Osasunak kanporaketa irauli du, eta final-zortzirenetarako sailkatu da
Osasunak 2013ko Errege Kopan bizirik jarraitzen du, Sporting final-hamaseirenetan kanporatu ondoren. Mendilibarren mutilek joaneko partidako 1-0ekoa irauli egin dute, eta final-zortzirenetarako txartela lortu dute Joseba Llorenteren eta Rubenen golei esker.
Nafarroako Erresumako neurketan, gorritxoak nagusi izan dira, baina taldearen jokoa ez da ona izan. Hala ere, bigarren zatian Osasunak gogor sakatu du, eta golak heldu dira. Gregory Sportingeko defentsak bi akats larri egin ditu, eta Iruñeko taldeak 2-0ekoa eskuratu du.
Lehenengo zatian Nafarroako taldeak baloiaren jabetza izan du, eta Sandovalen mutilak ez dira Riesgoren ate ingurura hurbildu. Osasuna jaun eta jabe izan da berdegunean, baina gorriak presaka ibili dira, eta aukerak ez dira garbiak izan.
Atsedenaldiaren ostean partidak berdin jarraitu du, eta Jose Luis Mendilibarren mutilek erasoan presio gogorra egin dute. Sportingek kontraerasoak bilatu ditu, eta Osasuna defentsan sufritzen hasi da. Hala ere, gorritxoak une larrienean egon direnean Joseba Llorentek 1-0ekoa jarri du markagailuan. Gregoryk beste akats handi bat egin du, sei minutu geroago, eta Rubenek 2-0ekoa eskuratu du.
- Fitxa teknikoa:
2 - Osasuna: Riesgo; Marc BertrAn (Sisi, 70. minutua), Lolo, RubEn, Echaide, Timor, Annan, Roberto Torres, Lamah (Armenteros 63. minutua),
Manu Onwu eta Llorente (Nano, 81. minutua).
0 - Sporting: Cuellar, Pedro Orfila, Gregory, Borja, Alex Menendez (Luis H, 45. minutua). Alex Barrera (Jara, 78. minutua), Ricardo, Muñiz, De las Cuevas (Trejo, 54. minutua), Sangoy eta Hugo Vieira.
Golak: 1-0, 69. minutua: Llorente. 2-0 Ruben (75. minutua).
Zure interesekoa izan daiteke
Osasunak 2028ra arte lotu du Mauro Echegoyen, kontratua beste bi denboraldi luzatzeko aukerarekin
Jokalariaren etete-klausula sei milioira igo dute, eta 15 milioira iritsiko da lehen taldeko kide denean. Dagoeneko Murchanteko erdilariak urrian egin zuen debuta lehen taldearekin, Sant Jordiren aurka Kopako lehen kanporaketan.
Juan Cruz: “Ohorea eta harro egoteko modukoa izan da Osasunaren armarria defendatzea”
Atzelari madrildarrak Nafarroako kluba utzi du, azken sei denboraldiak Iruñean eman ostean. Agur esatean, nabarmendu du 2023ko Errege Kopako finala dela haren oroitzapenik bereziena, eta, halaber, taldekideekin eta Taxoaren egunero-egunero bizi izandakoa.
Braulio Vazquez: “Uste dut pizgarri bat behar genuela, katarsi bat"
"Ez dut barkamenik eskatuko 8 urtez lehen mailan mantentzeagatik, nortzuk garen jakin behar dugu. Ez dakit zenbat aldiz entzun dudan anbizio falta dagoela", aurpegiratu du kirol zuzendari gorritxoak denboraldi amaierako prentsaurrekoan. Bestalde, Kike Barja kapitainaren kontratu berritzea % 99ra itxitzat jo du.
Juan Cruzek ez du Osasunan jarraituko
Atzelariak sei denboraldi eman ditu Nafarroako klubean; Elxetik iritsi zen bertara. 164 partida jokatu ditu talde gorritxoan: “Bere lehen denboralditik, taldekideen eta zaleen errespetua eta maitasuna bereganatu zituen, eta balioak defendatzen jakin izan du”, nabarmendu du Iruñeko klubak.
Alessio Liscik Osasunako entrenatzailea izateari utzi dio
Nafarroako klubak astelehenean iragarri du italiarrak ez duela jarraituko taldea zuzentzen; Liscik beste urtebeterako kontratua zuen, Osasunarekin.
Catena: “Ez da izan espero genuen bezala, ezta nahi genuen bezala ere, baina Lehen Mailan gaude"
Osasunako jokalariak salbazioa lortu ondoren hitz egin du, nahiz eta Getaferen aurka galdu (1-0) EA Sports Ligako azken jardunaldian. Kritiko agertu da denboraldi amaieragatik, batez ere atzetik datozenei eragindako "sufrimenduagatik".
Osasunak galdu egin du Getaferen aurka, baina Lehen Mailan jarraituko du (1-0)
Porrotaren ondoren, aurkari zuzenen emaitzen zain geratu dira. Gironaren eta Elxeren arteko berdinketak mesede egin dio talde nafarrari, horri esker beste urtebetez Lehen Mailan jarraituko baitu.
Lisci: “Taldea zelaian hilko da”
Alessio Lisci Osasunako entrenatzaileak autokritika egin du eta adierazi du gaizki egin zutela pentsatuz 42 puntu bilduta nahikoa zela mailari eusteko. Edonola ere, taldea ondo dagoela eta Getaferen aurkako “finalean” gorritxoek dena emango dutela ziurtatu du.
Zer behar du Osasunak mailari eusteko?
Osasunak ez dauka ziurtatuta lehen mailan jarraitzea, eta Getaferen etxean jokatuko du ligako azken partida. Jose Bordalasen taldeak, berriz, Conference Ligan sartzea izango du lehian.
Ateak irekita entrenatuko du Osasunak ostiralean, Sadarren, 18:00etan, Getaferen aurkako partida erabakigarriaren aurretik
Osasunaren zaleek talde nafarrari bultzada emateko aukera izango dute, Coliseum estadioan jokatuko den partidaren bezperan; talde gorritxoak EA Sports Ligan eustea bilatuko du.