55 milioiko mailegu batek eta presidenteen dietek egoera nahasi dute

2009. urtean CAN Nafarroako Kutxak Osasunari ustez 55 milioiko maileagua eman ziola iragarri zuen osiralean Bilduk, klubeko agirietan horren arrastorik ez badago ere. Informazio horrek talde gorritxoaren inguruko egoera are gehiago nahastu du, azken egunetan azalpenik gabe egindako ordainketen eta partidak erostearen inguruko informazioei gehituta.

Halaber, Diario de Navarraren arabera, Osasuna zuzendu zuen batzorde kudeatzaileak ere azaldu gabeko ordainketak egin ziren. Eta beste hedabide batzuk atera dutenez, Patxi Izco eta Miguel Archanco presidente ohiek milaka euroko dietak kobratu zituzten Osasunako presidente izan ziren garaian.

Gauzak horrela, klubaren egoera gero eta ilunagoa da.