Osasunak garaipena lortu du Peña Sporten aurka
Osasunak denboraldi-aurreko bigarren garaipena lortu du Peña Sporti 0-1 irabazita. Asteartean Zaragozaren aurka 2-1 irabazita lortu zuen lehen garaipena talde gorritxoak, eta asteazken honetan bigarren partida irabaztea lortu du.
Partida Tafallan jokatu da, eta etxeko taldea izan da nagusi lehen minutuetan. Osasunak, ordea, azkar erantzun du, eta lehen 20 minutuetan bi taldeek gola sartzeko abaguneak izan dituzte. 22. minutuan, ordea, Osasunak sartu du gola. Ariel Nuñezek maisuki jaurti du falta, eta 0-1ekoa sartu du. Gola sartuta Osasuna izan da nagusi, eta abaguneak izan dituen arren ez da gola sartzeko gai izan. Lehen zatia 0-1eko emaitzarekin bukatu da.
Bigarren zatiko lehen minutuetan gogotsu zelairatu da Peña Sport, eta abagune argiren bat ere sortu du Tafallako taldeak. Minutua pasa ahala, ordea, Osasuna izan da nagusi, baina bigarren zatian ere Mendilibarrek zuzentzen dituen gizonak kamuts ibili dira aurkariaren ate aurrean. Azken minutuetan, partida berdintzen saiatu da Peña Sport, baina Osasuna sendo ibili da defentsako lanean, eta garaipena eskuratu dute gorritxoek (0-1).
Fitxa teknikoa:
0 - Peña Sport: Munarriz, Jimenez, Sito, Calvo, Maeztu, Castán, Garde, Toni, Eder, Uriz eta Igotz. Jokalari hauek ere jokatu dute: Ivan Garcia, Ramos, Iturralde, Chocarro, Gonzalo, Barace, Cristian Rey eta Soto.
1 - Osasuna: Asier Riesgo; Marc Bertran, Unai, Arribas, Joan Oriol; Loé (Oier, 46. min), Maikel; Sisi, Oriol Riera (Armenteros, 56. min), Yoel; eta Ariel Nuñez.
Gola: 0-1, 22. min: Ariel Nuñez.
Epailea: Alberto Castillejo.
Zure interesekoa izan daiteke
Moncayola: “Ez da gure eguna izan, akats asko egin ditugu”
Jon Moncayolak onartu du Osasunak akats asko egin dituela eta bost gol sartuta oso zaila dela Lehen Mailan puntuak batzea.
Luis Miguel Ramis: “Partida parekatua izango dela uste dut"
Alavesek eta Osasunak igandean neurtuko dituzte indarrak Mendizorrotzan, oso derbi parekatuan. Bi taldeak defentsan sendotasuna erakutsita iritsiko dira hitzordu honetara, lehen hiru jardunaldietan gol bakarra jaso baitute. Gainera, Romain Del Castillok debuta egiteko aukera izango du, talde gorritxoarekin bat egin berritan.
Osasunak Rockson eta Del Castillo aurkeztu ditu, Sadarren
Nafarroako taldeak ondo ekin dio EA Sports Ligari; izan ere, jokoan izan diren aurreneko bederatzi puntuetatik, zazpi bereganatu ditu. Ostegunean, bi jokalari berri hauen aurkezpena egin du.
Osasunak Romain Del Castillo aurrelaria fitxatu du
Del Castillo, 30 urtekoa bera, Brest taldetik iritsi da Osasunara, alegia, Frantziako Ligatik. Nafarroako klubak milioi bat euro ordaindu du jokalaria fitxatzeko, baina, hainbat aldagai beteta, beste 450.000 euro ere ordain litzake. Futbolariak bi denboraldirako sinatu du, eta beste denboraldi batez luza dezake.
Sergio Herrera: “Pozik eta konfiantza handiarekin egon behar dugu”
Osasunak 1-0 irabazi dio Getaferi. Sergio Herrerak azaldu duenez, "Getafe ez da talde erraza", baina Ruben Garciak, bere aldetik, "ondo defendatu" dituztela adierazi du eta lortutakoaz harro agertu dira biak. (Bideoa gazteleraz)
Budimirrek Osasunaren garaipena sinatu du Getaferen aurka (1-0)
Osasunak denboraldi hasiera onari eustea lortu du Getaferen aurka, Sadarren, eta, partida parekatua izan arren, garaitezin jarraitzea lortu du.
Luis Miguel Ramis: “Getaferen proposamena oso argia da eta oso ondo islatzen dute"
Luis Miguel Ramis entrenatzaileak badaki talde indartsua izango dutela aurrean, ideiak oso argi dituena, baina Osasuna etxean Getaferen aurka lehen garaipena lortzeko prest dago, horren ustez.
Ramis: “Oso garrantzitsua zen etxetik kanpo indartsu lehiatu gaitezkeenaren sentsazioa izatea”
Osasunak markagailua irauli du Celtaren aurka, denboraldiko lehen garaipena lortuz (1-2). Luis Miguel Ramisek azpimarratu du garaipen hori merezi zutela, bat gehiagorekin egoteak abantaila eman dien arren. (Bideoa gazteleraz)
Osasunak markagailua irauli eta garaipena eskuratu du Balaidosen
Aspasek aurretik jarri ditu etxekoak, baina Marcos Alonsoren kanporaketak partida aldatu du eta Barjak eta Budimirrek markagailua irauli dute.
Ramis, Celtaren aurkako partidari buruz: “Etxetik kanpo garaipena lortzeko gogoz goaz”
Luis Miguel Ramis Osasunaren entrenatzaileak gorritxoek ostegun honetan Celtaren aurka jokatuko duten partidaren analisia egin du prentsaurrekoan.