Albiste da:

Edu Expositok Eibar utziko du eta Espanyolen arituko da

Hiru denboralditan 117 partida jokatu ditu talde armaginean, 13 gol sartu ditu, eta taldekideei 10 asistentzia eman dizkie.

Edu Expósito Mirandesen aurkako partid batean. Argazkia: Twitter @SDEibar

EITB

2022/08/08 - 21:03

Azken eguneratzea

2022/08/08 - 21:03

Eibarrek bere sareetan jakitera eman duenez, akordioa lortu du Real Club Deportivo Espanyolekin Edu Exposito talde perikora eskualdatzeko.

Edu Exposito (Cubellas, 1996) 2019ko udan iritsi zen Eibarrera Coruñako Deportivotik, eta 117 partida jokatu ditu: 13 gol sartu eta 10 asistentzia eman ditu.

Aurreko denboraldian, erdilari kataluniarrak 45 partida jokatu zituen Garitanoren aginduetara, bederatzi gol sartu zituen eta hiru asistentzia eman, guztira 3.612 minutu jokatu zituen. Aurreko kanpainan, 20-21ean, Expositok 34 partida jokatu zituen, eta 19-20an, 38 izan ziren.