Eibarrek garaipen epikoa lortu du gola luzapenean sartuta (2-1)
Javier Martonen eta Alvaro Rodriguezen golei esker, armaginek markagailua irauli dute Racing liderraren aurka.
Eibarrek igande honetan Racingen aurka Ipuruan jokatutako Hypermotion Ligako 26. jardunaldiko partida irauli eta 2-1 irabazi du, Alvaro Rodriguezek luzapenean sartutako gol bati esker.
Kantabriako taldeak baloiaren jabetza izateko asmo argia izan du hasieratik. Maguettek 7. minutuan gora bota duen urruneko jaurtiketa bat izan da lehen aukera arriskutsua. Eibar Olaetxearen burukada batekin erreakzionatzen saiatu da.
20. minutua pasatuta, Eibarren kontraeraso bat golarekin amaitu ahal izan da, Bautistak Madari pasea eman ondoren. Azken horrek, baina, ezker zutoinetik gertu bota du baloia, ordura arte armaginek izan duten aukerarik argienean.
Hurrengo minutuan, Racingek ez du barkatu, eta aurrea hartu du markagailuan, Andresen golarekin (0-1).
Bigarren zatia antzera hasi da, Eibarren min egiteko gaitasun eskasarekin. Dena den, ideiak agortzen ari zirela zirudienean, San Joseren aldaketek eragina izan dute. Javi Marton (zelaira sartu berria) area barruan sartu da, eta Ezkieta gainditu du, jaurtiketa on batekin, markagailuan berdinketa jartzeko (1-1).
84. minutuan, epaileak txartel gorria atera dio Puertari, eta erabaki horrek kalte egin dio Racingi azken minutuetan.
Luzapenean, Alvaro Rodriguezek Eibarri garaipena eman dion gola egin du, buruz. Aldaratze pare bat jaso eta Racingeko atzelari batek baloia atepetik atera ondoren, baloia madrildarrari iritsi zaio, eta gola sartu du (2-1).
Zure interesekoa izan daiteke
Eibarrek amaiera eman dio bolada txarrari, Costa Adeje Teneriferen aurka puntu garrantzitsua lortuta (0-0)
Eibarrek balio handiko puntua bereganatu du gaur Costa Adeje Tenerife ligako laugarren sailkatuaren aurka, defentsan talde lan bikaina eginda. Horrenbestez, armaginek bederatzi porroteko bolada txarra eten dute, eta horrek lasaitasuna emango die hurrengo neurketei konfiantza gehiagorekin aurre egiteko.
Anaitz Arbilla: “Taldea prest dago osteguneko partidari aurre egiteko"
Anaitz Arbillak prentsaurrekoa eman du ostegunean Sanseren aurka jokatuko duen partidari begira taldea nola dabilen azaltzeko. Jokalari nafarrak taldeak azkeneko boladan izan duen hobekuntza nabarmendu du.
Eibar igotzeko postuetara begira jarri da, Las Palmas garaituta (3-1)
Kanarietako taldearena izan da baloiaren jabetza, baina armaginak askoz eraginkorragoak izan dira areatan. Javi Marton funtsezkoa izan da garaipena lortzeko, bi gol sartu baititu.
Burua altxatu ezinik segitzen du Eibarrek (2-1)
Eibarrek 2-1 galdu du Deportivoren aurka Coruñan jokatu duen partida, Iara Lacostak egin duen golari esker markagailuan aurreratu bada ere. Horrenbestez, bederatzigarren porrota jarraian jaso dute armaginek.
Eibarrek burua altxatu ezinik jarraitzen du, Real Madrilen aurka ere galdu du eta (0-1)
Eibarrek 0-1 galdu du Real Madrilen aurka, F Moeve Ligako 23. jardunaldian, etxean. Eibarrek etxean jokatutako 11 partidatan bost gol besterik ez ditu sartu, eta Real Madrilen aurkako partidarekin zortzigarren porrota jasan du jarraian.
Eibarrek play-offekin amesten jarraitzen du Andorra mendean hartu ostean (0-1)
Eibarrek bigarren garaipena jarraian lortu du etxetik kanpo, Andorrari 0-1 irabazita, Peru Nolaskoainen golari esker. Talde armaginak zortzi partida kateatu ditu galdu gabe, eta igotzeko play-offean postu bat lortzeko aukerak ditu oraindik.
Eibarrek zazpigarren porrota jaso du jarraian, Espanyolen aurka, Bartzelonan (2-0)
Dinamika txarra izan arren, talde armaginak 17 punturekin jarraitzen du sailkapenean, Alhamak mugatutako jaitsiera postuetatik zortzi puntura.
Eibarrek etxeko bolada eten du, Burgosen aurka golik gabe berdinduta (0-0)
Armaginek gola egiteko aukera argiak izan dituzte, baina ezin izan dute Burgosen atea zulatu.
Eibarrek madarikazioa hautsi eta denboraldiko lehen garaipena lortu du etxetik kanpo (0-1)
Eibarrek denboraldiko lehen garaipena lortu du, Leganesen aurka 0-1 irabazita, Peru Nolaskoainen golari esker.
Juan Bernat Eibarreko jokalaria, orkatilako bihurdura batekin lesionatuta
Bernatek asteleheneko entrenamenduan jasan zuen bihurdura hau, eskuineko orkatilan.