Garaipenak ihes egin dio Osasunari (1-1)
Fitxa teknikoa:
Getafe: Moya; Valera, Lopo, Abraham, Mane; Xavi Torres, Michel; Pedro Leon (Diego Castro, 63. minutua), Barrada (Gavilan, 72. minutua), Lafita; Alvaro Vazquez (Paco Alcacer, 69. minutua).
Osasuna: Andres; Damia, Arribas, Miguel Flaño, Nano (Marc Bertra, 67. minutua); Puñal, Raoul Loe; Cejudo (Oier, 80. minutua), Nino, Armenteros; Kike Sola.
Golak: 0-1, 84. minutua: Kike Sola; 1-1, 90. minutua: Diego Castro, penaltiz.
Osasunak puntu bat lortu du Alfonso Perez futbol-zelaian, nahiz eta hiru puntuak merezi. Partida amaitzeko ordu laurden falta zenean gorritxoak jokalari bat gutxiagoarekin geratu dira, baina aurrea hartu dute markagailuan. Baina azken minutuan penalti bat asmatu du epaileak eta Getafek ez du barkatu.
Etxeko taldea baino gehiago izan da Osasuna lehen zatian, baina aurreneko 45 minutuak aspergarriak eta erritmo gabekoak izan dira. Erasoan jokatu dute nafarrek, eta Getafe kostata sartu da partidan.
Nafarren aukera garbiena Ninorentzat izan da 19. minutuan. Pasea Kike Solak eman dio, baina Almeriako jokalariak ezin izan du Moya atezaina gainditu.
Atsedenaldira heltzeko segundo eskasak geratzen zirenean, markagailua estreinatzeko abagune ederra izan du Getafek. Alvaro bakarrik geratu da Osasunako atezainaren aurrean, baina bere jaurtiketa ate azpian aldaratu du Arribasek. Aldaratzea Pedro Leoni heldu zaio, baina baloia kanpora bidali du.
Bigarren zatia aurrenekoaren antzekoa izan da, eta norgehiagokak oreka eta zehaztasun gutxi izan ditu. 53.ean 0-1ekoa egiteko gol aukera izan du Osasunak, baina Ninok urrutitik egindako jaurtiketa kornerrera bidali du Moyak.
Osasuna hamar gizonekin geratu da 76. minutuan epaileak txartel gorria erakutsi baitio Armenterosi. Jokalari gorritxoak sarrera itsusia egin dio Valerari.
Kike Solak markagailua estreinatu du 84. minutuan gol polit bati esker. Abraham atzean utzi du eta Moyaren aurrean ez du huts egin.
Garaipena poltsikoan zutela ematen zuen, baina epaileak penalti bat asmatu du azken hasperenean, eta Getafek ez du aukera alferrik galdu.
Zure interesekoa izan daiteke
Osasunak 2028ra arte lotu du Mauro Echegoyen, kontratua beste bi denboraldi luzatzeko aukerarekin
Jokalariaren etete-klausula sei milioira igo dute, eta 15 milioira iritsiko da lehen taldeko kide denean. Dagoeneko Murchanteko erdilariak urrian egin zuen debuta lehen taldearekin, Sant Jordiren aurka Kopako lehen kanporaketan.
Juan Cruz: “Ohorea eta harro egoteko modukoa izan da Osasunaren armarria defendatzea”
Atzelari madrildarrak Nafarroako kluba utzi du, azken sei denboraldiak Iruñean eman ostean. Agur esatean, nabarmendu du 2023ko Errege Kopako finala dela haren oroitzapenik bereziena, eta, halaber, taldekideekin eta Taxoaren egunero-egunero bizi izandakoa.
Braulio Vazquez: “Uste dut pizgarri bat behar genuela, katarsi bat"
"Ez dut barkamenik eskatuko 8 urtez lehen mailan mantentzeagatik, nortzuk garen jakin behar dugu. Ez dakit zenbat aldiz entzun dudan anbizio falta dagoela", aurpegiratu du kirol zuzendari gorritxoak denboraldi amaierako prentsaurrekoan. Bestalde, Kike Barja kapitainaren kontratu berritzea % 99ra itxitzat jo du.
Juan Cruzek ez du Osasunan jarraituko
Atzelariak sei denboraldi eman ditu Nafarroako klubean; Elxetik iritsi zen bertara. 164 partida jokatu ditu talde gorritxoan: “Bere lehen denboralditik, taldekideen eta zaleen errespetua eta maitasuna bereganatu zituen, eta balioak defendatzen jakin izan du”, nabarmendu du Iruñeko klubak.
Alessio Liscik Osasunako entrenatzailea izateari utzi dio
Nafarroako klubak astelehenean iragarri du italiarrak ez duela jarraituko taldea zuzentzen; Liscik beste urtebeterako kontratua zuen, Osasunarekin.
Catena: “Ez da izan espero genuen bezala, ezta nahi genuen bezala ere, baina Lehen Mailan gaude"
Osasunako jokalariak salbazioa lortu ondoren hitz egin du, nahiz eta Getaferen aurka galdu (1-0) EA Sports Ligako azken jardunaldian. Kritiko agertu da denboraldi amaieragatik, batez ere atzetik datozenei eragindako "sufrimenduagatik".
Osasunak galdu egin du Getaferen aurka, baina Lehen Mailan jarraituko du (1-0)
Porrotaren ondoren, aurkari zuzenen emaitzen zain geratu dira. Gironaren eta Elxeren arteko berdinketak mesede egin dio talde nafarrari, horri esker beste urtebetez Lehen Mailan jarraituko baitu.
Lisci: “Taldea zelaian hilko da”
Alessio Lisci Osasunako entrenatzaileak autokritika egin du eta adierazi du gaizki egin zutela pentsatuz 42 puntu bilduta nahikoa zela mailari eusteko. Edonola ere, taldea ondo dagoela eta Getaferen aurkako “finalean” gorritxoek dena emango dutela ziurtatu du.
Zer behar du Osasunak mailari eusteko?
Osasunak ez dauka ziurtatuta lehen mailan jarraitzea, eta Getaferen etxean jokatuko du ligako azken partida. Jose Bordalasen taldeak, berriz, Conference Ligan sartzea izango du lehian.
Ateak irekita entrenatuko du Osasunak ostiralean, Sadarren, 18:00etan, Getaferen aurkako partida erabakigarriaren aurretik
Osasunaren zaleek talde nafarrari bultzada emateko aukera izango dute, Coliseum estadioan jokatuko den partidaren bezperan; talde gorritxoak EA Sports Ligan eustea bilatuko du.