Eibarrek gol festarekin esan dio agur Ipuruari
Eibarrek 4-1 irabazi dio Kordobari, Ipuruan jokatu duten Hypermotion Ligako azken partidan, eta, horrenbestez, hirugarren garaipena kateatu du jarraian. Corpas, Bautista (2) eta Chema izan dira golegileak.
Zaleek gol festarekin gozatu dute, baina emaitza engainagarria da. Egiari zor, Kordoba askoz hobeto aritu da lehen zatian, eta Eibar baino gehiago izan da. Areago, Magunagoitia atezaina izan da ordura arte onena.
Edonola ere, atsedenaldia baino lehen, talde armagina aurreratu da markagailuan, Corpasek zelai erditik gol ikusgarria sartuta.
Bigarren zatian, Andaluziako taldeak norgehiagoka berdintzea lortu du, Obolskiyk gola sartuta. Alabaina, berehala iritsi da Eibarren erantzuna. Bautistak egin du 2 eta 1ekoa, eta gutxi iraun dio pozak Kordobari.
Eibarren hirugarrena ere Bautistaren eskutik heldu da, kontraeraso batean, buruz. VAReko epaileak jokaldia berrikusi behar izan du, eta hainbat minutuz zalantzak izan badira ere, ontzat eman dute: 3-1.
Laugarren gola, berriz, neurketaren luzapenean sartu du Chema Rodriguezek burukada bikain batekin.
Beñat San Joseren taldeak Levanteren aurka jokatuko du ligako azken partida datorren igandean. Valentziako taldeak gaur ziurtatu du lehen mailara igotzea, Burgosi 2-3 irabazita.
Hortaz, bi taldeek ez dute ezer izango jokoan, nahiz eta Eibarrek bederatzigarren tokian amaitzea duen helburu eta, beraz, garaipena lortzen ahaleginduko da.
FITXA TEKNIKOA
4- SD Eibar: Magunagoitia, Cubero, Arambarri, Chema Rodriguez, Arrillaga, Sergio Alvarez, Matheus (Ivan Gil, 85. min), Corpas (Merquelanz, 85. min), Jorge Pascual (Puertas, 57. min), Guruzeta (Javi Martinez, 76. min) eta Bautista (Galarza, 85. min).
1- Kordoba: Marin, Isaac, Sintes, Marvel (Corbo, 46. min), Albarran (Calderon, 76. min), Alex Sala, Magunazelaia (Tounkara, 76. min), Ortiz (Theo, 46. min), Carracedo, Obolskiy eta Ander Yoldi.
Golak: 1-0, 42. min: Corpas. 1-1, 65. min: Obolskiy. 2-1, 66. min: Bautista. 3-1, 78. min: Bautista. 4-1, 90. min: Chema.
Epailea: Salvador Lax. Txartel horia atera die Corpasi, Marveli, Chemari, Albarrani eta Theori.
Zure interesekoa izan daiteke
Eibarrek laugarren garaipena jarraian lortu du Ceutaren aurka (3-0)
Armaginek zazpi jardunaldi jarraian daramatzate puntuak lortzen, eta play-off postuak lortzeko lehian sartu dira.
Eibarrek amaiera eman dio bolada txarrari, Costa Adeje Teneriferen aurka puntu garrantzitsua lortuta (0-0)
Eibarrek balio handiko puntua bereganatu du gaur Costa Adeje Tenerife ligako laugarren sailkatuaren aurka, defentsan talde lan bikaina eginda. Horrenbestez, armaginek bederatzi porroteko bolada txarra eten dute, eta horrek lasaitasuna emango die hurrengo neurketei konfiantza gehiagorekin aurre egiteko.
Anaitz Arbilla: “Taldea prest dago osteguneko partidari aurre egiteko"
Anaitz Arbillak prentsaurrekoa eman du ostegunean Sanseren aurka jokatuko duen partidari begira taldea nola dabilen azaltzeko. Jokalari nafarrak taldeak azkeneko boladan izan duen hobekuntza nabarmendu du.
Eibar igotzeko postuetara begira jarri da, Las Palmas garaituta (3-1)
Kanarietako taldearena izan da baloiaren jabetza, baina armaginak askoz eraginkorragoak izan dira areatan. Javi Marton funtsezkoa izan da garaipena lortzeko, bi gol sartu baititu.
Burua altxatu ezinik segitzen du Eibarrek (2-1)
Eibarrek 2-1 galdu du Deportivoren aurka Coruñan jokatu duen partida, Iara Lacostak egin duen golari esker markagailuan aurreratu bada ere. Horrenbestez, bederatzigarren porrota jarraian jaso dute armaginek.
Eibarrek burua altxatu ezinik jarraitzen du, Real Madrilen aurka ere galdu du eta (0-1)
Eibarrek 0-1 galdu du Real Madrilen aurka, F Moeve Ligako 23. jardunaldian, etxean. Eibarrek etxean jokatutako 11 partidatan bost gol besterik ez ditu sartu, eta Real Madrilen aurkako partidarekin zortzigarren porrota jasan du jarraian.
Eibarrek play-offekin amesten jarraitzen du Andorra mendean hartu ostean (0-1)
Eibarrek bigarren garaipena jarraian lortu du etxetik kanpo, Andorrari 0-1 irabazita, Peru Nolaskoainen golari esker. Talde armaginak zortzi partida kateatu ditu galdu gabe, eta igotzeko play-offean postu bat lortzeko aukerak ditu oraindik.
Eibarrek zazpigarren porrota jaso du jarraian, Espanyolen aurka, Bartzelonan (2-0)
Dinamika txarra izan arren, talde armaginak 17 punturekin jarraitzen du sailkapenean, Alhamak mugatutako jaitsiera postuetatik zortzi puntura.
Eibarrek etxeko bolada eten du, Burgosen aurka golik gabe berdinduta (0-0)
Armaginek gola egiteko aukera argiak izan dituzte, baina ezin izan dute Burgosen atea zulatu.
Eibarrek madarikazioa hautsi eta denboraldiko lehen garaipena lortu du etxetik kanpo (0-1)
Eibarrek denboraldiko lehen garaipena lortu du, Leganesen aurka 0-1 irabazita, Peru Nolaskoainen golari esker.