Osasunak garaipen handia lortu du Malagaren aurka
Osasunak 2-1 irabazi dio Malagari Sadarren eta garaipena lortu du liderraren aurka. Andaluziako taldeak aurrea hartu du lehen zatian, baina Osasunak buelta eman dio emaitzari bigarren zatian.
Erritmo biziarekin eta baloiaren jabe izanda ekin dio neurketari talde gorritxoak, nahiz eta kosta egin zaion abaguneak sortzea lehen minutuetan. Brandonek izan du partidako lehen aukera, baina ezin baloia sare barrura sartu. Neurketako 21. minutuan, aldiz, Malagak gola sartu du izan duen lehen abagunean, Pauren bitartez (0-1). Falta bat baliatu du Malagak erdiraketa ona jarri eta Pauren errematea sare barrura bidaltzeko. Osasunak norgehiagoka berdintzeko aukera izan du 28. minutuan, baina Juan Villar ez da errematea egitera iritsi golaren zuloan egon denean. Bi taldeek abagune bana izan dute atsedenaldira iritsi orduko; Konek izan du aukera Malagarentzat, eta Juan Villarrek Osasunarentzat, baina bi taldeetako bat ere ez da gola sartzeko gai izan.
Bigarren zatia oso parekatua, lehiatua, polemikoa eta abagune gutxikoa izan da. Partidako 75. minutuan Malaga jokalari bat gutxiagorekin geratu da Blanco Leschuck egotzia izan baita bigarren txartel horia ikusita. Osasunak baliatu egin du jokalari bat gehiagorekin jokatzea, eta 79. minutuan berdinketaren gola sartu du talde gorritxoak Juan Villarren bitartez (1-1). Gola sartu ostean N'Diayek burua galdu du, eta epaileak egotzi egin du Malaga taldeko jokalaria. Liskarra izan da futbolarien artean, eta Osasunako Xiscok ere txartel gorria ikusi du. Jagoba Arrasatek zuzentzen duen taldea 10 jokalarirekin geratu da azken minutuei ekiteko, eta Malaga 9rekin. Partida berdintzeak konfiantza eman dio Osasunari, eta gorritxoek bigarren golaren bila jo dute. Lehiako 83. minutuan, Roberto Torresek aurretik jarri du Nafarroako taldea (2-1), faltaz gol ikusgarria sartuta. Azken minutuetan, kontrolpean izan du neurketa Osasunak, Juan Villarrek abagune argia izan du gorritxoen hirugarren gola sartzeko, baina ez du aurkariaren ate aurrean asmatu. Amaieran, Osasuna atera da garaile (2-1).
Fitxa teknikoa:
1 - Osasuna: Ruben; Lillo, Unai Garcia, Aridane (David Garcia, 77. min), Clerc; Roberto Torres, Fran Merida; Juan Villar, Ruben Garcia, Kike Barja (Nacho Vidal, 64. min), Brandon (Xisco, 64. min).
2 - Malaga: Munir; Ivan Rodriguez, Luis Hernández, Pau Torres, Ricca; Juanpi (Ontiveros, 36. min), N'Diaye, Adrian, Pacheco (David Lomban, 73. min) ; Blanco Leschuk eta Kone (Hector Fernandez, 61. min).
Golak: 0-1, 20. min: Pau. 1-1, 81. min: Juan Villar. 2-1, 83. min: Roberto Torres.
Epailea: Oliver de la Fuente Ramos. Txartel horiak atera dizkie Osasunako Juan Villar eta Xisco (txartel gorriarein egotzia izan da), eta, Malagako Ivan, Munir, Ricca, Lomban, Ontiveros, Adrian jokalariei. Gainera, egotzi egin ditu Blanco Leschuk (bi txartel horia) eta N'diaye (txartel gorria).
Zure interesekoa izan daiteke
Osasunak 2028ra arte lotu du Mauro Echegoyen, kontratua beste bi denboraldi luzatzeko aukerarekin
Jokalariaren etete-klausula sei milioira igo dute, eta 15 milioira iritsiko da lehen taldeko kide denean. Dagoeneko Murchanteko erdilariak urrian egin zuen debuta lehen taldearekin, Sant Jordiren aurka Kopako lehen kanporaketan.
Juan Cruz: “Ohorea eta harro egoteko modukoa izan da Osasunaren armarria defendatzea”
Atzelari madrildarrak Nafarroako kluba utzi du, azken sei denboraldiak Iruñean eman ostean. Agur esatean, nabarmendu du 2023ko Errege Kopako finala dela haren oroitzapenik bereziena, eta, halaber, taldekideekin eta Taxoaren egunero-egunero bizi izandakoa.
Braulio Vazquez: “Uste dut pizgarri bat behar genuela, katarsi bat"
"Ez dut barkamenik eskatuko 8 urtez lehen mailan mantentzeagatik, nortzuk garen jakin behar dugu. Ez dakit zenbat aldiz entzun dudan anbizio falta dagoela", aurpegiratu du kirol zuzendari gorritxoak denboraldi amaierako prentsaurrekoan. Bestalde, Kike Barja kapitainaren kontratu berritzea % 99ra itxitzat jo du.
Juan Cruzek ez du Osasunan jarraituko
Atzelariak sei denboraldi eman ditu Nafarroako klubean; Elxetik iritsi zen bertara. 164 partida jokatu ditu talde gorritxoan: “Bere lehen denboralditik, taldekideen eta zaleen errespetua eta maitasuna bereganatu zituen, eta balioak defendatzen jakin izan du”, nabarmendu du Iruñeko klubak.
Alessio Liscik Osasunako entrenatzailea izateari utzi dio
Nafarroako klubak astelehenean iragarri du italiarrak ez duela jarraituko taldea zuzentzen; Liscik beste urtebeterako kontratua zuen, Osasunarekin.
Catena: “Ez da izan espero genuen bezala, ezta nahi genuen bezala ere, baina Lehen Mailan gaude"
Osasunako jokalariak salbazioa lortu ondoren hitz egin du, nahiz eta Getaferen aurka galdu (1-0) EA Sports Ligako azken jardunaldian. Kritiko agertu da denboraldi amaieragatik, batez ere atzetik datozenei eragindako "sufrimenduagatik".
Osasunak galdu egin du Getaferen aurka, baina Lehen Mailan jarraituko du (1-0)
Porrotaren ondoren, aurkari zuzenen emaitzen zain geratu dira. Gironaren eta Elxeren arteko berdinketak mesede egin dio talde nafarrari, horri esker beste urtebetez Lehen Mailan jarraituko baitu.
Lisci: “Taldea zelaian hilko da”
Alessio Lisci Osasunako entrenatzaileak autokritika egin du eta adierazi du gaizki egin zutela pentsatuz 42 puntu bilduta nahikoa zela mailari eusteko. Edonola ere, taldea ondo dagoela eta Getaferen aurkako “finalean” gorritxoek dena emango dutela ziurtatu du.
Zer behar du Osasunak mailari eusteko?
Osasunak ez dauka ziurtatuta lehen mailan jarraitzea, eta Getaferen etxean jokatuko du ligako azken partida. Jose Bordalasen taldeak, berriz, Conference Ligan sartzea izango du lehian.
Ateak irekita entrenatuko du Osasunak ostiralean, Sadarren, 18:00etan, Getaferen aurkako partida erabakigarriaren aurretik
Osasunaren zaleek talde nafarrari bultzada emateko aukera izango dute, Coliseum estadioan jokatuko den partidaren bezperan; talde gorritxoak EA Sports Ligan eustea bilatuko du.