Osasunak Teneriferi irabazi eta hirugarren garaipena jarraian eskuratu du
Osasunak 2-0 irabazi dio Teneriferi Sadarren eta talde gorritxoak bolada onari eutsi dio. Nafarroako taldeak 22 puntu ditu, eta 6 puntura du igoera zuzena ematen duen bigarren postua.; liderra, 7 puntura.
Erasokor eta baloiaren jabe izanda ekin dio neurketari Osasunak eta 4. minutuan izan du lehen abagunea; Juan Villarrek, ordea, kanpora bidali du errematea Clercen erdiraketa on baten ostean. Lehen abagunean ez asmatu ondoren, 10. minutuan, Juan Villarrek berak sartu du talde gorritxoaren lehen gola (1-0). Ruben Martinez Osasunako atezainak buruz-burukoa salbatu du, eta hurrengo jokaldian etorri da talde gorritxoaren gola. Jagoba Arrasatek zuzentzen duen taldea jaun eta jabe izan da lehen zatian, eta 19. minutuan beste aukera argi bat izan du; Dani Hernandez atezainak erantzun bikaina eman dio asko itxi den erdiraketari, eta Fran Meridaren jaurtiketa atezainaren eskuetara joan da. Atsedenaldira iritsi orduko, talde gorritxoak abagune argia izan du, baina Ruben Garcia ez da gola sartzeko gai izan. Azken jokaldian, ordea, baloia solte geratu da area barruan korner erdiraketa baten ostean, eta Oierrek 2-0ekoa sartu du, jaurtiketa sare barrura bidalita.
Bigarren zatiko lehen minutuetan hiru abagune izan ditu Osasunak; Dani Hernandez atezainak erantzun bikaina eman dio Roberto Torresen jaurtiketari, geroago, Ruben Garciaren jaurtiketa gora joan da gutxigatik, eta Roberto Torresek berak ez du errematea gutxigatik sare barrura bidali. Ondoren, 58. minutuan, Teneriferen erantzuna etorri da, baina Malbasicek ez du atezainaren aurrean asmatu. Ruben atezain gorritxoak Teneriferen gola eragotzi du Malbasicen errematea geldituta. Tenerifek erasora jo du bigarren zatian, eta norgehiagokako 70. minutuan, Juan Villar ez da gai izan gola sartzeko Osasunak lotu duen jokaldi on baten ostean. Zazpi minutu beranduago, talde bisitariak abagune itzela izan du, baina Malbasicek zutoinera bidali du errematea. Tenerifek erasora jo du azken minutuetan eta Osasunak lehia guztiz erabakita uzteko aukerak izan ditu. Neurketako 84. minutuan, Dani Hernandez atezainak beste gol bat eragotzi du Daviden errematea bikain desbideratuta, eta, zelairatu berria zen jokalariaren beste jaurtiketa bat, ondo harrapatu du talde bisitariko atezainak. Hala ere, amaieran, Osasunaren garaipena (2-0).
Fitxa teknikoa:
2 - Osasuna: Ruben; Lillo, Unai Garcia, Aridane, Clerc; Oier, Fran Merida; Ruben Garcia, Roberto Torres (Luis Perea, 78. min), Kike Barja (Nacho Vidal, 68. min); eta Juan Villar (David Rodriguez, 83. min).
0 - Tenerife: Dani Hernandez; Luis Perez, Aveldaño, Carlos Ruiz, Camille; Undabarrena (Javi Alonso, 85. min), Luis Milla; Tyronne (Suso, 51. min), Naranjo, Joao (Borja, 74. min); eta Malbasic.
Golak: 1-0, 10. min: Juan Villar. 2-0, 47. min: Oier.
Epailea: Lopez Toca. Txartel horiak atera dizkie Oier (53. min) eta Aridane (90. min) Osasunako jokalariei, baita Naranjo (41. min) eta Aveldaño (45. min) Tenerifeko futbolariei.
Zure interesekoa izan daiteke
Luis Miguel Ramis: “Getaferen proposamena oso argia da eta oso ondo islatzen dute"
Luis Miguel Ramis entrenatzaileak badaki talde indartsua izango dutela aurrean, ideiak oso argi dituena, baina Osasuna etxean Getaferen aurka lehen garaipena lortzeko prest dago, horren ustez.
Ramis: “Oso garrantzitsua zen etxetik kanpo indartsu lehiatu gaitezkeenaren sentsazioa izatea”
Osasunak markagailua irauli du Celtaren aurka, denboraldiko lehen garaipena lortuz (1-2). Luis Miguel Ramisek azpimarratu du garaipen hori merezi zutela, bat gehiagorekin egoteak abantaila eman dien arren. (Bideoa gazteleraz)
Osasunak markagailua irauli eta garaipena eskuratu du Balaidosen
Aspasek aurretik jarri ditu etxekoak, baina Marcos Alonsoren kanporaketak partida aldatu du eta Barjak eta Budimirrek markagailua irauli dute.
Ramis, Celtaren aurkako partidari buruz: “Etxetik kanpo garaipena lortzeko gogoz goaz”
Luis Miguel Ramis Osasunaren entrenatzaileak gorritxoek ostegun honetan Celtaren aurka jokatuko duten partidaren analisia egin du prentsaurrekoan.
Ramis, zaleen txistuei buruz: “Horrek ez gaitzala kikildu”
Luis Miguel Ramis Osasunaren entrenatzaileak prentsaurrekoa eman du Levanteren aurkako berdinketa aztertzeko. Halaber, zale gorritxoen txistuen inguruan ere mintzatu da.
Osasunak estutu du, baina ez du gola aurkitu
Talde gorritxoa Levante baino gehiago izan da neurketan, baina ez du asmatu eta, nagusi izan arren, ez du garaipenik lortu.
Ramis, LaLigako egutegiarekin haserre: “Ez dakit lehen jardunaldia edo bigarrena ikusten ari naizen, ez da normala"
Osasunako entrenatzailea etsita agertu da Osasunak Levanteren aurka jokatuko duen partidaren atarian, LaLigako lehen bi jardunaldiekin dagoen nahasmenarekin. Talde batzuek bi partida jokatu dituzte jada, Osasunak bat ere ez, eta astebetean hiru jokatu beharko ditu.
Luis Miguel Ramis: “Osasuna irabazle bat nahi dut”
Osasunaren entrenatzaile berria lahiaketa hasteko irrikitan dago. Iragan igandean Osasunak Celtarekin jokatu ez zuenez, denboraldiaurreko aste bat gehiago izan dute, eta ondo etorri zaiela esan du. Sadarreko giroa bertatik bertara bizi nahi duela ere esan du, eta, aldi berean, zein Osasuna ikustea nahi duen azaldu du. Azkenik, Luis Miguel Ramisek mezu bat bidali die Osasunako zaleei. (Bideoa, gazteleraz).
Iker Benitok Queretaron jokatuko du
Mirandako jokalariak etapa berri bati ekingo dio Mexikon 2027ko abuztuaren 31ra arte.
Luis Sabalza, Celta-Osasuna partidari buruz: “Zer nahi duzu egitea? Ez jokatzea? "
Celta-Osasuna partida atzera buruz hitz egin du Osasunako presidenteak, taldeak Javierrera LaLiga hasi aurreko lore-eskaintza egiteko egin duen bisitaren ondorengo uneetan.