Azken minutuetan sartutako penaltiak Eibarren itxaropenak hauspotu ditu (0-1)
Nemanja Maksimovicek area barruan baloia eskuarekin ukitu izanagatik epaileak adierazitako penatiak garaipena eman dio Eibar taldeari Getafen jokatutako partidan. Zigorra Reciok jaurti du 89. minutuan, eta lortutako hiru puntuek urrea balio dute dute Jose Luis Mendilibarren taldeak hurrengo denboraldian Lehen Mailan jarraitzeko duen lehian.
Getafek planteamendu kaskarra egin du. Berdinketaren bila atera da, puntu bat ziurtatu eta Bigarren Mailara jaisteko arriskuan dauden taldeekin distantzia handitzeko asmoz. Baina estrategiak huts egin die.
Eibarrek, berriz, sailkapeneko zuloan jarraitzen du. Sei hilabete zeramatzan etxetik kanpo irabazi gabe, baina gaurkoarekin bi garaipen kateatu ditu eta, Valladolidek galduz gero, salbazioa bi puntura izango du LaLiga amaitzeko hiru jardunaldiren faltan.
Ftxa teknikoa:
0.- Getafe: Soria; Damian, Djene, Timor, Olivera; Nyom (Aleña, 91. min), Maksimovic (Angel, 91. min), Arambarri, Cucurella; Enes Unal (Chema, 78. min) eta Jaime Mata.
1.- Eibar: Dmitrovic; Corra, Oliveira, Arbilla, Cote; Bryan Gil, Atienza, Diop, Edu Expósito (Recio, 70. min); Sergi Enrich eta Kike Garcia.
Golak: 0-1, 89. min: Recio, penaltiz.
Zure interesekoa izan daiteke
Marianna Seidl estatubatuarra, Eibarren hamargarren aurpegi berria
Ezker hegalekoa Brisbane Roar talde australiarretik heldu da.
Eibarrek Lucas Nuñez fitxatu du
20 urteko erdilaria Valentziatik dator, utzita.
Eibar atezainik gabe, Luis Lopezek atzamar bat hautsi eta Jonmi Magunagoitiak gainkarga baitu
Larunbat honetan Eibarrek bere lehen lagunartekoa jokatuko du Alavesen aurka eta zaila izango da bietako bat prest egotea. Ondorioz, armaginek harrobiko atezainen bat zelairatu beharko dute.
Eibarrek denboraldiaurreko lehen entrenamendua egin du, Areition
Talde armaginak ilusio handiz ekin dio denboraldiari. Iñaki Goikoetxeak, asteazken honetan, 22 jokalari izan ditu bere esanetara.
Simona Boterok Eibarren jokatuko du, 2027ra arte
Erdiko atzelari kolonbiarra talde armaginaren bederatzigarren fitxaketa da, eta Espanyoletik dator.
Eibarrek Samara Ortiz fitxatu du
Talde armaginak jakinarazi duenez, 2027ra arte fitxatu du futbolari madrildarra.
Nerea Sanchez, Eibarko jokalari berria
Talde armaginak 2028ra arteko kontratua sinatu du erdilariarekin.
Eibarrek Pejiño eta Imanol García de Albeniz aurkeztu ditu
Eibarrek Pejiño eta Imanol Garcia de Albeniz fitxaketa berriak aurkeztu ditu. Gallartakoak ondo ezagutzen du Eibar, utzita aritu baitzen eta berriro dator atzeko lerroa indartzera. Pejiñok, aldiz, metro batzuk aurrerago, erasoan jokatzen du, eta azken metroetan jokalari erabakigarria izateko fitxatu du Eibarrek.
Eibarrek denboraldiaurrea hasi du Areition
Eibarrek gaur ekin dio denboraldiaurreari Areition, Jokin Aranbarri entrenatzaile berriaren eskutik. Gaur estreinatu dituzte lehen taldearen instalazio berriak. Guztira, lehen taldeko 22 jokalarik lan egin dute, eta bigarren taldeko 6 jokalari batu zaizkie. Ivan Gil bakarrik falta izan da.
Eibarrek Imanol Garcia de Albeniz fitxatu du, 2029ra arte
Ezker hegaleko atzelari bizkaitarra, 2022-2023 denboraldian, Eibarren aritu zen, Athleticek utzita. Talde armagineko futbolari berria Sparta Pragatik iritsi da; 2025-2026 denboraldia, baina, Andorran eman du, Hypermotion Ligan.