Eibarrek alde batera utzi ditu lansaioak, buelttzeko epemugarik gabe
Eibar izan da Lehen Mailako euskal taldeetatik azkena entrenamenduak bertan behera uzten dituela iragartzen. Koronabirusaren pandemiaren eraginez, eten egin ditu lansaioak, klubak bere webgune ofizialean eta sare sozialetan jakinarazi duenez.
COVID-19 dela-eta sortu den egoeragatik, Espainiako Gobernuak, Eusko Jaurlaritzak, Kirol Kontseilu Gorenak eta kirol erakundeek emandako aginduak jarraituz, SD Eibarrek ondorengo neurriak hartu ditu:
1. Lehen taldeak Ipuruan zein Atxabalpen egiten dituen lansaioak ateak itxita izango dira.
2. Prentsaurreko eta elkarrizketa guztiak bertan behera uzten dira.
3. Ekitaldi komertzialak eta publizitate ekintzak bertan behera geratzen dira.
4. Talde profesionalen lan saioak kenduta, beste talde guztienak bertan behera geratuko dira.
5. Txapelketa eta Lehiaketa guztiak bertan behera geratu dira.
6. SD Eibar Fundazioaren ekintza guztiak bertan behera geratu dira (Futbol Eskola, Ikastaroak, Jardunaldiak, e.a.).
7. Klubeko bulegoetako langileen gehiengoak etxetik egingo du lan.
8. Orsaixan, Klubeko Denda Ofiziala eta Bazkideen eta Akziodunen Arreta Bulegoa, itxita egongo dira. Arreta telefonoz egingo da. Sarrera fisikoen diru-itzulketa bertan behera geratuko da, eta aurrerago egingo da.
Zure interesekoa izan daiteke
Eibarrek Pejiño eta Imanol García de Albeniz aurkeztu ditu
Eibarrek Pejiño eta Imanol Garcia de Albeniz fitxaketa berriak aurkeztu ditu. Gallartakoak ondo ezagutzen du Eibar, utzita aritu baitzen eta berriro dator atzeko lerroa indartzera. Pejiñok, aldiz, metro batzuk aurrerago, erasoan jokatzen du, eta azken metroetan jokalari erabakigarria izateko fitxatu du Eibarrek.
Eibarrek denboraldiaurrea hasi du Areition
Eibarrek gaur ekin dio denboraldiaurreari Areition, Jokin Aranbarri entrenatzaile berriaren eskutik. Gaur estreinatu dituzte lehen taldearen instalazio berriak. Guztira, lehen taldeko 22 jokalarik lan egin dute, eta bigarren taldeko 6 jokalari batu zaizkie. Ivan Gil bakarrik falta izan da.
Eibarrek Imanol Garcia de Albeniz fitxatu du, 2029ra arte
Ezker hegaleko atzelari bizkaitarra, 2022-2023 denboraldian, Eibarren aritu zen, Athleticek utzita. Talde armagineko futbolari berria Sparta Pragatik iritsi da; 2025-2026 denboraldia, baina, Andorran eman du, Hypermotion Ligan.
Ivan Gil, Eibarrera bueltan
Erdilari kataluniarrak UD Las Palmasek utzita jokatu zuen talde armaginean eta 2029ra arte sinatu du oraingoan.
Hodei Arrillagak Eibarrekin berritu du 2029ra arte
Eibarko harrobian hezitako ezker hegalekoak beheko kategorietatik lehen taldera arteko ibilbide osoa egin ostean luzatu du klubarekin duen lotura.
Eibarrek Luis Lopezen kontratua 2029ra arte berritu duela iragarri du
Murtziako atezaina 2025eko ekainean iritsi zen armaginen taldera Mirandesetik eta azken denboraldi honetan Errege Kopako hiru partidak jokatu ditu.
Eibarrek Jokin Aranbarri entrenatzaile berria aurkeztu du: “Ohore handia da; lana eta konpromisoa ez dira faltako”
Aranbarrik emozio handiz hitz egin du, Ipuruan, talde armagineko lehen taldeko aulkia bere gain hartzean: “Taldea asko gustatzen zait, egia esan”, nabarmendu du.
Jesus Crespo, “Pejiño", Eibarren lehen fitxaketa 2026-27 denboraldirako
Pejiñoren etorrerarekin Eibarrek erasoko profil moldakorra izango du, desoreka eta bertikaltasuna eragiteko gai izango dena.
Marco Morenok Eibar utziko du Brasilgo Bahia taldera joateko
Atzelari kanariarra iragan denboraldiko udako merkatuan iritsi zen talde armaginera. Moreno hasierako hamaikakoetan izan zen txapelketaren zati handi batean, lesio batek taldetik kanpo utzi zuen arte.
Noe Fernandez, armagin berria
Erdilari avilestarrak 2028ra arte sinatu du Eibarko taldearekin.