Eibar galtzaile atera da Ipuruan, Cristianok egindako bi golen ondorioz (1-2)
Eibarrek 1 eta 2 galdu du Ipuruan Real Madrilen aurka jokatutako Liga partida. Cristiano Ronaldok bi gol egin ditu, bigarrena azken minutuetan, eta hiru puntuak Madril aldera joan dira.
Armaginek partida ona egin dute eta minutu askotan madrildarrak baino hobeto aritu dira. Lehen zatian, Eibar indartsu atera da eta Real Madril bere arean sartu du, goiko aldean egindako presioaren bidez. Inui izan da jokalari arriskutsuenetariko bat.
Horrela, lehen 20 minutuetan, Keylor Navasek etxekoen lehen gola saihestu du geldiketa bikaina eginda. Baina 33. minutuan, Eibarrek huts egin du defentsan eta Cristiano Ronaldok partidako lehen gola egin du, Modricek egindako pasea aprobetxatuz. Portugaldarraren 17. gola da aurtengo denboraldian.
Ramisen banakoa
Bigarren zatian, gipuzkoarrek berdinketa egin dute. Korner bate atera eta Ramisek baloia Keylorren atean sartu du, aurkariek marka gabe utzi dutela aprobetxatuta.
Ondoren, Modricek eta Ronaldok aukera argiak izan dituzte, baina Mendilibarren taldeak ere ez du amore eman eta garaipenaren gola bilatu du. Hala ere, gola madrildarrena izan da, Cristiano Ronaldok egin du 83. minutuan.
Fitxa teknikoa
1-. EIBAR: Dmitrovic; Capa, Arbilla, Ramis (Oliveira, 67. min), Cote; García, Escalante (Diop, 85. min), Jordán, Inui (Charles, 86. min), Pedro León; Kike García.
2-. REAL MADRIL: Navas; Carvajal, Varane (Nacho, 28. min), Ramos, Marcelo; Kroos (Benzema, 71. min), Modric, Casemiro, Isco; Bale, Benzema eta Cristiano Ronaldo
Golak: 0-1, 33. min. Cristiano Ronaldo. 1-1, 50. min. Ramis. 1-2. 83. min. Cristiano Ronaldo.
Zure interesekoa izan daiteke
Eibarrek porrota jaso du Deportivoren aurka eta etxetik kanpo irabazi gabe jarraitzen du
Talde armaginak gol bakarragatik galdu du Riazorren, eta bere zelaitik urrun oraindik partidarik irabazi ez duen bigarren mailako talde bakarra da.
Xeber Alkainek Eibar utzi du eta FK Karpaty Lviv talde ukrainarrarekin sinatu du
Futbolari gipuzkoarrak denboraldi eta erdi baino gehiagoz jokatu du Eibarren; 2024ko udan iritsi zen talde armaginera, Alavesetik, eta Eibarreko taldearekin 48 partida ofizial jokatu ditu.
Arene Altonaga: "Urteko azkeneko derbia da, eta motibazio handiarekin eta irabazteko gogoekin gaude"
F Moeve Ligako 21. jardunaldian, Eibarren eta Athleticen arteko derbia igande honetan jokatuko da, 12:00etan. EITBk ETB2n eta kirolakeitb.com bidez emango du partidaren berri. Eibar jaitsierarekiko daukan puntu tartea babesten saiatuko da.
Juan Bernat, SD Eibarreko jokalari berria: "Futbolaria naizela sentitu nahi dut berriro, eta Eibarrek aukera hori eman dit"
SD Eibarrek Juan Bernat aurkeztu du, eta pubalgiarako bigarren ebakuntza egin ostean libre ailegatu da. Atzelari valentziarrak zelaietara itzultzeko gogoa azpimarratu du, nahiz eta oraindik "aste eta erdi" behar duen.
Eibarrek garaipen epikoa lortu du gola luzapenean sartuta (2-1)
Javier Martonen eta Alvaro Rodriguezen golei esker, armaginek markagailua irauli dute Racing liderraren aurka.
Bartzelona gehiegi izan da Eibarrentzat (4-0)
Eibarrek 4-0 galdu du Bartzelona liderraren etxean F Moeve Ligako 20. jardunaldian. Lehen zatian 3-0 aurreratu dira etxekoak, eta bigarren zatiko aldaketek ez dute eraginik izan. Irene Paredesek 4-0ekoa sartu du.
Juan Bernat, SD Eibarren fitxaketa berria
Talde armaginak denboraldi bukaerara arte itxi du hegaleko valentziarraren kontratua. Ondoren, jarraitzeko aukera izango du.
Eibarrek puntu bat atera du Zaragozatik, partida kaskarra egin arren (1-1)
Armaginek etxetik kanpo garaipenik lortu gabe jarraitzen dute denboraldi honetan. Bi golak Yamiqek egin ditu, bat bere atean, eta horrez gain txartel gorria ere ikusi du partidaren amaieran.
Eibarrek laugarren porrota jarraian jaso du Granadaren aurka 0-2 galduta
Eibarrek 0-2 galdu du Granadaren aurka F Moeve ligako 19. jardunaldian. Jaitsierako postuak urrun badituzte ere, porrot hau ere zenbatuta, armaginek azken lau partidak galdu dituzte.
Eibarrek eta Udinesek Leo Butaren lagapenari amaiera ematea adostu dute
Ezker hegaleko portugaldarra 2025eko udaran ailegatu zen Eibarrera, eta 15 partida ofizial jokatu ditu talde armaginean.