Eibarrek puntu gazi-gozoa lortu du Levanteren etxean (2-2)
Levantek puntu bat berreskuratu du partidako 91. minutuan Moha Bouldiniren burukada batekin, promoziorako bere ibilbidean ia ezertarako balio ez diona, eta Eibarren garaipena eragotzi du horrela (2-2). Tejerok egindako bi golei esker, talde armaginak berdinketa lortu du, zuzenean igotzeko postuetatik gertu izaten jarraitzeko balio dion puntua eskuratuta.
Bi taldeek erritmoa hartzeko denborarik gabe, Levante aurretik jarri da markagailuan Delak penaltiz sartutako golarekin. Arcediano Monescillok ez du Berrocalen eskua ikusi, Brugueren aurkako lehian, eta VARek abisua eman dio epaileari. Levanteko erdiko atzelariak ez du penaltia alferrik galdu, eta etxekoak aurretik jarri ditu (1-0).
Eibarri kostatu egin zaio golari erantzutea, eta lehen zatiko erdialdea gainditu arte ez da aurkariaren areara arriskuz iritsi. Hala ere, 2-0ekoa izan du Dani Gomezek. Lozanok pase ona eman dio area barruan, baina ezin izan du Luca gainditu.
Levantek barkatu egin du, eta garesti ordaindu du gero, Tejerok area barruko baloi solte bat aprobetxatu duelako Andresen atea jaurtiketa gogor batekin zulatzeko (1-1). Eibarrek atera egin duen lehen jaurtiketarekin lortu du lehen gola.
Bigarren zatia bide beretik hasi da, Dani Gomezen beste bi abagunerekin. Corpasek abisua eman du, alboko erdiraketa batera ia-ia helduta, eta Eibarrek aurrerapausoa eman du. Orduan, Andres Garciak huts egin du pase horizontal batean, eta Aketxek aprobetxatu du Tejerori baloia emateko. Tejerok ez du barkatu, eta armaginen bigarren gola egin du (1-2)
Eibarrek kontrolpean zuen partida, baina Bouldinik buruz berdindu du 91. minutuan. Gol horrek eragotzi egin du Eibarrek hiru puntuak eskuratzea, eta taldearen helburu nagusirako puntu gazi-gozoa lortu du.
Fitxa teknikoa:
2 - Levante UD: Andres, Andres Garcia, Dela, Cabello, Valle, Carlos Alvarez, Giorgi (Pablo Martinez, 80. min), Rey, Lozano (Fabricio, 65. min), Brugue eta Dani Gomez (Bouldini, 65. min).
2 - SD Eibar: Luca, Tejero, Arbilla, Berrocal, Cristian (Correa, 86. min), Mario Soriano, Vencedor (Venancio, 70. min), Matheus, Stoichkov (Qasmi, 86. min), Aketxe (Konrad, 70. min) eta Bautista (Corpas, 46. min).
Golak: 1-1, 11. min: Dela. 1-1, 31. min: Tejero. 1-2, 61. min: Tejero. 2-2, 91. min: Bouldini.
Epailea: Arcediano Monescillo. Txartel horia atera die Giorgi, Rey eta Dela Levanteko jolakariei eta Matheus eta Corpas Eibarreko jolakariei. 93. minutuan, Corpas kaleratu du, bigarren txartel horia erakutsi ondoren.
Zure interesekoa izan daiteke
Eibarrek laugarren garaipena jarraian lortu du Ceutaren aurka (3-0)
Armaginek zazpi jardunaldi jarraian daramatzate puntuak lortzen, eta play-off postuak lortzeko lehian sartu dira.
Eibarrek amaiera eman dio bolada txarrari, Costa Adeje Teneriferen aurka puntu garrantzitsua lortuta (0-0)
Eibarrek balio handiko puntua bereganatu du gaur Costa Adeje Tenerife ligako laugarren sailkatuaren aurka, defentsan talde lan bikaina eginda. Horrenbestez, armaginek bederatzi porroteko bolada txarra eten dute, eta horrek lasaitasuna emango die hurrengo neurketei konfiantza gehiagorekin aurre egiteko.
Anaitz Arbilla: “Taldea prest dago osteguneko partidari aurre egiteko"
Anaitz Arbillak prentsaurrekoa eman du ostegunean Sanseren aurka jokatuko duen partidari begira taldea nola dabilen azaltzeko. Jokalari nafarrak taldeak azkeneko boladan izan duen hobekuntza nabarmendu du.
Eibar igotzeko postuetara begira jarri da, Las Palmas garaituta (3-1)
Kanarietako taldearena izan da baloiaren jabetza, baina armaginak askoz eraginkorragoak izan dira areatan. Javi Marton funtsezkoa izan da garaipena lortzeko, bi gol sartu baititu.
Burua altxatu ezinik segitzen du Eibarrek (2-1)
Eibarrek 2-1 galdu du Deportivoren aurka Coruñan jokatu duen partida, Iara Lacostak egin duen golari esker markagailuan aurreratu bada ere. Horrenbestez, bederatzigarren porrota jarraian jaso dute armaginek.
Eibarrek burua altxatu ezinik jarraitzen du, Real Madrilen aurka ere galdu du eta (0-1)
Eibarrek 0-1 galdu du Real Madrilen aurka, F Moeve Ligako 23. jardunaldian, etxean. Eibarrek etxean jokatutako 11 partidatan bost gol besterik ez ditu sartu, eta Real Madrilen aurkako partidarekin zortzigarren porrota jasan du jarraian.
Eibarrek play-offekin amesten jarraitzen du Andorra mendean hartu ostean (0-1)
Eibarrek bigarren garaipena jarraian lortu du etxetik kanpo, Andorrari 0-1 irabazita, Peru Nolaskoainen golari esker. Talde armaginak zortzi partida kateatu ditu galdu gabe, eta igotzeko play-offean postu bat lortzeko aukerak ditu oraindik.
Eibarrek zazpigarren porrota jaso du jarraian, Espanyolen aurka, Bartzelonan (2-0)
Dinamika txarra izan arren, talde armaginak 17 punturekin jarraitzen du sailkapenean, Alhamak mugatutako jaitsiera postuetatik zortzi puntura.
Eibarrek etxeko bolada eten du, Burgosen aurka golik gabe berdinduta (0-0)
Armaginek gola egiteko aukera argiak izan dituzte, baina ezin izan dute Burgosen atea zulatu.
Eibarrek madarikazioa hautsi eta denboraldiko lehen garaipena lortu du etxetik kanpo (0-1)
Eibarrek denboraldiko lehen garaipena lortu du, Leganesen aurka 0-1 irabazita, Peru Nolaskoainen golari esker.