Osasunak garaipena lortu du Lugoren aurka azken hasperenean
Osasunak garaipen garrantzitsua lortu du Lugoren aurka (1-0) Sadarren, Bigarren Mailako 16. jardunaldian. Talde gorritxoak 25 puntu ditu, eta playoff postuetatik bi puntura dago.
Jagoba Arrasatek zuzentzen duen taldea nagusi izan da lehen zatian. Baloiaren jabe izan da talde gorritxoa eta hainbat abagune sortu ditu. Bigarren minutuan izan du lehena, baina Roberto Torresen errematea kanpora joan da aurkari batengan jo ostean. Lugok erantzun egin du gutxigatik kanpora joan den Herreraren falta jaurtiketa baten bitartez. Ondoren, 13. minutuan, Juan Carlos atezainak Osasunaren gola eragotzi du, Juan Villarren erremate on bati erantzun paregabea emanda. Juan Villarri gora joan zaio beste aukera bat, 27. minutuan.Nagusi zen etxeko taldea, baina 31. minutuan, Lugok aurrea hartzeko abagunea izan du; Lazo bakarrik geratu da Ruben atezainaren aurrean area barruan, eta jaurtiketa kanpora bota du, oso gutxigatik. Atsedenaldirako 10 minutu falta zirenean, Juan Villarren jaurtiketa ona, gora joan da. Lehen zatia amaitu baino lehen, Ruben Osasunako atezainak talde galiziarraren gola eragotzi du Escricheren jaurtiketa desbideratuta.
Bigarren zatia parekatuagoa izan da, baita abagune gutxiagokoa. Bi taldeei asko kosta zaie gola sartzeko aukerak sortzea. Neurketako 58. minutuan Lugok abagune bikaina izan du, baina Ruben atezainak eragotzi egin du galiziarren gola. Gorritxoen erantzuna 76. minutuan heldu da Juan Villarrek gora bidali duen jaurtiketarekin. Jagoba Arrasatek zuzentzen duen taldeak abagune bikoitza izan du 88. minutuan; Juan Carlos atezainak ondo erantzun dio Nacho Vidalen lehen jaurtiketari eta bigarrena kornerrera desbideratu du. Korner horretan, baloia solte geratu da area barruan eta Iñigo Perezek sare barrura bultzatu du, 1-0ekoa sartuta. Luzapenean, Osasunak ez du emaitzari eusteko arazorik izan, eta garaipena eskuratu du.
Fitxa teknikoa:
1 - Osasuna: Ruben; Lillo, Unai Garcia, Aridane (Iñigo Perez, m.46), Clerc; Oier, Fran Merida; Ruben Garcia, Roberto Torres, Kike Barja (Nacho Vidal, 68. min); eta Juan Villar (Xisco, 79. min).
0 - Lugo: Juan Carlos; Campabadal, Vieira, Malagon, Kravets; Iriome (Sergio Gil, 87. min), Seoane, Azeez, Lazo; Escriche (Juan Muñiz, 82. min) eta Herrera (Jona, 65. min).
Gola: 1-0, m.90: Iñigo Perez.
Epailea: Varon Aceiton. Txartel horiak atera dizkie Aridane (39. min), Juan Villar (77. min), Escriche (35. min) eta Kravets (69. min) jokalariei.
Zure interesekoa izan daiteke
Luis Miguel Ramis: “Getaferen proposamena oso argia da eta oso ondo islatzen dute"
Luis Miguel Ramis entrenatzaileak badaki talde indartsua izango dutela aurrean, ideiak oso argi dituena, baina Osasuna etxean Getaferen aurka lehen garaipena lortzeko prest dago, horren ustez.
Ramis: “Oso garrantzitsua zen etxetik kanpo indartsu lehiatu gaitezkeenaren sentsazioa izatea”
Osasunak markagailua irauli du Celtaren aurka, denboraldiko lehen garaipena lortuz (1-2). Luis Miguel Ramisek azpimarratu du garaipen hori merezi zutela, bat gehiagorekin egoteak abantaila eman dien arren. (Bideoa gazteleraz)
Osasunak markagailua irauli eta garaipena eskuratu du Balaidosen
Aspasek aurretik jarri ditu etxekoak, baina Marcos Alonsoren kanporaketak partida aldatu du eta Barjak eta Budimirrek markagailua irauli dute.
Ramis, Celtaren aurkako partidari buruz: “Etxetik kanpo garaipena lortzeko gogoz goaz”
Luis Miguel Ramis Osasunaren entrenatzaileak gorritxoek ostegun honetan Celtaren aurka jokatuko duten partidaren analisia egin du prentsaurrekoan.
Ramis, zaleen txistuei buruz: “Horrek ez gaitzala kikildu”
Luis Miguel Ramis Osasunaren entrenatzaileak prentsaurrekoa eman du Levanteren aurkako berdinketa aztertzeko. Halaber, zale gorritxoen txistuen inguruan ere mintzatu da.
Osasunak estutu du, baina ez du gola aurkitu
Talde gorritxoa Levante baino gehiago izan da neurketan, baina ez du asmatu eta, nagusi izan arren, ez du garaipenik lortu.
Ramis, LaLigako egutegiarekin haserre: “Ez dakit lehen jardunaldia edo bigarrena ikusten ari naizen, ez da normala"
Osasunako entrenatzailea etsita agertu da Osasunak Levanteren aurka jokatuko duen partidaren atarian, LaLigako lehen bi jardunaldiekin dagoen nahasmenarekin. Talde batzuek bi partida jokatu dituzte jada, Osasunak bat ere ez, eta astebetean hiru jokatu beharko ditu.
Luis Miguel Ramis: “Osasuna irabazle bat nahi dut”
Osasunaren entrenatzaile berria lahiaketa hasteko irrikitan dago. Iragan igandean Osasunak Celtarekin jokatu ez zuenez, denboraldiaurreko aste bat gehiago izan dute, eta ondo etorri zaiela esan du. Sadarreko giroa bertatik bertara bizi nahi duela ere esan du, eta, aldi berean, zein Osasuna ikustea nahi duen azaldu du. Azkenik, Luis Miguel Ramisek mezu bat bidali die Osasunako zaleei. (Bideoa, gazteleraz).
Iker Benitok Queretaron jokatuko du
Mirandako jokalariak etapa berri bati ekingo dio Mexikon 2027ko abuztuaren 31ra arte.
Luis Sabalza, Celta-Osasuna partidari buruz: “Zer nahi duzu egitea? Ez jokatzea? "
Celta-Osasuna partida atzera buruz hitz egin du Osasunako presidenteak, taldeak Javierrera LaLiga hasi aurreko lore-eskaintza egiteko egin duen bisitaren ondorengo uneetan.