Osasuna salbaziora gerturatu da Getaferi irabazita
Osasunak 1-0 irabazi dio Getaferi, eta salbazioa lortzeko aurrerapauso handia eman du talde gorritxoak garaipen honekin. Mendilibarrek zuzentzen duen taldeak lau puntura utzi ditu jaitsiera postuak.
Hasieratik jaun eta jabe izan da Osasuna. Golaren bila ibili dira gorritxoak lehen minututik, baina ez dute Moya atezainaren atea zulatzen asmatu. Ninok izan du lehen abagunea 10. minutuan, baina bere jaurtiketa kanpora joan da. Delas Cuevasen jaurtiketari erantzun bikaina eman dio Moya atezainak 22. mintuan, eta hurrengo jokaldian Armenterosek egindako errematea gutxigatk kanpora joan da. Talde gorritxoa izan da jaun eta jabe. Getafek ezer gutxi azaldu du erasoan, eta 39. minutuan sortu du partidako lehen abagunea. Valerak erdiraketa bikaina egin du, eta Lafitaren errematea kanpora joan da. Abagune bikaina izan du Madrileko taldeak, baina kale egin du. Lehen zatia golik gabeko berdinketarekin bukatu da (0-0).
Bigarren zatiko gidoia lehen zatikoaren antzerakoa izan da. Osasuna izan da baloiaren jabe, eta abagune argienak izan dituen taldea. 59. minutuan Kike Solak egindako erremateak Moyak defendatzen duen ateko bi zutoinak jo ditu, eta kanpora joan da baloia. Abagune argia izan da, baina ez du zortea lagun izan talde nafarreko aurrelariak. Ninok ere abagune ezin hobea alferrik galdu du, 73. minutuan. Osasunako aurrelari txikia bakarrik geratu da Moya atezainaren aurrean, eta atezainak gola eragotzi du.
Osasuna ekinean ibili da golaren bila, eta saria jaso du 74. minutuan. Arribasek erremate bikaina atera du, baloia sare barrura bidalita. 1-0ekoa izan da Osasunarentzat. Bazirudien azken minutuetan Getafek berdinketaren bila joko zuela, baina Osasunak ez du larritasunik pasa defentsako lanean. Ongi eutsi dio aldeko emaitzari Osasunak, eta garaipenak ezi dio ihes egin Mendilibarrek zuzentzen duen taldeari.
Fitxa teknikoa:
1 - Osasuna: Andres Fernandez; Marc Bertran, Ruben (Oier, 64. min), Arribas, Damia; Puñal, Silva; Armenteros, Nino (Llorente, 73. min), De las Cuevas (Masoud, 87. min); eta Kike Sola.
0 - Getafe: Moyá; Valera, Fede, Rafa, Mané; Borja (Míchel, m.46), Lacen (Álvaro, m.80); Pedro León, Abdel Barrada, Gavilán (Colunga, m.69); y Lafita.
Gola: 1-0, m.74: Arribas.
Epailea: Álvarez Izquierdo.
Zure interesekoa izan daiteke
Ramis: “Oso garrantzitsua zen etxetik kanpo indartsu lehiatu gaitezkeenaren sentsazioa izatea”
Osasunak markagailua irauli du Celtaren aurka, denboraldiko lehen garaipena lortuz (1-2). Luis Miguel Ramisek azpimarratu du garaipen hori merezi zutela, bat gehiagorekin egoteak abantaila eman dien arren. (Bideoa gazteleraz)
Osasunak markagailua irauli eta garaipena eskuratu du Balaidosen
Aspasek aurretik jarri ditu etxekoak, baina Marcos Alonsoren kanporaketak partida aldatu du eta Barjak eta Budimirrek markagailua irauli dute.
Ramis, Celtaren aurkako partidari buruz: “Etxetik kanpo garaipena lortzeko gogoz goaz”
Luis Miguel Ramis Osasunaren entrenatzaileak gorritxoek ostegun honetan Celtaren aurka jokatuko duten partidaren analisia egin du prentsaurrekoan.
Ramis, zaleen txistuei buruz: “Horrek ez gaitzala kikildu”
Luis Miguel Ramis Osasunaren entrenatzaileak prentsaurrekoa eman du Levanteren aurkako berdinketa aztertzeko. Halaber, zale gorritxoen txistuen inguruan ere mintzatu da.
Osasunak estutu du, baina ez du gola aurkitu
Talde gorritxoa Levante baino gehiago izan da neurketan, baina ez du asmatu eta, nagusi izan arren, ez du garaipenik lortu.
Ramis, LaLigako egutegiarekin haserre: “Ez dakit lehen jardunaldia edo bigarrena ikusten ari naizen, ez da normala"
Osasunako entrenatzailea etsita agertu da Osasunak Levanteren aurka jokatuko duen partidaren atarian, LaLigako lehen bi jardunaldiekin dagoen nahasmenarekin. Talde batzuek bi partida jokatu dituzte jada, Osasunak bat ere ez, eta astebetean hiru jokatu beharko ditu.
Luis Miguel Ramis: “Osasuna irabazle bat nahi dut”
Osasunaren entrenatzaile berria lahiaketa hasteko irrikitan dago. Iragan igandean Osasunak Celtarekin jokatu ez zuenez, denboraldiaurreko aste bat gehiago izan dute, eta ondo etorri zaiela esan du. Sadarreko giroa bertatik bertara bizi nahi duela ere esan du, eta, aldi berean, zein Osasuna ikustea nahi duen azaldu du. Azkenik, Luis Miguel Ramisek mezu bat bidali die Osasunako zaleei. (Bideoa, gazteleraz).
Iker Benitok Queretaron jokatuko du
Mirandako jokalariak etapa berri bati ekingo dio Mexikon 2027ko abuztuaren 31ra arte.
Luis Sabalza, Celta-Osasuna partidari buruz: “Zer nahi duzu egitea? Ez jokatzea? "
Celta-Osasuna partida atzera buruz hitz egin du Osasunako presidenteak, taldeak Javierrera LaLiga hasi aurreko lore-eskaintza egiteko egin duen bisitaren ondorengo uneetan.
Celta-Osasuna partida abuztuaren 27ra atzeratu da, baina talde gorritxoak “erabateko desadostasuna" erakutsi du
Balaidoseko futbol-zelaia ez dago futboleko neurketa bat hartzeko moduan, onddo batek erasan baitio. Bere aldetik, talde nafarra erabat kaltetua sentitzen da LaLigak eta Federazioak hartutako erabakiaren aurrean.