Eibarrek bana berdindu du Sportingen kontra, eta zuzeneko igoera postuetatik aldendu da
Eibarren bana berdindu zuen asteazkenean Sportingen aurka jokatutako norgehiagoka bizian. Puntu banaketak LaLiga EA Sportserako bidean jarraitzen ahalbidetzen die oraindik armaginei, baina momentuz zuzeneko igoera postuetatik aldendu dira armaginak.
Etxeko taldeak lehen minutua bete aurretik izan zuen lehen aukera garbia, Mario Sorianok urrunetik egin baina Yañezen ondo gelditu zuen jaurtiketa batekin. Dena den, Sporting ere berehala kokatu zen zelaian, halako sorpresak ekiditeko asmoz. Hala, 13. minutuan markagailuan aurreratzeko abagunea izan zuen Asturiasko taldeak, Hassanek area barruan egindako jokaldi bati esker.
Eibar berriz hurbildu zen Sportingen atera, kanpora joan zen Bautistaren burukada batekin. Bi taldeak hartu-emanean zebiltzala, 21. minutuan iritsi zen asturiarren lehen gola. Rober Pierrek neurtutako erdiraketa egin zion Campuri; jarraian, Arbillak baloi gurutzatua bidali zuen Eibarren ate barrura.
Ondoren, 63. minutuan, epaileak penaltia adierazi zuen, Varanek Tejero area barruan lurrera bota zuela argudiatuta. Aketxek primeran jaurti zuen, sendo ezkerretik eta altuera erdira, Eibarrentzat berdinketa lortuta.
Handik hamabi minutura, Aketxek berak izan zuen Eibar aurretik jartzeko aukera, zuzenean botatako falta batean, baina baloiak langa jo zuen.
90 minutuak beteta, luzapenean (94. minutuan) Esteban Lozanok izan zuen Sportingen azken parada, area kanpotik jaurti baina ezkerretik galdu zen jokaldi batean. Azkenean, bana berdinduta, puntuak banatu zituzten.
Fitxa teknikoa:
1- Eibar: Luca, Tejero, Berrocal, Arbilla, Cristian (Rios Reina, 71. minutuan), Sergio Alvarez, Matheus (Vencedor, 82. minutuan), Aketxe, Mario Soriano (Corpas, 71. minutuan), Stoichkov (Konrad, 90. minutuan) eta Bautista.
1- Sporting: Ruben Yañez, Pascanu, Izquierdoz, Rober Pier, Cote, Hassan (Juan Lozano, 78. minutuan), Nacho Mendez, Cristian Rivera (Varane, 62. minutuan), Gaspar Campos (Vilalba, 78. minutuan), Victor Campuzano (Djuka, 46. minutuan) eta Otero (Esteban Lozano, 89. minutuan).
Goles, 0-1 m. 21. Campu. 1-1, m. 66. Aketxek, penaltiz.
Epailea: Rafael Sanchez Lopez. Txartel horia atera zion Bautistari,28. minutuan. 75.ean, Nacho Mendezek ikusi zuen txartel horia. 76.ean, Arbillkak eta Matheusek jaso zuten, 87.ean, Izquierdozek, eta 95.ean, Rober Pierrek.
Gorabeherak: Arratsalde euritsua Ipuruan. Guztira, 4.054 ikusle bildu ziren.
Zure interesekoa izan daiteke
Eibarrek laugarren garaipena jarraian lortu du Ceutaren aurka (3-0)
Armaginek zazpi jardunaldi jarraian daramatzate puntuak lortzen, eta play-off postuak lortzeko lehian sartu dira.
Eibarrek amaiera eman dio bolada txarrari, Costa Adeje Teneriferen aurka puntu garrantzitsua lortuta (0-0)
Eibarrek balio handiko puntua bereganatu du gaur Costa Adeje Tenerife ligako laugarren sailkatuaren aurka, defentsan talde lan bikaina eginda. Horrenbestez, armaginek bederatzi porroteko bolada txarra eten dute, eta horrek lasaitasuna emango die hurrengo neurketei konfiantza gehiagorekin aurre egiteko.
Anaitz Arbilla: “Taldea prest dago osteguneko partidari aurre egiteko"
Anaitz Arbillak prentsaurrekoa eman du ostegunean Sanseren aurka jokatuko duen partidari begira taldea nola dabilen azaltzeko. Jokalari nafarrak taldeak azkeneko boladan izan duen hobekuntza nabarmendu du.
Eibar igotzeko postuetara begira jarri da, Las Palmas garaituta (3-1)
Kanarietako taldearena izan da baloiaren jabetza, baina armaginak askoz eraginkorragoak izan dira areatan. Javi Marton funtsezkoa izan da garaipena lortzeko, bi gol sartu baititu.
Burua altxatu ezinik segitzen du Eibarrek (2-1)
Eibarrek 2-1 galdu du Deportivoren aurka Coruñan jokatu duen partida, Iara Lacostak egin duen golari esker markagailuan aurreratu bada ere. Horrenbestez, bederatzigarren porrota jarraian jaso dute armaginek.
Eibarrek burua altxatu ezinik jarraitzen du, Real Madrilen aurka ere galdu du eta (0-1)
Eibarrek 0-1 galdu du Real Madrilen aurka, F Moeve Ligako 23. jardunaldian, etxean. Eibarrek etxean jokatutako 11 partidatan bost gol besterik ez ditu sartu, eta Real Madrilen aurkako partidarekin zortzigarren porrota jasan du jarraian.
Eibarrek play-offekin amesten jarraitzen du Andorra mendean hartu ostean (0-1)
Eibarrek bigarren garaipena jarraian lortu du etxetik kanpo, Andorrari 0-1 irabazita, Peru Nolaskoainen golari esker. Talde armaginak zortzi partida kateatu ditu galdu gabe, eta igotzeko play-offean postu bat lortzeko aukerak ditu oraindik.
Eibarrek zazpigarren porrota jaso du jarraian, Espanyolen aurka, Bartzelonan (2-0)
Dinamika txarra izan arren, talde armaginak 17 punturekin jarraitzen du sailkapenean, Alhamak mugatutako jaitsiera postuetatik zortzi puntura.
Eibarrek etxeko bolada eten du, Burgosen aurka golik gabe berdinduta (0-0)
Armaginek gola egiteko aukera argiak izan dituzte, baina ezin izan dute Burgosen atea zulatu.
Eibarrek madarikazioa hautsi eta denboraldiko lehen garaipena lortu du etxetik kanpo (0-1)
Eibarrek denboraldiko lehen garaipena lortu du, Leganesen aurka 0-1 irabazita, Peru Nolaskoainen golari esker.