutxigatik. Ondoren, talde gorritxoak oparia egin dio Celtari baloia Iago Aspasi oparituta, baina Sergio Herrera erne egon da eta baloia aldendu du areatik irtenda. Bederatzigarren minutuan gola sartzetik gertu egon da Osasuna; Nacho Vidalek hegaletik erdiratu, eta Budimirren errematea langara joan da.
Lehen ordu laurdenaren ostean, neurketaren erritmoa moteldu egin da. Lehia parekatua izan da, baina 25. minututik aurrera Celta hasi da nagusi izaten. Gauzak horrela, Vigoko taldeak gola sartu du 29. minutuan; Cervik area barruan jaso du baloia, pasea eman du atzera, eta Hugo Mallok 1-0ekoa jarri du markagailuan Sergio Herrera atezaina gaindituta.
Norgehiagokako lehen golaren ostean, etxeko taldea izan da jaun eta jabe. Osasunari min egin dio aurkariak sartutako golak, eta ezinean ibili da lehen zatiaren amaieran. Celtak erasora jo du, eta Santi Minak gola sartu du (2-0) 37. minutuan, Aspasen pasea baliatuta.
Desabantaila murrizteko helburuarekin zelairatu da Osasuna bigarren zatian. Jagoba Arrasatek zuzentzen duen taldeak erasokor jokatu du, baina Celta ondo ibili da defentsako lanean. Abagunea izan du talde gorritxoak 60. minutuan; Ruben Garciak erdiraketa egin du, Budimirrek jo du baloia lehen zutoinean, eta Dituro atezainak aurrea hartu dio Kike Barjari, Osasunako jokalariak errematea egitea eragotzita.
Neurketaren azken txanpan, Celtak beste golen bat sartu nahi izan du kontraerasoren baten bidez, eta Osasuna azkenera arte saiatu da. Hala ere, bi taldeetako batek ere ez du abagunerik sortu azken minutuetan, eta hiru puntuak Vigo taldeak erdietsi ditu.
Fitxa teknikoa:
2 - Celta: Dituro; Hugo Mallo, Aidoo, Araujo, Javi Galan; Beltrán (Okay Yokuslu, 78. min); Brais Mendez (Solari, 69. min), Denis Suarez (Tapia, 59. min), Cervi (Nolito, 78. min); Aspas eta Mina (Galhardo, 69. min).
0 - Osasuna: Sergio Herrera; Nacho Vidal, Dufur, Juan Cruz, Cote (Roberto Torres, 78. min); Torró (Chimy Avila, 68. min); Barja (Manu Sanchez, 78. min), Darko, Moncayola, Ruben Garcia (Benito, 78. min); Budimir (Kike Garcia, 68. min).
Golak: 1-0 Hugo Mallo, 29. min; 2-0 Santi Mina, 37. min.
Epailea: Cordero Vega. Txartel horiak atera dizkie Javi Galan (31. min), Benito (84. min) eta Nacho Vidal (92. min) jokalariei.
Zure interesekoa izan daiteke
Moi Gomez Osasunako jokalariak lesioa du bizeps femoralean
Talde gorritxoak ez du zehaztu zenbat denbora egongo den bajan. Erdilari gorritxoak minduta bukatu zuen Alavesen kontrako partida.
Moncayola: “Ez da gure eguna izan, akats asko egin ditugu”
Jon Moncayolak onartu du Osasunak akats asko egin dituela eta bost gol sartuta oso zaila dela Lehen Mailan puntuak batzea.
Luis Miguel Ramis: “Partida parekatua izango dela uste dut"
Alavesek eta Osasunak igandean neurtuko dituzte indarrak Mendizorrotzan, oso derbi parekatuan. Bi taldeak defentsan sendotasuna erakutsita iritsiko dira hitzordu honetara, lehen hiru jardunaldietan gol bakarra jaso baitute. Gainera, Romain Del Castillok debuta egiteko aukera izango du, talde gorritxoarekin bat egin berritan.
Osasunak Rockson eta Del Castillo aurkeztu ditu, Sadarren
Nafarroako taldeak ondo ekin dio EA Sports Ligari; izan ere, jokoan izan diren aurreneko bederatzi puntuetatik, zazpi bereganatu ditu. Ostegunean, bi jokalari berri hauen aurkezpena egin du.
Osasunak Romain Del Castillo aurrelaria fitxatu du
Del Castillo, 30 urtekoa bera, Brest taldetik iritsi da Osasunara, alegia, Frantziako Ligatik. Nafarroako klubak milioi bat euro ordaindu du jokalaria fitxatzeko, baina, hainbat aldagai beteta, beste 450.000 euro ere ordain litzake. Futbolariak bi denboraldirako sinatu du, eta beste denboraldi batez luza dezake.
Sergio Herrera: “Pozik eta konfiantza handiarekin egon behar dugu”
Osasunak 1-0 irabazi dio Getaferi. Sergio Herrerak azaldu duenez, "Getafe ez da talde erraza", baina Ruben Garciak, bere aldetik, "ondo defendatu" dituztela adierazi du eta lortutakoaz harro agertu dira biak. (Bideoa gazteleraz)
Budimirrek Osasunaren garaipena sinatu du Getaferen aurka (1-0)
Osasunak denboraldi hasiera onari eustea lortu du Getaferen aurka, Sadarren, eta, partida parekatua izan arren, garaitezin jarraitzea lortu du.
Luis Miguel Ramis: “Getaferen proposamena oso argia da eta oso ondo islatzen dute"
Luis Miguel Ramis entrenatzaileak badaki talde indartsua izango dutela aurrean, ideiak oso argi dituena, baina Osasuna etxean Getaferen aurka lehen garaipena lortzeko prest dago, horren ustez.
Ramis: “Oso garrantzitsua zen etxetik kanpo indartsu lehiatu gaitezkeenaren sentsazioa izatea”
Osasunak markagailua irauli du Celtaren aurka, denboraldiko lehen garaipena lortuz (1-2). Luis Miguel Ramisek azpimarratu du garaipen hori merezi zutela, bat gehiagorekin egoteak abantaila eman dien arren. (Bideoa gazteleraz)
Osasunak markagailua irauli eta garaipena eskuratu du Balaidosen
Aspasek aurretik jarri ditu etxekoak, baina Marcos Alonsoren kanporaketak partida aldatu du eta Barjak eta Budimirrek markagailua irauli dute.